La Repubblica: Tiago Pinto hozirdan boshlab iyun oyi oxirigacha bir muncha vaqtdan beri o'z oldiga qo'yilgan juda aniq maqsadga amal qiladi: 30-iyunga qadar 30 million yevro "Roma" g'aznasiga tushishi kerak. Bu UEFA bilan o'tgan yozda imzolangan to'rt yillik moliyaviy feyr-pley shartnomasi bilan belgilanadi.
Ularni qo'lga kiritishning eng tezkor yo'li, albatta, eng qiziq bo'lgan futbolchilarni boshqa klublarga sotishdir. 2024 yilning mart oyidan ertaroq maydonga qaytadigan Temmi Abrahamdan tashqari, Rojer Ibanes asosiy nomzod bo'lib qolmoqda.
Pinto 40 million yevro narx belgilab qo‘ygan va bu ko‘rsatkichni sotishni osonlashtirish uchun 30 million yevrogacha kamaytirish mumkin. "Tottenxem" va "Atletiko" uni qo'lga kiritishga qiziqish bildirmoqda, ammo ular kutishmoqda.
Ibanes ketishi bilan Pinto Evan N'Dikning transferini tartibga solishi mumkin. "Roma" "Ayntraxt"ning sobiq himoyachisi bilan og'zaki kelishuvga ega bo'lgan va Ibanes klubni tark etishi bilanoq yozma ravishda imzolanadi.
