Кўп чипс истеъмол қилиш зарарлими?
Шифокор Фаррух Шерназаров:
Чипларда кўп миқдорда трансёғлар мавжуд. Табиийки, трансёғлар инсон организми учун зарарли ҳисобланади. У шифокорлар буюрадиган парҳезли таомлар таркибида умуман учрамайди. Трансёғлар инсонларда учрайдиган юрак-қон томир касалликларининг асосий сабабчиларидан биридир.
Ушбу ёғлар зарарлилиги бўйича хавфли моддалар билан бойиган бекон мойидан кейин иккинчи ўринда туради. Трансёғларининг таъсири туфайли инсонларда юрак хасталиги, диабет, саратон каби хавфли касалликлар кузатилиши мумкин.
Аёлларда бепуштлик, жигар етишмовчилиги, ортиқча семизлик ҳамда депрессия каби касалликларга ҳам олиб келиши аниқланган.
Чипс солинган пакетлар азот билан тўлдирилган. Азот таъсирида чипснинг мазаси бузилмай сақланади ҳамда пакетларнинг транспортировкаси учун амортизация вазифасини бажаради.
«Соғлом.Уз» каналига аъзо бўлинг!
