СОЛИХА АЁЛ🧕🧕🧕

2022-08-31 22:41:21 Зулм нима?
"Зулм" сўзи арабча сўз бўлиб, ўзбек тилидаги зулм сўзига ўхшаб кетсада, ундан фарқли ўлароқ Ислом динида "ноҳақлик" деган маънони англатади. Зулм 2 хил томонга:
1. Аллоҳга
2. Аллоҳнинг махлуқотларига
йўналтирилиши мумкин.
Демак, зулм  - ноҳақлик Аллоҳга ва Унинг махлуқотларига нисбатан қилиниши мумкин экан.
Ислом динида фарз(мажбурият) ва вожиб(шарт) бўлган амалларни тарк қилиш ҳамда ҳаром(қатъий тақиқланган) ва макруҳи таҳримий(тақиқланган) амалларига қўл уриш Аллоҳга нисбатан зулм  - ноҳақлик қилиш саналади. Ахир инсон Аллоҳнинг қули бўла туриб, инсон ва оламни яратган, йўқдан бор қилган Роббисининг буйруқларини бажармаслиги, Унга итоат қилмаслиги ноҳақлик эмасми?! Шу жиҳатдан ширк энг катта зулм  - ноҳақлик саналади. Аллоҳ таоло шундай деган:
إِنَّ الشِّرْكَ لَظُلْمٌ عَظِيمٌ *
(سورة لقمان - ١٣)
"Албатта ширк, шубҳасиз, улкан зулм  - ноҳақликдир".
(Луқмон сураси 13-оят)
Ширкнинг энг катта зулм  - ноҳақлик саналишига сабаб эса, олам ва инсонни Аллоҳ яратган бўлса-ю, инсон ҳаёт бўлиши учун керак бўлган ҳар бир омилни Аллоҳ етказиб берган бўлса-ю, инсон Аллоҳни қўйиб бут-санамлар, шахслар, жинлар ва ўз нафси каби Аллоҳдан бошқага сиғинганлигидир.
Ислом динида инсоннинг саломатлиги, мол-мулки ҳамда руҳияти ва обрўсига шикаст етказиш даражасида унга ёмонлик қилиш Аллоҳнинг махлуқотига зулм  - ноҳақлик қилиш саналади.
Инсонга зулм қилиш 3 хил бўлади. Улар:
1. Моддий
2. Жисмоний
3. Маънавий
Инсоннинг мол-мулкини тортиб олиш, ўғирлаш, фирибгарлик(машенниклик) йўли билан олиш, хизмат ҳаққини тўлиқ бермаслик, молиявий келишувларга риоя қилмаслик, қодир бўла туриб қарзини бермаслик ёки беришга қодир бўла туриб қарз берган кишидан изн сўрамасдан уни вақтидан кечиктириш, бировнинг ҳаққини унинг изнисиз ейиш ё ишлатиш каби унинг моддий томонига зарар етказиш ишлари моддий зулм - ноҳақликка киради.
Инсонни ноҳақ уриш ё тепиш ёки ўлдириш (унга ҳақли бўлган ўринлар асосан душманни даф қилишда бўлади), унга қила олмайдиган ёки саломатлигига зарар етказадиган ишларни юклаш ё талаб қилиш ёки қилдириш каби унинг жисмига, саломатлигига зарар етказадиган, ҳаётига хавф соладиган ишлар жисмоний зулм - ноҳақлик дейилади.
Инсоннинг асабини бузиш,  руҳиятини чўктириш, уни қўрқитиш, уни камситиш, сўз ё ишора билан уни ёмон қилиб кўрсатиш, уни ғийбат қилиш ёки унга туҳмат қилиш билан обрўсига шикаст етказиш, уни сўкиш ва ҳақорат қилиш, унга қўпол гапириш ёки у билан  гаплашмай қўйиш, аёлига ноҳақ талоқ дейиш, ўғлидан келинига талоқ қўйишини талаб қилиш каби ишлар инсоннинг тўғридан тўғри жисмига эмас маънавиятига зарар етказиш бўлиб,  маънавий зулм  - ноҳақлик деб аталади.
Зулм сўзи маънода адолат сўзининг зиддидир. Шунга кўра, зулм қилган киши адолатсизлик қилган бўлади, зулмдан ўзини тийган киши эса адолатга риоя қилган бўлади.
Ислом динида зулм - ноҳақлик қилган киши золим дейилади. Қуръони Карим ва ҳадисларда келган зулм қилиш ва золим маънолари бир вақтнинг ўзида Аллоҳга нисбатан ноҳақлик қилишни ҳам, инсонга нисбатан ноҳақлик қилишни ҳам ўз ичига олади.

Абдул-Аҳад Иззатуллоҳ ўғли.

@soliha_ayollarga qq Ochish/sharhlash

2022-08-31 19:17:49 https://t.me/Ranoshkasimova Ochish/sharhlash

2022-08-31 15:14:34 Janozangizdan bir soat o'tgach,

Yig'i to'xtaydi.
Oilangiz uyga qaytadi va qarindoshlar bilan ovvora bo'ladi.
U vaqtda tanangiz yer bilan ilk bor uchrashadi.

Ikki soat o'tgach,

Ba'zilar janozangizga kelolmagani uchun mingta bahonalar bilan qo'ng'iroq qiladi.
U vaqtda uyingizdagi ba'zi insonlar dunyoga qaytadi, sport, biznes, siyosat haqida gaplasha boshlaydi.

Olti soat o'tgach,

Eng yaqin qarindoshlaringiz qoladi, qolganlar esa, o'z uylariga qaytib, ertangi kun rejasini tuzishni boshlaydi.

Yigirma to'rt soat o'tgach,

Ichki organlaringiz ilvillashni boshlaydi.
U vaqtda o'limingizdan behabar insonlar hali hamon telefoningizga xabar yuborishda davom etayotgan bo'ladi.

Uch kundan keyin,

Ish joyingizda, o'rningizga yangi ishchi nomzodlar bilan suhbatlar o'tkaziladi.
Bu vaqtda tanangiz ishib ko'pirishni boshlaydi.
Og'iz va burundan suyuqlik oqadi.

Besh kun o'tib,

Farzandlaringiz ishiga qaytadi.
Tanangiz esa, yashildan qizil rangga o'tadi, chunki organlaringizdagi qon chirishni boshlaydi.

Ikki haftadan so'ng,

Farzandlaringiz meros bo'lishish maqsadida advokat bilan uchrashadi, sizning tirnoq va tishlaringiz esa, to'kilib tushadi.

Bir yil o'tgach kimdir,

"Ohho shuncha vaqt o'tib ketibdi, kechagina yurgandi.." deydi.

O'n yilda keyin,

Do'stingz sizni faqat eski rasmda ko'rsagina eslaydi.
Tanangizdan qolgani esa, suyaklar xolos.

Bu hayotda mavjud ekaningizni unutish uchun juda qisqa muddat shunday emasmi?
Bugun siz mukkasidan ketgan narsalarga, qaram bo'lib qolgan insonlaringizga nazar soling.
Nima deb o'ylaysiz, arziydimi?

@soliha_ayollarga Ochish/sharhlash

2022-08-31 15:10:53 Inson orqasida qoldirgan farzandlarining savoblaridan unga yetib turishi uchun ularga Allohni tanitmogʻi lozim . Farzandingizni shunday tarbiyalangki , u hayotda sizni *villalarda yashattirmasin , lekin " Jannat " larda boshingizga nurdan toj kiydirsin !

Qabrda azobingizni yengillatsin . Tarozida savoblaringizni ogʻir qilsin .

Yoo Robbiy , barchamizga ham tani , ham qalbi solih farzandlar bergin !
https://t.me/soliha_ayollarga Ochish/sharhlash

2022-08-31 09:37:21 عندما تدخل قارئة الكتب الى المطبخ…

Kitobxon qiz oshxonaga kirgan payitda...))

@soliha_ayollarga Ochish/sharhlash

2022-08-31 09:35:24 Ochish/sharhlash

2022-08-31 09:28:10 ЁКИ ПОКИЗА ЭМАСМИСАН, ҚИЗИМ?
(Бўлиб ўтган ҳикоя)

Азҳар уламоларидан бири кўчага юмуш учун камдан-кам чиқар, фақат ишга - азҳарга бориб келар, қатнайдиган ери уй - масжид, уй - азҳар эди.
Бир куни шом намозига бироз фурсат қолганда кўнгли атрофни кезишни тусади ва маҳалла четидаги извошчилардан бирини тўхтатиб:
- Мени бироз кездир, - деди.
Йўлда атрофни томоша қилиб кетаркан:
- Шом яқинлашди, бирор масжид ёнида тушир, - деди извошчига.
Извошчи шум одам эди. Қоҳира кўчаларидан биридаги исловотхоналардан бири олдида тўхтаб:
- Анави ерда масжид бор экан, саҳнида курси ҳам бор, - деди!
Баъзи маҳалла масжидлари ташқаридан масжидлиги сезилмайди. Бу ҳам шундай масжидлардандир, деб ўйлаб олим исловотхона саҳнидаги курсига чўкиб, шом азонини кута бошлади.
Кун ботди, азондан дарак йўқ. Шу пайт бир аёл исловотхонага келди. Курсида ўтирган салобатли шайхни кўриб, ийманиб саҳннинг орқароғига ўтиб, унинг кетишини кута бошлади.
Олим азон айтилавермагач, аёлга ўгирилиб:
- Қизим, шом вақти қисқа, муаззин ҳам келмади. Кел, орқада тур, иккимиз жамоат билан ўқиймиз, - деди.
Аёл шок ҳолатида эди. Нима дейишни билмас, олимга қандай жавоб қайтаришга ҳайрон эди.
Аёлнинг индамай турганини кўрган олим уни аёллардаги узрли ҳолда бўлса керак, деб ўйлаб:
- Ёки покиза эмасмисан, қизим? - деди.
Бу гап аёлга жуда қаттиқ таъсир қилди. Қалбининг туб-тубига чўкиб кетган иймонни қўзғаб юборди, устини бузуқлик моғори қоплаган иффатини силкитди...
Ўпкаси тўлиб, кўзидан ёш отилганича ўзини олим оёғи остига отди...
- Мен...мен... - деди йиғлаганча... кейин бу ернинг қандай ер эканини олимга англатди...
Олим содиқ тавба қилган бу аёлни азҳарнинг аёллар бўлимига бошлаб кетди..

* * *

Субҳаналлоҳ..
Бу воқеий ажиб ҳикоядан бир қанча ибрат олсак арзийди..
Жамоат намози баракаси..
Ҳидоят нури фазилати..
Яхшиларга яқин бўлиш хислати..
Қалб намозга боғланган бўлиши хосияти..
Чин тавбанинг катта гуноҳларни ҳам ювиб юбориши...


Шайх Сайфуллоҳ Носир ҳафизаҳуллоҳ
@soliha_ayollarga Ochish/sharhlash

2022-08-31 07:20:00 Эркаклар 40 ёшдан кейин барибир ақлли аёлга муҳтожлик сезади. Унгача «овозингни ўчир» калимаси билан яшаган бўлсада.

Z_XUMAYRO
@soliha_ayollarga Ochish/sharhlash

2022-08-31 06:21:14 Бекатда икки биродар суҳбатлашиб турар эди. Уларнинг қизғин суҳабтини ажиб бир ҳолат бўлиб, суҳбат бошқа тарафга бўлиниб кетди. Бекатдаги икки эркакнинг ёнидан бурқа (кўздан ташқари танани ёпиб турвучи, муслималар либоси) кийган бир аёл ўтиб уларнинг қизғин суҳбатини кескин буриб юборишига сабаб бўлади. Улардан бири айтади:

-Биродар, қаранг, аёлларимизнинг ибо ҳаёси,  тақвоси кун саин ошмоқда!

Иккинчиси жавобан деди:
-Мен сизни билмадимкуя, лекин бу аёлда сиз айтган сифатларни кўрмадим,  бу аёл фоҳиша экан.

-Ия, бу қанақаси? Нима деганингиз, фоҳиша?

-Бу айбловингиз учун тўртта гувоҳингиз бўлиши, қолаверса кўрмасдан, билмасдан бундай айблов қўйишингиз пасткашни иши эмасми?

-Аввалам бор узркуя, бироқ сўзимни моҳиятини, негизини сизга тушунтирмасдан юзаки ҳолатда гапириб юбордим!
Ҳа албатта, сиз айтгандай гувоҳ келтиришим ва қолаверса айнан ўшаи шини кўриш керак бўлар эди. Бироқ мен сизга ҳозир қисқа ва лонда қилиб ҳам гувоҳни, ҳам далилни келтириб ўтаман...

Чунончи, бу аёл сиз айтганингиздек "ибо ҳая" ва қолаверса "тақво" соҳибаси бўлишга ҳаракат қилгандир, бироқ унинг биргина хатога йўл қўйгани унинг барча ҳатти ҳаракатларини ҳавога учириб юборгандир.

-Ия, қандай?

-У аёл, сиз айтганингиздек муслималарга ҳос бўлган ҳолда либосланган! Аммо, либослар одобига зид келадиган хатоликка йўл қўйиб, у ўзига хушбўйлик суртиб олибди. Бу айнан мен юқорида келтириб ўтганимдек фоҳишалигига далолат қилади.

Аҳир билмайсизми, Расулуллоҳ соллаллоҳу алайҳи вассалам: «Агар аёл ўзига атир сепиб, бирор гуруҳнинг олдидан атир ҳидини сезишларини истаб ўтса, у мана шундайдир, шундайдир». Бир ривоятда: «У зинокор!» дейилган (Абу Довуд, Термизий, Насоий).

Энди юқорида тўрт нафар гувоҳ келтиришимга келса улардан бири сиз ҳам гувоҳсиз, чунки уни ҳушбойлигини ҳис этдингиз тўғрими?

-Ҳа албатта, ҳис этдим!

-Қани энди менга айтингчи биродари азиз, сиз айтгандек пастгаштликга йўл қўйимманми?

-Йўқ асло, мен сизни тушунмай, тушунмаганим сабаб шундай сўзларни айтиб юбордим, деди афсусланган ҳолда.

Ҳа азизлар, ушбу ҳолатни жуда кўп "муслималар" билсаларда ўзларига оро бериб, зебу зинатланиб ҳушбўйланган ҳолда кўчаларда таррала бедор қилиб юрадилар. Албатта ушбу барнома ҳақиқатдан ҳам тақво соҳибалари бундан мустаснодир...

@soliha_ayollarga Ochish/sharhlash

2022-08-31 06:15:43 #Dua_time

Allohim, zaiflik va dangasalikdan, qo'rqoqlik va baxillikdan, keksalik va qabr azobidan panoh so'raymiz.

Allohim, bizni befoyda ilmlardan, kamtar qalbdan, to'ymas nafsdan, javobsiz qolgan duodan saqla.

Amin

@soliha_ayollarga Ochish/sharhlash