O'tkirbek Sobirov

2022-09-01 12:01:09 Faxr va shukr

Mayk O'zbekiston haqida videolar chiqarishni boshladi. Men ham bu videolarning bir qismiga aylangan edim.

Ertalab yangi vlogni ko'rib xursand bo'ldim. Ayniqsa, izohlarni o'qib kayfiyatim yanada ko'tarildi.

Braziliya ta'lim tizimi ayanchli ahvolda. Mayk bizning millatni hammasi savodli deb yozibdi YouTube videosining sarlavhasiga.

Biz qadriga yetmaymiz. Boshqalar bizga havas qiladi. Bu bizning "qadriyatimiz".

@srsobirov Ochish/sharhlash

2022-09-01 06:39:12 Shukronalik bayrami

Tug'ilib katta ham bo'pqoldik. Ko'p pog'onalarni ham bosib o'tmoqdamiz.

Alloh bandalariga juda ko'p ne'matlarni ato etdi. Bu ne'matlarning adadi yo'q.

Vatanimizning mustaqillikka erishganiga 31 yil to'libdi. Buni bir insonning o'rtacha yarim umriga baholasak bo'ladi. Aslida, chet el, eng zo'r universitetlar ham kichik mahallamizga ham teng bo'lolmaydi. Lekin o'sish, ilm olish, tirikchilik shuni taqozo etadi.

Bu 31 yil yana qanchadir muddatdan keyin 35/40/45... ga aylanadi. Ungacha esa biz nimalargadir ulgurishimiz kerak.

Vatan - bu mahalla, onalarimiz yopgan issiq non, bobo-buvilarimizning duolari, ota-onamiz va jigarlarimizning ishonchi va mehri, ko'chalarni changitib yurgan paytlarimizdagi quvonchi damlar.

Bularning barchasiga shukr keltirishimiz - bizning bu ne'matlarning qadriga yetishimizdan dalolat beradi.

Shukronalik - yaxshi odamlardagi eng oliy fazilatlardan biri!

Mustaqillik bayrami muborak bo'lsin!

@srsobirov Ochish/sharhlash

2022-08-31 10:02:39 Yangi video

Adashmasam, 5 yosh edim. Buvam bilan birga Qirg'izistonga uzum sotgani borgandim. Qirg'iziston bizga yaqin. Uzum turlarini bilasizmi: Qora anjan, Husayni...

Ketmonsop degan uzum navini eshitganmisilar? Farg'onaga aylanib borgandim, bahanada Oltiariqdagi Ketmonsop uzum bog'larini ko'rib keldim.

Video naturalniy chiqdi; kulguli holatlar ham bo'ldi. Qani, ko'ramiz unda:





Do not forget to subscribe:)

@srsobirov Ochish/sharhlash

2022-08-28 09:38:07 Yangi studentlarga

Sizga talabalik nasib qilibdi, o'qishga kira olmaganlarning boshida hozir yong'oqmi, kakosmi sinyapti.

Endi siz 5-sentabrdan oppoq formalarda o'qishga gerdayib bororasiz.

Lekin o'qishim yaxshimasakan, ustozlarning bilimi yaxshimasakan, menga yoqmayapti deb yurmang. Shukr qiling. Agar kirolmaganizda, uyda o'tirardiz stressga tushib, dod-voy solib.

Student bo'ldizmi endi nolishni yig'ishtiring. Hech qaysi universitet mukammalmas. Hech qaysi davlatda perfect ta'lim yo'q. Boriga qanoat qilib, o'qib o'rganib, biroga poydasi tegadigan odam bo'lilar.

Men nolib yurgan minglab studentlarni bilaman. Lekin sabr qilib, o'qiyotgan joyini yoqtirmasayam, oldinga dadil qadam bosayotganlarni ham ko'rdim.

O'qishni tashlab qo'ymaylar, yangi studentlar! Shu postni kecha kechqurundan baqir-chaqir qilishni boshlagan talabalarga jo'natib qo'yamiz.

@srsobirov Ochish/sharhlash

2022-08-27 20:53:49 Bir shingil xulosa

Biror bir ukangiz yoki singlingizga qilgan xatolaringizni aytib berib, ularni qo'rqiting. Ya'ni agar ular ham xuddi shu xatolarni takrorlashsa, nimalarni yutkazishlarini va qancha umrini behuda sarflashlarini aytib bering.

Agar haqiqatda ular o'z hayotini botqoqlikka g'arq qilishni xohlashmasa, sizni hayotiy xulosalaringizni yaxshilab o'ylab ko'rishadi va aniq maqsadlarini belgilab olishadi.

O'tgan noto'g'ri qadamlarimizni qayta bosa olmaymiz, lekin bizdan keyingilarga to'g'ri yo'ldan yurishni o'rgatishimiz mumkin.

Hayotiy misol

Velosiped haydashni o'rganish uchun undan million marta yiqilib tushganmiz bolaligimizda, to'g'rimi? Unda ham noto'g'ri boshqarishlar bo'lgan; eplaganmiz

Lekin mashina haydashni o'rganish uchun uni har kuni avariya qilish kerak deganimas-u (òzi bitta avariya yetkizadi). Birinchidan, u - texnika! Yo'l qoidalarini yaxshi o'rgansa, tezlikka e'tibor berib, xushyor bo'lib yursa avariya bo'lish foizi deyarli yo'q bo'ladi. Qolgan hodisalar bizga bog'liq emas!

Mashina haydashni o'rganish misolida tushuntira oldim deb o'ylayman.

Ziqnalik qimasdan, erinmasdan, nimani bilsak, yoshlarni tarbiyalaylik)

@srsobirov Ochish/sharhlash

2022-08-27 11:45:55 Yevropa qiynalyapti shekili. Angliyada ham muammolar ko'pga o'xshayapti. Dollar 2 oydan beri stabilniy turibdi.

Hurmatli talabalar, sentabrdan ko'p narsa qimmatlaydi. Hammaga sabr tilayman:)

Yangi studentlar sizlar ham o'rganib ketasilar. Ayniqsa, Toshkentda o'qiydiganlar!

Ps-Ms: hech qanday yangiliklarsiz pragnoz qilindi:)

@srsobirov Ochish/sharhlash

2022-08-25 19:51:09 Bolalikdagi orzu

5-sinf edim. Fizika va astronomiyaga qiziqardim. Hatto kutubxonalardan astronomiyaga oid kitoblarni qidirib yurganman.

Samolyotga boshqacha qiziqardim. Esilarda bo'sa, makkani so'tasi bo'ladi-yu, ashindan 2 qarich kesib, qanot, dum yasab samolyot qilardik sap-sariq qilib.

Haliginda bir uchuvchi akamiz bilan gaplashganimda, bu kasb jaa boshqacha uka - gashti bo'lakcha, kichkinaligizdan maqsad qilib, erishsayiz, o'ta maza qilasiz. Sababi - siz sodiq qolgansiz orzuyizga va unga yetaman deb harakat qilasiz. Shu gaplarni aytudi.

Men endi uchuvchi bo'la olmasam-da, shu maqsadda yurganlarga kichik maslahatlar berishim mumkin. Menda endi bu kasb uchun vaqt yo'q - yosh o'tyapti.

Lekin maktab paytidan tayyorlansa, hozirgi bolalar eplay olishadi. Muhimi - sog'lik, bilim va ishonch, harakat.

Piterda aviatsiya instituti bor. Shunga topshirishingiz mumkin. U yerda 5 yil o'qiysiz. Faqat geniylar aviatsiyada o'qiy oladi. Uchuvchilik orzumi? Olg'a unda!

https://spbguga.ru

@srsobirov Ochish/sharhlash

2022-08-25 13:44:39 Vakansiya

British Council exams assistant lavozimiga ishga taklif qilyapti. Ularning talablariga ko'ra, talabalarni olishmas ekan. Lekin aynan bu lavozimga mos kelsangiz, balki olishar.

Oylik maosh - $650. Ish davomiyligi - 2 yil.

Bakalavrni bitirganlar yoki sohada tajribaga egalar ariza topshirsin deyilibdi. Ingliz va rus tillarini bilgan va kompyuter savodxonligi yuqori bo'lgan tanishlar bo'lsa bu vakansiyani ulashing, nufuzli tashkilotda yaxshi careerga ega bo'lib oladi.

Ariza topshirish:
https://careers.britishcouncil.org/job/Tashkent-Exams-Assistant-Wide/842193701/

@srsobirov Ochish/sharhlash

2022-08-22 11:57:04 "Kelajaksiz do'kon"

Men bir do'konni bilaman. Esimni tanib, o'sha do'kondan savdo qilishni boshlaganimda qanday holatda bo'lsa, hozir ham xuddi ashnaqa holatda turadi.

Taxminan 15 yil deb aytaylik. 15 yil oz mudda emas. Bir bola 8-sinf bo'ladi bu vaqt ichida. Shuncha yillar davomida birorta o'zgarish qilmaslik - shunchaki bemaqsad yashash degani.

Biror bir biznesmen kompaniya ochsa, uni rivojlantirishga harakat qiladi, ofisiga e'tibor beradi. Xullas, o'z ishini doimiy ravishda kuchaytirib boradi.

Lekin men bilgan do'kon...U endi o'smasa kerak degan gumondaman.

Bu men bilgan qishloq hayotida qilinishi kerak bo'lgan eng kichik o'zgartirish. Qishloqlarda ba'zi bir odamlar faqat kuno'targa yashashadi; qo'lidan nima kelsa, ashini aylantirib yuraverishadi. Lekin ba'zi odamlarda maqsad bor: hech bo'lmaganda farzandini o'qishi uchun harakat qilishadi.

Nimaga asfalt, zamonaviy binolar haqida gapirmadim? Sababi, bu material narsalar - qachonlardir o'nqir-cho'nqir yerlar asfalt bo'ladi, eski uylar buzilib, yangisi tushadi.

Hayot o'zgarishi uchun bir xillik qolipidan chiqish kerak. Ha menga nima deydiganlar yashayveradi, lekin kunlaridan mazmun topisholmaydi.

Yiqilsa ham o'rnidan turib, yana oldinga gazini bosganlar - ular hayotidan ma'no topisha oladi.

Bu do'kon haqidagi hikoyani kimga aytishni joiz deb bilsangiz, aytib bering!

Bu kunlardan zavq ol, ertaga kuz; keyin qish, bahor bo'lib umr o'toradi:)

@srsobirov Ochish/sharhlash

2022-08-20 08:00:44 Amity Global Institutiga birgalikda sayohat qilamiz:)

Mini-vlogni tomosha qiling:
https://youtube.com/shorts/Ui8rqye-k3Q?feature=share

YouTube kanalimizga obuna bo'lishni unutmang:

https://youtube.com/channel/UCwTR76AHDjZay1htNm5-I1g

@srsobirov Ochish/sharhlash