Muhammadali Soriyev (Rasmiy)

2023-01-08 07:53:29 Qadimiy odatlar 1.

Kunlar isigan mahal,
Miyamga zapt tepildi.
Uxlab yotgan joyimda,
Ustimga suv sepildi.

Tashqarida momolar,
Joy yoʻq hatto yurishga.
Qoʻlda tayoq, toshbaqa,
Ketayotgandek urushga.

"Tuz xotin" boshlanbdi,
Hamma qoʻlida chelak.
Birinchi farzand qani,
Unga suv sepish kerak.

Eshitdim qulogʻim ding,
Qochdim uzalang tomon.
Baqirishdi qochdi deb,
Quvdilar ortidan yomon.

Ayollar chaqon ekan,
Meni birdan ushlashdi.
Hamma qoʻlida chelak,
Men sepay deb talashdi.

Qaradim atrofimga,
Hamma yoqda chechalar.
Tushimda ham ularni,
Kuramanov kechalar.

Katta yoshli odam ham,
Kuchadan yurolmasdi.
Utganda ham koʻchadan,
Hoʻl boʻlmay utolmasdi.

Qoʻshildim men ham safga,
Men tajriba quyoni.
Katta qadam tashladim,
Bilmagandim buyogʻi.

Ayollarga qoyilman,
Ushlanglar deb shoshardi.
Oʻn besh kunlik kelin ham,
Derazadan qochardi.

Qoʻlda tayoq toshbaqa,
Yurardik koʻcha tomon.
Men tajriba quyoni,
Suv sepishardi hamon.

Bitta ayol jilmayib,
Hamma yogʻing kir yagʻir.
Molni ogʻzidan olib,
Suv sepdi-ya bir paqir.

Shu shu daryoga bordik,
Suzma pishgan yaltirab.
Momo qornim ochdi deb,
Qoʻlim tutdim qaltirab.

Qorin tuygʻizdim oson,
Qumdaryoga choʻmildim.
Toshbaqa daryo tomon,
Men uyimga yugurdim.

Bu kabi urf odatlar,
Birlashtirib turajak.
Kimligimiz anglatar,
Porloq bular kelajak.

Soriyev Muhammadali Ochish/sharhlash

2023-01-08 06:09:41 Qish siniqlari
Soriyev Muhammadali Ochish/sharhlash

2023-01-08 06:04:52 Kelar kezgim
Soriyev Muhammadali Ochish/sharhlash

2023-01-07 07:07:13 Saratonda chanqab, tilim quriganda,
Osmonlarga uchganida, qaro bu sevgim.
Ajib koʻzim ming savdoni koʻrganida,
Hech kimi yoʻq, adirlarni kelar kezgim.

Gohida men sheʼr yozolmay qolganimda,
Jilovidan qochganida faqir sezgim.
Ming oʻylovlar, ming xayolga tolganimda,
Hech kimi yoʻq, adirlarni kelar kezgim.

Goh kimnidir, goh yoshlikni sogʻinganda,
Yiroqlashib ketganida, mendan kulgim.
Bir qalam-u, bir bayt bilan ovunganda,
Hech kimi yoʻq, adirlarni kelar kezgim.

Baqiraman xumorimdan chiqinumcha,
Faqat shu yer, jim eshitar meni soʻzim.
Dardosh, sirdosh boʻlar toki oʻlgunimcha,
Hech kimi yoʻq adirlarni kelar kezgim.

Mangu viqor, mangu qirlar jam boʻlgan yurt,
Necha yovni qaytargan bu adirlaring.
Tuprogʻingni oltinlarga almashmagan,
Sen bilandir, Muhammad-u, Sadirlaring.

Soriyev Muhammadali Ochish/sharhlash

2023-01-04 08:03:02 Men daraxtning doʻstiman, novdalarim qaqshagan,
Men vohaning oʻgʻliman, ontim toshga oʻxshagan.
Men buloqman togʻlarda, jilov kurmay kishnagan,
Men odaman, ikki yul, ikki tanga boʻlingan,
Biri toʻgʻri va ravon, birga kulfat berkingan. Ochish/sharhlash

2023-01-03 07:52:46 Odamlar sandalga uranmay quydi.
Endi ular uchun sandal begona,
Qish ham kelganidan pushaymon hozir,
Untildi eskilik, asartqi--ona.

Qor gupilab yogʻar, derazada nur,
Ertaklar zamoni - ponus chiroqda.
Oqshomlar gurung, mutolaa kitob,
Onajon u zamonlar qoldi uzoqda.

Chananing urnida, sirgʻalgan kovush,
Pastqam maktabimiz koʻrinar xira.
Oyoqlarda etik- egnimda chopon,
Etik-chopon asri qaytmaydi sira.

Telefon qayerda- qoʻlda burda non,
Biz uchun qor ham mazali taom.
Sinfda koʻmirning hidi anqigan,
E qaylarda qoldi bu sodda avom.

Qizlarning ortidan otilgan qorlar,
Yoʻllarda qor ham tugab qolardi.
Sevginoma aylangan hozir sarobga,
Anketa toʻldirish modda boʻlardi.

Ertalab shakarchoy, kofelar qayda,
Qaynoqina turshaksuv yurakka darmon.
Qaymoqa surtilgan issiq non hidi,
Bu qadrdon yemaklar men uchun armon.

Qambagʻal, qashoqning zamoni tugar,
Hozir zodagon-u boyning zamoni.
Olislarda qolgan usha turshaksuv,
Osuda orom ol qorlar makoni.

Alvido qor tagida qolgan bolaligim.

Muhammadali Soriyev Ochish/sharhlash

2023-01-02 18:08:33 Suroqli dunyo.

Yakun yaxshi emas, yakun bir titroq,
Vaqtimiz quyoshning nuridan tezroq.
Valomatki koʻzimiz yumilgan biroq,
Sekundda aldaydi suroqli hayot.

Tovbamiz tayin-u, ishimiz hunuk,
Gunoh kirlaridan yozilgan bayot.
Jismimiz nomozda, hayol ochiqan,
Shu hayotda sinaydi suroqli hayot.

Teran ildizlarga bolta urganday,
Uz tagimiz quritib, xursandmiz hay-hot.
Oilani hattoki pulga ulchaymiz,
Suroqsiz emas suroqli hayot.

Soriyev Muhammadali Ochish/sharhlash

2022-12-30 06:02:32 Bir dasturxon uttiz qoʻl,
Hamma qoʻlini choʻzdi.
Bitta kichik dasturxon,
El qornini tuygʻizdi.

Bu gap nimaga shama,
Bilim seni tuygʻizar.
Bitta fikr va aql,
Ming manqurtni oʻtqizar.

Jamiyatda zur bulma,
Teranlik boʻlsin yuldosh.
Maslahatim shu senga,
Uylab koʻrgin ey yurtdosh. Ochish/sharhlash

2022-12-24 18:13:50 Kechir sevgilim
Soriyev Muhammadali
24.12.2022. Ochish/sharhlash

2022-12-24 18:04:00 "Muxabbat" nima u dedinga kulib,
Bitta gap, ming bulaka ajraldi dilim.
Seni xiyonatkor demasman aslo,
Menday xiyonatkorni kechir sevgilim.

Men seni sevmayman, deding jilmayib,
Bitta gap, zabonsiz qoldi bu tilim,
Vafosizsan deya etmayman inkor,
Menday vafosizni kechir sevgilim,

Tuyim bulayabdi, deding jim turib,
Bitta gap, tushib ketdi qoʻlimda gulim.
Sen sotqinsan deya, etmayman ta'na,
Menday sotqingingni kechir sevgilim.

"Xayr- Alvido" deb silkading qoʻling,
Bitta gap, zulmatga aylandi yulim.
Seni zulimkor deb aytmayman ammo,
Faqat Muhammadni kechir sevgilim.

Soriyev Muhammadali Ochish/sharhlash