Soliq qo‘mitasi

2022-09-01 06:08:35 #mustaqillik_31_yil

Assalomu alaykum, aziz hamyurtlar, qadrli vatandoshlar, yangi O‘zbekiston tarixidagi shonli sana – Vatanimiz mustaqilligining o‘ttiz bir yillik bayramini barchamiz katta shodu xurramlik bilan kutib olmoqdamiz.

Shu munosabat bilan butun xalqimizni, barcha vatandoshlarni chin qalbimdan tabriklayman. Sizlarga o‘zimning samimiy va ezgu tilaklarimni izhor etaman.

Ajdodlarimiz, bu muqaddas maqsad yo‘lidagi mashaqqatli sinovlarda jon olib, jon berib kurashdi. Xalqimiz qalbidagi hurriyatga intilishni hech qanday bosqin, zulm va zo‘ravonliklar yo‘qota olmadi.

Asrlar, zamonlar o‘tar, ammo, barchamizga o‘zligimzni qadr-qimmatimizni, tilimiz, muqaddas dinimizni va tariximizni qaytarib bergan bu ulug‘ ayyom Vatanimiz tarixida oltin sahifa bo‘lib qoladi.

Taʼkidlash lozim, keyingi yillarda xalqimiz ajdodlarga xos mustahkam iroda va matonat, beqiyos salohiyatini namoyon etib, qisqa fursatda ulkan taraqqiyot yo‘lini bosib o‘tdi. Bu esa Prezidentimiz boshchiligida mamlakatimizda olib borilayotgan jadal islohotlarning mustahkam tirgagi bo‘lib, yangi O‘zbekiston – Uchinchi Renessans davrida muhim o‘rin tutmoqda.

Ushbu tarixiy jarayonlarda davlat soliq xizmati organlarining ham faol ishtirokini qayd etish joiz. Shunday ulug‘ va sharafli safda – yangi O‘zbekiston bunyodkorlari safida turganligimizdan biz, soliq organlari tizimidagi barcha davlat xizmatchilari o‘zimizni chinakam baxtiyor inson deb bilamiz.

Davlat soliq xizmati organlari, xalqchil va demokratik tamoyillarga asoslangan yangi O‘zbekistonni, erkin fuqarolik jamiyatini barpo etish yo‘lida sidqi dildan xalqqa xizmat qilishga hamisha tayyor.

Men millati, tili va dinidan qatʼi nazar, barcha yurtdoshlarimizni bugungi ulug‘ ayyom – O‘zbekiston Respublikasi mustaqilligining 31 yilligi bilan yana bir bor muborakbod etaman.

Jonajon Vatanimiz, xonadonlarimizdan tinchlik-osoyishtalik, fayzu baraka hech qachon arimasin. Yurtimiz tinch, osmonimiz musaffo, mustaqilligimiz abadiy bo‘lsin!

Sherzod Kudbiyev,
O‘zbekiston Respublikasi Davlat soliq qo‘mitasi raisi

Тelegram | Facebook | Youtube| Instagram Ochish/sharhlash

2022-09-01 06:08:34 Ochish/sharhlash

2022-08-31 18:32:13 "Фурсатдан фойдаланиб, ислоҳотларимизни фаол қўллаб-қувватлаб, уларни амалга оширишда доимо фидоийлик кўрсатиб келаётган меҳнаткаш, олижаноб ва бағрикенг халқимизга чин дилдан таъзим қиламан.

Сиз, азиз юртдошларимни Ўзбекистон мустақиллигининг ўттиз бир йиллик байрами билан яна бир бор қутлаб, барчангизга сиҳат-саломатлик, оилаларингизга бахту саодат, файзу барака тилайман.

Эзгу орзу-ниятларимиз амалга ошсин!

Яратганнинг ўзи барчамизни паноҳида асрасин!

Юртимиз тинч, халқимиз омон, Мустақиллигимиз абадий бўлсин!”, деди давлатимиз раҳбари сўзининг якунида.

Facebook|Instagram|Twitter Ochish/sharhlash

2022-08-31 10:40:27 #stol_tennisi

O‘zbekiston Respublikasi davlat mustaqilligining 31 yilligi munosabati bilan Davlat soliq xizmati organlari xodimlari o‘rtasida stol tennisi musobaqasi tashkil etildi

Тelegram | Facebook | Youtube| Instagram Ochish/sharhlash

2022-08-30 08:51:46 Poytaxtimizda mustaqilligimizning 31 yilligi oldidan “Yangi O‘zbekistonda el aziz, inson aziz” shiori ostida bayram tadbirlari o‘tkazilmoqda

Тelegram | Facebook | Youtube| Instagram Ochish/sharhlash

2022-08-29 16:53:23 #e_ijara

Ijara shartnomalarini hisobga qo‘yishda talabalardan elektron raqamli imzo talab etilmaydi.

Ko‘chmas mulk ijara shartnomalarini 2 xil usulda hisobga qo‘yish mumkin.

ijara.soliq.uz sayti orqali. Bunda ijaraga beruvchi saytdan "Talabalar ijarasi" bo‘limini tanlab "Ijaraga oluvchi talaba to‘g‘risida ma'lumot" oynasiga ijaraga oluvchi talabaning JShShIRni kiritganda uning ma’lumotlari (F.I.O, ta’lim olayotgan o‘quv yurti, fakulteti, ta’lim shakli va bosqichi, shuningdek doimiy ro‘yxatga olingan manzili) avtomatik shakllanadi.

Keyingi jarayonda "Qo‘shish" tugmasi orqali talaba bilan birga turgan boshqa talabalar dasturga kiritiladi.

So‘ngra “Telefon raqami” qatoriga ijaraga oluvchi talabaning telefon raqami kiritilib, “Tasdiqlash kodini yuborish” tugmasi bosiladi. Talabaning telefoniga SMS orqali kelgan 5 xonali raqam “Tasdiqlash kodi” qatoriga yozilib “Tasdiqlash” tugmasi bosiladi.

“Soliq” mobil ilovasi orqali. Ilovaning "Ijaraga berish" undan so‘ng “Talabalar uchun ijara shartnoma” bo‘limi orqali talabalar bilan tuzilgan ko‘chmas mulk ijara shartnomalari hisobga qo‘yiladi.

Ilovaga ijaraga beruvchi jismoniy shaxs tomonidan talabaning shaxsiy identifikatsiya raqami kiritilganda uning maʼlumotlari avtomatik shakllanadi. Talabalar Face ID yoki telefon raqamiga SMS orqali keladigan 5 xonali raqamni kiritish orqali ijara shartnomasini tasdiqlashi mumkin.

Talabalar bilan tuzilgan ijara shartnomalari hisobga qo‘yilganda ushbu ma'lumotlar Oliy va o‘rta maxsus ta‘lim vazirligi bazasida shakllanadi. Bu esa oylik ijara to‘lovining bir qismini qoplab berishda oliy o‘quv yurtlariga qulaylik yaratadi.

Eslatib o‘tamiz, soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. (Soliq kodeksi, 378-modda)

Turar joylarni ijaraga oluvchi talabalarda soliq majburiyati yuzaga kelmaydi.

Ijara shartnomalarini hisobga qo‘yish bo‘yicha videoqo‘llanma

Тelegram | Facebook | Youtube| Instagram Ochish/sharhlash

2022-08-28 10:34:37 #stol_tennisi

O‘zbekiston Respublikasi Davlat Mustaqilligining 31 yilligi munosabati bilan Davlat soliq xizmati organlari xodimlari o‘rtasida stol tennisi musobaqasi tashkil etildi.

Toshkent viloyatining “Xvan Man Gim” sportklubida o‘tkazilgan musobaqada ishtirokchilar erkaklar va ayollar yakkalik yo‘nalishida kurash olib borishdi.

Natijalar:

Ayollar yo‘nalishi:

-o‘rin Elmurodova Go‘zal

-o‘rin Amanniyazova Nilufar

- o‘rin Sharifova Nazokat

Erkaklar yo‘nalishi:

-o‘rin Nurmatov Sherzod

-o‘rin Usenov Bobur

- o‘rin Rixsiboyev Jaxongir

Turnirning g‘olib va sovrindorlariga tashkilotchilar tomonidan diplom va esdalik sovg‘alari topshirildi.

Тelegram | Facebook | Youtube | Instagram Ochish/sharhlash

2022-08-26 15:15:36 #keshbek

To‘langan keshbeklar 330 milliard soʻmdan oshdi

Iyul oyi uchun 829 753 nafar isteʼmolchiga 70,7 mlrd soʻm keshbek toʻlandi.

Shuningdek, kamchiliklar bartaraf etilishi natijasida – yanvar-iyun oylari uchun yana 3,3 mlrd so'm keshbek tasdiqlandi.

Yil boshidan buyon 1 097 625 nafar fuqaroga 330,8 mlrd soʻm keshbek toʻlab berildi.

Yanvar Fevral Mart Aprel May Iyun
___________
#кешбэк

Выплаченные суммы кешбэка превысили 330 миллиардов сумов

За июль месяц 829 753 потребителям выплачено 70,7 млрд сумов.

Также после устранения недостатков в налоговой отчетности и уменьшения налоговой задолженности за январь-июнь – выплачено ещё 3,3 млрд сумов кешбэка.

Итого с начала года общая сумма кешбэка, выплаченного 1 097 625 потребителям, достигла 330,8 млрд сумов.

Январь Февраль Март Апрель Май Июнь

Тelegram | Facebook | Youtube | Instagram Ochish/sharhlash

2022-08-26 10:49:51 Qoraqalpog‘istonda tadbirkorlikni rivojlantirish maqsadida:

hudud uchun foyda solig‘i stavkasini 15 foizdan 7,5 foizga tushirish;

aylanma soliq stavkasini Nukus shahrida 4 foizdan 2 foizga, tumanlarda 2 foizdan 1 foizga, olis hududlarda esa 1 foizdan 0,5 foizga pasaytirish;

mol-mulk va yer solig‘i stavkalarini 2 baravarga kamaytirish bo‘yicha qaror loyihasini kiritish topshirildi.

Bundan tashqari, joriy yilda oilaviy tadbirkorlik dasturlari uchun rejadagi 650 milliard so‘mga qo‘shimcha ravishda 200 milliard so‘m ajratiladi.

Тelegram | Facebook | Youtube| Instagram Ochish/sharhlash

2022-08-24 10:25:30 #infografika

O‘zbekistonda chet el investitsiyasi ishtirokida ochilgan korxonalar

Davlat soliq qo‘mitasi ma'lumotlariga ko‘ra, 2022-yil 1-avgust holatiga chet el investitsiyasi ishtirokida 11 mingdan ziyod korxona ochilgan. Ular tomonidan amalga oshirilgan umumiy aylanma hajmi – 90,2 trln so‘m.

Ma'lumot uchun, 2021-yil 1-avgust holatiga chet el investitsiyasi ishtirokidagi korxonalar soni 8 754 ta, umumiy aylanmasi – 67 trln so‘m bo‘lgan.

Тelegram | Facebook | Youtube | Instagram Ochish/sharhlash