Цирк ҳижолат. Бугун эрталаб қизиқ воқеа бўлди. Эрталаб уйимг | Soyipxonoff

Цирк ҳижолат.

Бугун эрталаб қизиқ воқеа бўлди. Эрталаб уйимга маҳалла раисимиз билан бир каттакон келиб бошимни оғритишди. Афтидан, каттакон сектор рахбари эканлар хатто ўзларини таништирмадилар. Нима эмиш, мен бугун-эрта ичида уйимиз деворини оқлаб чиройли қилиб қўйишим, кўчамиз бошини тозалаб озода ҳолатга келтиришим керак экан. Тан оламан уйимни девори абгор ҳолатда, кўрган одам бу хонадонда камбағал одам яшашини, мендек бир дарвеш жадид яшашини тахмин қила олади.

Мен дарвеш ҳам хоҳлайман уйимни чиройли қилиб, евротаъмир қилишни, данғиллама участка қилишни лекин мендек бетайинда унга пул қаёқда дейсиз, ахир катта-катта пул келиб турган жойи бўлмаса, пешона теримиз билан тебраниб юрибмиз, шукр. Мен бор - йўғи бир-иккита каналчаси ва бошқа кичкина ишда ишлайдиган, пайнетни пулини аранг чиқарадиган чала блогер бўлсам ўзингиздан қолар гап йўқ бу ёғи .

Ий-е асосийсини унутибман. Раис билан акахон келишларини сабаби ҳоким бизни маҳалладан ўтишлари мумкин экан. Вой, шу йерига кулавериб ўлиб қолсам-а?!
Шунча пайт ўзим учун ўз истагим билан бўямаган деворимни ҳоким учун икки кун ичида чиройли қилиб қўйишим керак экан. Катта одамларни қилаётган ишини қара Карл, бири маҳалла раиси, бири каттакон, ахир улар ҳам билишади-ку, буни "ҳўжа кўрсин"дан бошқа нарса эмаслигини, ҳоким юраётган йўлда шаҳар бўйлаб минглаб хонадонлар, юзлаб кўчалар бор.

Нима улардан бирортаси мени уйим ёки мени маҳалламдек эмасми? Нима у кўчаларни ҳаммаси деворлар оқлаб қўйилганми ҳоким бувамиз кўриб кўзлари қувнасин деб. Шунча йўл, шунча кўчани кўрмас эканда айнан бизни уйга келганда кўрар эканми, бу лотореядаги ютуқ-ку ахир. Майли, ҳоким бизни уйни кўриб қолиб бизни уйга кириб нега бундайлигини сўрасин, мен нега хоким ҳам қўли остида "сиркчи" одамларни ишлаётганини сўрайман.

Менимча, мени уйим чиройли эмаслиги, деворлари бўялмагани учун ҳоким уларни айбламаса керак ахир у мени уйимку мен хоҳласам ремонт қиламан, хоҳламасам йўқ. Агар уларни айблади десак ҳам бу нормал жамиятда бўладиган вазият эмас деб биламан. Очиғи бу қилиқлар мени ранжитди, яна бир-икки гап қолиб кетди, яхшиси уларни ёзмаганим маъқул. Қайси савия, қайси дунёқараш билан бунақа кўзбўяма ишларни қилишади ҳайронман, яна улар институтда ўқиганлар, зиёли, олий маълумотли инсонлар, ўргилдим.

Мана шунақа ишларни кўраверсанг-кўраверсанг суриш иштиёқи ортгандан-ортади. Катта авлод майли, улар бунақа кўзбўямачиликни, "хўжа кўрсин" ишларни кўп кўришган, лекин биз ёшмиз ахир, ёшларни бундайчикин ишлар билан яшаб турган юртидан совутманглар илтимос!

Яна қайтараман ҳоким мени уйим ва деворларим хуниклиги учун уйимга кирсин, нега сени уйинг хуник деб сўрасин мен мароқ билан айтадиган бир икки гапим бор...
Рахбарларининг айримлари ҳам оддий фуқаро билан қандай қўпол, амалдорлар ва тв олдида қандай мулойим эканликларидан хабаримиз бор.

Уйларни уларни дарвозаларига қараб баҳо берманг, у дарвоза ортида олтин қалбли инсонлар бўлиши мумкин.

Узр мен кўзбўямачилик қилолмайман, узр мен оғзим тўлиб пахта қўйиб" мақтай олмайман, яхшиям шу каналим бор...

@Soyipxonoff