"Sog’lom Farg’ona"

2022-08-31 21:27:42 ​​ Байрам табриги

Азиз шифокорлар ва тиббиёт ходимлари!

Кўп миллатли вилоятимиз тиббиёт ходимлари мустақил ватанимизнинг 31 йиллик қутлуғ тўйини баланд руҳ ва катта хурсандчилик билан нишонламоқдалар. Мана шу барчамиз учун энг улуғ, энг азиз истиқлолимиз байрами билан Сизларнинг тимсолингизда барчани чин қалбдан табриклаётганимдан бахтиёрман.

Қадрли шифокорлар!

Энг улуғ, энг азиз миллий байрамимиз шодиёналари ҳар бир қалбга янгича орзу-умидлар ила кириб келгани ҳеч шубҳасиз чексиз қувонч ҳисларини уйғотмоқда. Айниқса, тиббиёт соҳасининг қайси бир йўналишига эътибор бермайлик у ерда албатта кўплаб ижобий ишлар амалга оширилганига гувоҳ бўламиз.

Мустақиллик байрами арафасида хайрли ва савобли ишларни амалга ошираётган, аҳоли саломатлиги йўлида бор куч, билим ва малакасини ҳаётга татбиқ этаётган, фидокор ва жонкуяр тиббиёт ходимларини, қолаверса барча юртдошларимизни миллий байрам – мустақиллик куни муносабати билан самимий қутлайман. Барчангизга сиҳат-саломатлик, бахт ва омад, хонадонларингизга файзу-барака тилайман.
Мустақиллик байрамингиз муборак бўлсин!

Абдуқаюм Тўхтақулов,
Фарғона вилояти соғлиқни сақлаш бошқармаси бошлиғи. Ochish/sharhlash

2022-08-31 21:00:49 Шарафли касб эгалари тақдирланди

Энг улуғ ва энг азиз байрам — Мустақиллигимизнинг 31 йиллиги муносабати билан фидокорона ва фаол меҳнат қилиб келаётган бир гуруҳ соҳа шифокорлари “Ўзбекистон Республикаси соғлиқни сақлаш аълочиси” кўкрак нишони билан тақдирландилар.

Улар қаторида ҳаётимизда ғоят муҳим ўринга эга бўлган, соҳада жонбозлик кўрсатиб келаётган 3 нафар ҳамкасбимиз – вилоят руҳий касалликлар шифохонаси бош шифокори Қуддус Каримов, Бувайда тумани тиббиёт бирлашмаси бошлиғи Бахтиёржон Мамажонов ва врач-пульмонолог Манзура Нигмановаларни давлатимизнинг юксак мукофотларига сазовор бўлганини мамнуният билан таъкидлаш жоиз.

Тақдирлаш маросими вилоят соғлиқни сақлаш бошқармасида бўлиб ўтди. Мукофотларни бошқарма бошлиғи А. Тўхтақулов топширди.

@soglomfargona Ochish/sharhlash

2022-08-31 20:04:06 Вилоят ОИТСга қарши курашиш марказида байрам тадбири ташкилланди

Вилоят ОИТСга қарши курашиш марказида давлатимиз мустақиллигининг 31 йиллигига бағишланган “Янги Ўзбекистонда эл азиз, инсон азиз!” шиори остида байрам тадбири ташкилланди.

Тантанада марказ маъмурияти томонидан барча тиббиёт ходимлари байрам билан мубарокбод этилиши билан биргаликда, Давлатимиз раҳбарининг ташаббуслари билан “Инсон қадри учун” деган устувор тамойилни тўла рўёбга чиқариш бош мезонга айланган юртимизда олиб борилаётган адолатли сиёсатни, халқ розилиги йўлида бўлаётган ўзгаришларнинг амалдаги ижросини кундалик ҳаётимизда ҳар куни ҳис этиш барчамизга катта қувонч бахш этаётгани, юртимизда бўлаётган улкан ўзгаришларнинг биз тиббиёт ходимлари иш фаолиятига ва ҳаётига хам ижобий таъсири барчамизга кундек равшан бўлиб тургани алохида таъкидлаб ўтилди.

Тадбир давомида марказда фаолият олиб бораётган барча ходимлар "Энг улуғ ва энг азиз" байрам муносабати билан муносиб рағбатлантирилди.

@soglomfargona Ochish/sharhlash

2022-08-31 17:53:53 “Янги Ўзбекистонда эл азиз, инсон азиз”

Шу кунларда вилоятимиз бўйлаб Ўзбекистон Республикаси давлат мустақиллигининг 31 йиллик байрамига бағишланган “Янги Ўзбекистонда эл азиз, инсон азиз” шиори остида тадбирлар, учрашувлар ташкил этилмоқда.

Республика ихтисослаштирилган эндокринология илмий-амалий тиббиёт маркази Фарғона филиалида ҳам маданий-маърифий тадбир бўлиб ўтди.

Марказ директори М.Мадолимов барча йиғилганларни мустақиллик байрами билан табриклаб, мамлакатимизда аҳоли саломатлигини муҳофаза қилишга давлатимиз томонидан алоҳида эътибор қаратилаётганини таъкидлади.

Жамоат ишларида фаол иштирок этаётган бир гуруҳ ходимларга байрам муносабати билан эсдалик совғалари тантанали равишда топширилди. Шунингдек, умумий эндокринология бўлимида даволанаётган болажонларга бадиий китоблар совға қилинди.

Тадбир давомида тиббиёт ходимлари томонидан турли куй қўшиқ ва рақслар ижро этилди.

@soglomfargona Ochish/sharhlash

2022-08-31 17:24:10 Bayram munosabati bilan yangi bino va inshootlar foydalanishga topshirildi.

So`x tumani

#mustaqillik31

@soglomfargona Ochish/sharhlash

2022-08-31 17:15:01 Байрамга туҳфа

Данғара тумани Увайсий МФЙда “Smile Care” МЧЖга қарашли хусусий “Delta med” тиббиёт клиникаси фойдаланишга топширилди.

Бунёд этилган мазкур тиббиёт муассасасининг фойдаланишга топширилиши муносабати билан ташкил этилган тадбирда туман ҳокими, шифокорлар, маҳалла фаоллари иштирок этиб, клиникада беморлар учун яратилган шарт-шароитлар билан танишиб чиқишди.

Замонавий шароитларга эга клиника тўлиқ янги тиббий жиҳозлар билан таъминланиб, беморларни даволаш учун барча қулайликлар мужассам этилган.

@soglomfargona Ochish/sharhlash

2022-08-31 17:12:55 Расмий муносабат

“Фейсбук” ижтимоий тармоғида учкўприклик фуқаронинг мурожаати тарқалди.

Учкўприк туман Турвоқ қишлоғида яшовчи фуқаро Маърифатхон Рахмонованинг 2022 йил август ойида Ўзбекистон Республикаси Президентининг Халқ қабулхонаси орқали фарзандини ҳорижда даволатиш мақсадида ёрдам сўраб қилган мурожаати масъуллар томонидан ўрганилди ва қуйидагича маълум қилинади.

Фуқаронинг фарзанди туғма ногирон бўлиб, орқа мия чурраси касаллиги ташхиси билан туман тиббиёт бирлашмаси кўп тармоқли марказий поликлиникада “Д” назоратига олинган ва уни 59-оилавий поликлиника шифокорлари доимий назорат қилиб келмоқда. М.Раҳмонова фарзандини Тошкент шаҳридаги Болалар миллий марказига олиб борган ва кўрик натижасига кўра, мазкур муассасадаги шифокорлар Россия давлатида жарроҳлик амалиёти ўтказилишлигини айтишган.

Қолаверса, бемор бола вилоят кўп тармоқли тиббиёт марказида ва Республика шошилинч тез тиббий ёрдам Фарғона вилояти филиали нейрохирургия бўлимида тиббий кўрикдан ўтказилган.

Россия давлатининг Санкт-Петербург шаҳридаги тиббиёт институти профессор шифокорлари билан суҳбатлар олиб борилиб, россиялик мутахассислар билан тиббий кўрик ташкил этилиши бўйича келишувга эрилишган. Бугунги кунда Санкт-Петербург шаҳрига бориш ҳаражатлари учун маблағ ажратиш юзасидан туман ҳокимлигига маълумот киритилган.

Соғлиқни сақлаш бошқармаси
Ахборот хизмати. Ochish/sharhlash

2022-08-31 17:06:54 Мустақиллик бебаҳо неъмат

Мамлакатимиз мустақиллигининг 31 йиллик байрами муносабати билан Қўштепа туманида байрам тадбирлари давом этмоқда.

Туман тиббиёт бирлашмасида ҳам “Янги Ўзбекистонда эл азиз, инсон азиз” эгзу ғояси асосида тадбир ўтказилиб, тиббиёт бирлашмасида фаолият олиб бораётган кичик тиббий ходимлар ва бошқа техник хизматчиларга касаба уюшма қўмитасининг эсдалик совғалари топширилди.

@soglomfargona Ochish/sharhlash

2022-07-09 04:59:21 Табрик

Вилоятимиздаги барча соҳа ходимларини муборак Қурбон ҳайити билан самимий қутлайман!

Юртимиз тараққиёти ҳамда халқимиз саломатлигини мустаҳкамлаш йўлидаги эзгу ишларингизда улкан муваффақиятлар тилайман. Она юртимизда фаровонлик ва меҳр-оқибат абадий бўлсин!

Жонажон Ватанимиз бунданда гўзал, ҳаётимиз янада фаровон бўлсин!

Келажаги буюк Ўзбекистонимизнинг тинчлиги ва осойишталигига асло кўз тегмасин!

Абдуқаюм Тўхтақулов,
Фарғона вилояти соғлиқни сақлаш бошқармаси бошлиғи. Ochish/sharhlash

2022-07-06 10:09:50 ​​#Мутахассислар_минбари

Алкоголнинг юракка таъсири

-Доимий равишда алкоголли ичимликлар ичиш юрак мушакларида кўп миқдорда ёғлар йиғилишига ва мушакларни бўшашиб қолишига олиб келади.
Бу эса юракни нормал фаолияти юритишини бузади. Натижада атеросклероз, қон босими ошиши каби касалликларни орттириб оласиз.

-Алкоголнинг таркибида ёғ бўлмайди-ку, шунда қанақасига у юрак мушакларида ёғ йиғилишига олиб келади?

-Этанолнинг метаболизми липидлар алмашинувини бузилишига олиб келади. Яъни этанол бу алкоголли ичимликлар таъсиридаги спирт тури. Липид дегани ёғ дегани. Алкоголли ичимликлар ичилганида қонда юқори зичликдаги ёғлар ортади.

Маълумки юқори зичликдаги ёғлар атеросклероз юзага келиши нуқтаи назаридан яхши ёғлар саналади. Алкоголли ичимликлар “қонни суюлтиради” дегани шу маънода рост. Яъни ростдан ҳам атеросклерозга қарши курашади. Лекин бу дастлабки вақтларда. Алкоголли ичимликни ичиш кўпайиб боргани сайин паст зичликдаги ёғларнинг миқдори ошиб боради. Бу эса айнан атеросклерозни кучайтиради.

Тўқималарга ҳам тўпланишни бошлайди. Жумладан юракка ҳам. Лекин жараённинг тўлиқ механизми бугунги кунда маълум эмас.

Хуршид Якубжонов,
шифокор.
Фурқат тумани.

@fargonashifokori Ochish/sharhlash