Кеча Leadership EXPO-2020 павильонида Бирлашган Араб Амирликлари Давлат тараққиёти ва келажаги масалалари вазири Оҳуд бинт Халфан Ал-Руми хоним билан учрашдик.
Айтиш керакки, БАА — сўнгги 50 йилда инсонлар, айниқса, аёллар учун хавфсиз ҳудудга, дунёнинг энг тараққий этган мамлакатларидан бирига айланди. Учрашувда ижтимоий-иқтисодий масалалар юзасидан фикр алмашдик, кўплаб соҳалар бўйича ўзаро ҳамкорлик қилиш истиқболларини муҳокама қилдик.
Учрашувда Руми хоним Луврда бўлиб ўтадиган Ўзбекистон кўргазмасига катта қизиқиш билдираётганини таъкидлади. У Жаҳон банки рейтингларидан бирида бош ислоҳотчи сифатида тилга олинган Ўзбекистон ажойиб юрт экани ва қадимий шаҳарларимизни кўриш орзусида эканини айтди.
Ватанимиз гўзаллигини ўз кўзлари билан кўриши учун уни Ўзбекистонга таклиф қилдим.
