2021-02-02 10:11:53
#RUHIYAT
BAXTLI BO'LISHNI ISTAYSIZMI?
Gʻazab va xafagarchilik Gʻazab insonni ichidan yemiradi. Ichingizdagi g‘azab, xafagarchilik va og‘riqlarni nazoratda saqlashga o‘rganishingiz kerak. Shu sabab, g‘azablantiradigan insonlar bilan til topishishga harakat qiling.
Ayrimlar xafagarchilikni xuddi mazali taomni iste’mol qilgandek ichiga yutaveradi. Bunday qilish yaxshilikka olib kelmaydi. Chunki g‘azab yo‘naltirilgan insonga emas, o‘zingizga salbiy ta’sir ko‘rsatadi.
Mukammal tana istagi Tanangiz o‘zingizga tegishli. Uning qanday ko‘rinishini faqat siz hal qila olasiz. Eng asosiysi o‘zingizni sog‘lom his qilishingizdir. Qolgani ikkinchi darajali ish.
Ideal juft topish istagi Barchaning xayolida ideal inson sifatlari mavjud. Ammo hayot har doim ham sizning xayolingizdagiga mos tushavermaydi. Baxtli bo‘lish uchun tanlagan insoningizni butun qalbingiz bilan sevishingiz, u bilan o‘zingizni yengil va mamnun his qilishingiz kerak. Qarshingizdagi odam sifatlari xayoldagi talablar ro‘yxatining hech bo‘lmaganda ikkitasiga mos tushyaptimi? Olg‘a bosing!
Ideal hayotni kutish Ideal inson mavjud bo‘lmaganidek, ideal hayot ham mavjud emas. Ammo o‘z hayotingizni boshqalarnikidan-da yaxshi qilib yaratishingiz mumkin. Ko‘p mehnat qilish va buning uchun bor kuch-quvvatingizni safarbar etishga tayyor bo‘lmasangiz, demak, baxtsiz bo‘lishga tayyorsiz.
Umidga “umid bog‘lash” Qachon menga omad kulib boqar ekan-a, deb kutib o‘tirishning keragi yo‘q. O‘zingizdagi bor narsalaringiz uchun minnatdor bo‘ling.
O‘tmishga bog‘lanib qolish O‘tmishda yaqin insoningiz bilan ajralganmisiz? Demak, shunday bo‘lishi kerak ekan!
O‘tmishdagi muhabbatingiz haqida o‘ylay turib, o‘sha insonni emas, u orqali hayot sizga o‘rgatgan narsalar haqida o‘ylang. Siz bilan hech qachon birga bo‘la olmaydigan insonga bog‘lanib qolmang. Eski bir eshik yopilmay turib, yangisi olchilmaydi! O‘zingizni azobda qoldirmang!
Salbiylik Fikr va aytilgan so‘zlar amalga oshish xususiyatiga ega. Hayot tarzingizni o‘zgartirishga harakat qiling va hammasi yaxshi bo‘ladi. Ishonchi komil inson uchun iloji yo‘q narsaning o‘zi yo‘q.
Ishonchsizlik Baxtli insonlar o‘z qadrini biladi (buni egoizm bilan yanglishtirmang). Ular doim o‘ziga ishonadi va o‘zidan ham ishonchni tarqatadi.
O‘zingizga ishonmaslikka sabab yo‘q. Agar o‘zingiz uchun yoqmaydigan tomonlaringiz bo‘lsa, uni o‘zgartirishingiz yoki boricha qabul qilishingiz mumkin. Chunki yolg‘on so‘zlash, iltifotlilik, qo‘pollik, muloyimlik kabi hissiyotlar har bir insonda mavjud, ammo ma’lum bir miqdorda... Ulardan qay birini tanlash o‘z qo‘lingizda!
Barchasini nazoratda ushlashga urinish Ba’zida bo‘shashish va barchasi hayot oqimi bo‘ylab ketishiga yo‘l qo‘yib berish to‘g‘ri yechimdir. Hammasini nazoratda tuta olmaysiz va bunga ko‘nikishingizga to‘g‘ri keladi.
Aks holda, doim asabiylashib yurasiz. Hayotda sizning nazoratingiz kamlik qiluvchi vaziyatlar ham borligini unutmang. Ularni boricha qabul qilish kerak!
546 views A A K A A , 07:11
S
