.

2022-10-04 19:09:47 Охирги вақтлар бир гапни кўп жойда, кўп вазиятларда такрорлаяпман: "Энг асосийси – қалб хотиржамлиги. Қолган ҳамма ишлар фақат шунга боғлиқ". Дархақиқат, хотиржамлик энг бебаҳо неъмат мен учун. Кичиккина бир ғамингиз бўлса ҳам баъзида катта-катта муваффақиятларингиз татимайди. Ёки оддий бир гумон, иккиланиш ёхуд ҳаловатсизлик бўлса, на қўл ишга боради, на кўнгил ниманидир истайди. Ҳеч нарса ёқмайди, бирор юмуш кўнгилга сиғмайди.

Шу сабаб хотиржамлик улуғ неъматдир. Бунга шахсан ўзим сўнгги пайтларда қайта-қайта ишонч ҳосил қилдим. Хотиржамлик ҳақида эҳтимолки, бир китоб ёзса бўлади.

Бир инсондан эшитган гапим бор: "Нима иш қилишингдан қатъи назар шу ишни мароқ билан бажар ва бошқа ҳар нарсани унут! Китоб ўқияпсанми, қарзларингни қандай узишни ўйлама, фақат ўқи. Овқатланяпсанми, ишдаги топшириқни ўз муддатида топшириш ғамини ема, мазза қилиб таомлан. Ишлаяпсанми, мазза қилиб ишла, бошқа ғамларга чалғима. Ана шунда ҳар ишингда барака ва роҳат бўлади".

Бу гаплар мутлақо тўғри деб ҳисоблайман. Лекин шу ишларни бажараётганда борлиқдаги бошқа ҳамма нарсани вақтинча унутиб туриш учун айнан хотиржамлик керак. Акс ҳолда, миянинг бир четида "уйланиш керак", "магистратурани қаерда ўқийман?", "диплом ишини қайси мавзуда ёзсам экан", "бошлиқдан ойликни олдиндан сўрасамми" каби ўй-хаёллар айланаверади-айланаверади. Шундай экан, барчангизга соғлик, бахт, бойликдан ҳам кўра, аввало, қалб хотиржамлигини тилайман. Чунки шу бўлмаса юқорида санаб ўтилган бошқа жиҳатлардаги ютуғингизни чин қалбдан ҳис қила олмайсиз.

@soliyev Ochish/sharhlash

2022-09-30 11:46:11 Таржимоннинг иши қийин

Латифалар, ҳажвиялар, мақолларни таржима қилиш осон иш эмас. Бир куни, икки тараф музокара ўтказаётганда биринчи тараф ҳазил гап айтибди. Бу ҳазилни тўғри таржима қила олмаслигини тушунган таржимон иккинчи тарафга шундай дебди: «Бу одам ўзига кулгили туюлган бир гап айтди. Мен уни сизга ҳам кулгили бўладиган ҳолда таржима қилиб бера олмайман, шунинг учун мен гапимни тугатганимда, сиздан кулиб қўйишни илтимос қиламан».

Таржимоннинг иши қийин, уларнинг меҳнатини ва вақтини қадрлаш керак. Халқаро таржимонлар куни билан табриклайман, ҳурматли таржимонлар!

@soliyev Ochish/sharhlash

2022-09-18 16:02:31 Алихонтўра Соғунийнинг бир гаплари бор эди: "Агар ўзбеклар ош атрофида бирлашгандек бирлашса эди аллақачон эркли бўларди". (Нотўғри жойи бўлса узр)

Шу гапни эслаб ва бугунги кундаги воқеаларни кўриб шунга ўхшаш бир гап ярқ этиб хаёлимга келди: "Агар ўзбеклар бошқа масалаларда ҳам ''Open budget"га овоз йиғиш учун бирлашгандек бирлашса эди, мамлакат ва миллат аллақачон тараққий этган бўларди"...

@soliyev Ochish/sharhlash

2022-09-18 07:02:13 Қайси соҳада бўлишидан қатъи назар кишида илм бўлса унинг елкасидаги юк оғирлашиб бораверади. Илм кўпайган сари оғирлик миқдори ҳам ортади. Баъзида эса бу юк нафақат елкани, юракни ҳам эза бошлайди. Янада аниқроқ айтадиган бўлсам, демократия аслида қандай бўлиши, бундай жамиятда ҳукумат бошлиқлари қандай бўлишию, халқнинг қандай яшаши ҳақида қандайдир билимга эга бўлгунингга қадар доим қандай бўлса шу тўғри деб билгансан. Бу борада керакли билимларни олгандан кейин эса сен яшаётган жамиятда ҳаммаси ҳам ўз ўрнида эмаслигини тушундинг. Имкон қадар буни тузатиш учун ҳаракат қилдинг. Кучинг етмаса, адолатсизликларни кўриб хўрсиниб қўйдинг. Илминг даражасида ҳолатни таҳлил қилдинг. Кўксингда нимадир ачишди. Чунки зулмат ичида ўтирган ҳолатда чироқни қандай ёқиш мумкинлиги ҳақида илминг бўлсаю, бунга йўл қўйишмаса, руҳинг азобланади, ич-этингни емирасан.

Ҳаммаси керагидан ортиқ даражага етганда эса "бореее" деб қўл силтайсан ва сендан кейинги авлод ҳам шундай яшашга маҳкум. Кучинг етса, охиригача кураш. Лекин мағлубиятинг тайин бўлса, яхшиси ҳозир ўқиганларингни унут. Ўзингни қийнама, бари фойдасиз...

@soliyev Ochish/sharhlash

2022-09-18 00:26:32 . pinned «Баъзи сабабларга кўра канал фаолияти тўхтатилди. Энди нимадир ёзсам @soliyev да чиқади. Ўша каналга ўтиб олинглар. Хоҳлаганлар шунчаки кетиши мумкин, фикрларим қизиқ бўлганларни эса @soliyev да кутаман.» Ochish/sharhlash

2022-09-17 23:00:58 Ўзбек тилида футбол ҳақида матнли контент тайёрлайдиган каналларни санашга бармоқлар ҳам ортиб қолади. Лекин энди бу бўшлиқ тўлдирилди. Футбол ҳақида сифатли ва оригинал фикрлар, таҳлиллар, мақолалар, хотиралар бериб бориладиган канал очилди. Футболга қизиққанлар, аъзо бўлинг: @futbol_minds Ochish/sharhlash

2022-09-11 11:37:01 Шу кунларда оммавий ахборот воситаларида айланаётган, бир-бирига боғлиқ бўлмаган хабарлар билан бўлишмоқчиман.

Тошкентдаги мактабда сочи 2 сантиметрдан узун бўлган ўғил бола ўқувчиларга қарши махсус операция ўтказилди. Бу "операция"ни қайчи кўтарган ички ишлар органи ходимлари амалга оширган.

Дунёга машҳур Washington Post Magazine нашрининг охирги сон муқовасида Ўзбекистондаги Орол денгизининг йўқликка юз тутаётгани акс эттирилди.

***

Ростда, денгиз-пенгизи билан қуриб битсин, бизга нима? Муҳими ўқувчиларнинг сочи калта, пайпоғи узун бўлиши керак.

@soliyev Ochish/sharhlash

2022-09-05 11:33:02 Исталган одам бирор жиноят қилса у шунчаки айбдор. У жиноятчи дейилади. Лекин мусулмон бирор жиноят қилса, у террорист, инсоният душмани дейилади. Мана сизга динлараро бағрикенглик, тенглик ва адолат!

"Бу дунёдан адолат изламанг, Умар (р.а) ўлган".

@soliyev Ochish/sharhlash

2022-09-04 08:20:17 Одамларга ўзингга тегишли хулоса ва фикрларни айтсанг, буни насиҳат ўрнида қабул қилишади. Кўпчилик кишиларга эса насиҳат ёқмайди. Аммо ўзингга тегишли гапни бирор буюк аллома, таниқли шахс номидан айтсанг, одамлар бунга қонун-қоида, чин ҳақиқат сифатида қарайди. Бу гапни ҳақиқатан ўша одам айтганми, йўқми текшириб ҳам ўтиришмайди. Муаммо ҳам шунда: биз фикрлар, қарашларга эмас, шахсларга эътибор қиламиз. Ҳақ гапни оддийроқ одам айтса, унинг гапи ҳам оддийга айланади. Баъзида эса таниқлироқ одам аҳмоқона гап айтса ҳам унинг гапи қарсаклар билан қабул килинади.

Қисқаси, одамларга ижтимоий келиб чиқишига қараб эмас, дунёқараши, савияси, фикрларига қараб баҳо бериш керак.

@soliyev Ochish/sharhlash

2022-08-30 20:55:14 Баъзи сабабларга кўра канал фаолияти тўхтатилди. Энди нимадир ёзсам @soliyev да чиқади. Ўша каналга ўтиб олинглар. Хоҳлаганлар шунчаки кетиши мумкин, фикрларим қизиқ бўлганларни эса @soliyev да кутаман. Ochish/sharhlash