Сиддиқа Ҳасан

2022-07-10 21:35:38 Ey Alloh, men senga duo qilib, hech qachon baxtsiz boʻlib qolgan emasman!

Zakariyo alayhissalom Ochish/sharhlash

2022-07-10 21:06:28 ​Ishdagi kulgili vaziyatlar)

Sizga savol: 1mlnlik kravatning narxi qancha?

Siz nima deb javob bergan boʻlar edingiz?

@Siddiiqa Ochish/sharhlash

2022-07-10 20:38:39 Instagram sahifamiz:

https://www.instagram.com/siddiqaspage Ochish/sharhlash

2022-07-10 20:14:38 Ilk taniganimdan beri oʻzgarmagan bir inson bor — Onam.

Ha, ha, sizning ham onangiz) Ochish/sharhlash

2022-07-09 23:20:46 Hammasi qanday boshlandi? O'tgan 2021-yilning yoz oyi. Barcha talabalar singari ota-onamning yonidan kirib ularga biroz yengillik qilay, deb uyimiz yaqinidagi tikuv korxonasiga ishga kirdim. Menga teskari yo'nalish, yangi kasb, turli odamlar, turli sharoit.… Ochish/sharhlash

2022-07-09 23:19:51 ​Keyin esa...

Keyin esa darslar boshlandi. 1-1,5 oyga mo'ljallangan darsimiz tugab, endi amaliyot o'tay boshladik. Ishlashga ishtiyoq osha boshladi. Shunday paytlarda bir joydan taklif tushdi. Transformater ishlab chiqaradigan zavodning saytiga matnlar yozib berish. Kamiga menga kerakli ma'lumotlarning bari rus tilida. Ish jamoamizdagi ko'pchilikka ma'qul kelmadi. Men esa qiyin bo'lsa-da o'zimni sinab ko'rgim keldi. Ustozim bilan maslahatlashdim. O'zingizga ishonsangiz, oling, eplaysiz, degan so'zlaridan ruhlanib taklifni qabul qilganimni aytdim. Bir hafta deganda kerakli ma'lumotlarni rus tilidan bir amallab tarjima qilib, matnlarni yozib berdim. Ishim ularga ma'qul kelgandi. Men bilan doimiy ishlash taklifini berishdi. Ammo rus tilidagi muammoyim to'siq bo'lib shu joyida kompaniya bilan xayrlashdik.

Bu mening kopirayting sohasidagi birinchi ish haqim, peshona terim edi. Garchi juda arzon narxga rozi bo'lgan bo'lsam-da, ichimda ishonch, boshqacha bir g'urur uyg'ongandi. Kursga yozilish qarorim xato emasligiga endi amin bo'lgandim.

Shu, shu katta-kichik postlar yozib bu sohaga yanada kirib kela boshladim. UStoz bizga nafaqat bu sohaga, balki qobiliyatingiz bor har narsaga mehr berishni, uni rivojlantirishni, hech bo'lmaganda bir bor sinab ko'rishni maslahat berib, qo'llaridan kelgancha ko'maklashar edilar.

Keyin esa ustozim orqali Mebel sotish firmasi (Mebelsmart) va Shirinlik do'koni (Adicake)ga Kommunity menejer ya'ni mijozlarning savollariga yozma javob beruvchi xodim bo'lib ishga joylashdim. Ikkita online ish, universitet darslari, kitob o'qish bilan bo'lib vaqtim tig'izlashdi.

Jamoamizda go'yo saralanganlar yig'ilib qolgandek edi. Har sohaning mutaxassislari, har soha vakillari bor edi. Qolaversa, har kim har narsa qiziquvchi, o'zini hamma narsada sinab ko'rishni sevuvchi, bir joyda muallaq turmasdan, tinmay harakat qiluvchilar bor edi.

Nima bo'ldi-yu guruhimizda tahrir bo'yicha gap ochilib, men shu sohaga qiziqib qoldim. Shu sohada o'zimni sinab ko'rgim keldi. Hech kimga aytmagan bo'lsam-da ich-ichimdan shu sohada bir kun faoliyat olib borishni orzu qilardim. Ichimda uyg'ongan kuchli istakdan adashmasam 10-15 kunlarda so'ng @Ibook_uz dan birinchi marta taklif oldim va shu bilan kopirayting+muharrirlik faoliyatim boshlanib ketdi.

Nima demoqchiman? Shu bir yillik hayotimdagi o'zgarishlarda, avvalo, Allohning fazli bilan keyin esa Ezo opamning bergan tavsiyalari, ruhlantirishlari, jamoamizning ahlligi, maslahatlari katta ahamiyatga ega.

Hayotingizni o'zgartirish o'z qo'lingizda. Duo, harakat, tavakkul va pok niyat bilan barcha orzu-niyatlarga erishish mumkin.

Barchasi uchun rahmat opa — @sarvarovna

@Siddiiqa Ochish/sharhlash

2022-07-09 22:07:18 "Yo Razzoq! Meni bu taomlar bilan rizqlantirganing kabi muhabbating bilan rizqlantir".
_______

"Har narsaning egasiga suyanganga kim ham zarar keltira oladi".
__________

Kishining ilk mehrobi ona qornida boʻladi.

"Qalb iffati" kitobidan iqtiboslar.

@Siddiiqa Ochish/sharhlash

2022-07-09 21:50:09 Men va kitoblarim. Hayotim goʻzal davom etmoqda...

@Siddiiqa Ochish/sharhlash

2022-07-09 17:21:24 ​Ulamolar nazdida vaqtning qadri | Abdulfattoh Abu G'udda

"... Borliqning ma'nosini anglagan kishilarni juda kam uchratdim. Ana o'sha kam sonli kishilargina ozuqa jamlash va ko'chish uchun tayyorgarlik ko'rishmoqda".

Kitobdan iqtibos

Bugungi kundagi vaqt masalasi barchamizga ayon. Texnologiya rivojlangan, hayot tezlashgan sari vaqt ham yelday uchmoqda go'yo. Biror ishni tugatib-tugallamasdan vaqtning allamahal bo'lib qolishi vaqtimizdan baraka ko'tarilganining dalilidir balki. Bunday oqibatlarga olib keladigan ya'ni vaqtimizni bebaraka qiladigan bir qancha sabablarni ko'rsatish mumkin:
— Keraksiz narsalarga ko'p vaqt sarflash;
— Na din va na dunyo ishini qoyilmaqom bajarish;
— Bekorchilik;
— Borliqning ma'nosini anglamasdan, bemaqsad yurish...

Shu kabi holatlarni teran anglagan kitob muallifi, yetuk alloma Abdulfattoh Abu G'udda hazratlari bir necha yillik o'qib-o'rganganlari, olgan ilmlariga tayanib o'tib ketgan olim-u ulamolarning vaqt masalasiga qanchalik e'tiborda bo'lganlari, hayotlarining biror soatini-da behuda ishlarga sarf etmasdan o'tkazganlari haqidagi ma'lumotlarni yig'ib kitob qiladilar.

Kitobni faqatgina ilm talabida yurgan insonlargina emas, Allohning roziligi yo'lida hayot kechirishni maqsad qilgan, umuman, barchaga tavsiya qilaman. Qolaversa, kitobda tolibi ilmlar e'tibor qilishi kerak bo'lgan o'rinlar ham bisyor. Xususan, ulamolarning qaysi vaqtda dars mashg'ulotlarini olib borishlari, qaysi vaqtda mutolaa, qaysi paytda kitob yozishga o'tirishlari, qaysi paytda yodlash, o'qish ishlari ko'proq manfaat berishi, qachon zehn o'tkir bo'lishi kabi ma'lumotlar berib o'tilgan.

Xulosa o'rnida o'z fikrlarimni aytadigan bo'lsam, kitob vaqt haqidagi o'y, fikrlarimni yangiladi, unga boshqa tomondan nazar solishga undadi va o'tgan vaqtga nadomat qilmaslik, nadomat qilsa ham bu kelajakka harakat qildiruvchi nadomat bo'lishi kerakliqi haqida uqtirdi. Biz soatlarni, kerak bo'lsa kun-u haftalarni behuda o'tkazayotgan bir paytda hayotimizning bir qismini ham yuqotib borayotganimizni eslatdi. Bizning harakatlarimiz, huddiki qachon o'lishini aniq, oldindan biladigan inson kabi ekanligini anglatdi.

Alloh muallif va bu kitobni taqdim etishda ko'maklashgan barchadan rozi bo'lsin!

Siddiqa Hasan yozdi.

@Siddiiqa Ochish/sharhlash

2022-07-07 15:05:47 Hammasi qanday boshlandi?

O'tgan 2021-yilning yoz oyi. Barcha talabalar singari ota-onamning yonidan kirib ularga biroz yengillik qilay, deb uyimiz yaqinidagi tikuv korxonasiga ishga kirdim. Menga teskari yo'nalish, yangi kasb, turli odamlar, turli sharoit. U yerda turli xarakterli, turli sharoitdagi insonlarni ko'rib ilm ichida ekanligimdan Allohga bot-bot hamd aytar edim. Kitob ochishga-da vaqtim bo'lmas, o'z ustimda ishlashni-ku qo'yavering. Mayli, 3 oy o'tadi ketadi. To'plagan pullarimga kitoblar vamo'ljallab yurgan buyumlarni harid qila boshladim. Har doimgi bir xil ish. ertalab ishga bor kechda uyga charchab kel. Ilm ichida yurgan insonga bunday ish og'ir kela boshladi. Ha, tan olaman, men charchay boshladim. Ishdagi muammolar, qolaversa kitob o'qishdan tobora chetlashib ketganim meni azoblay boshladi. Oldimda yana 1 yarim oy turardi. Tunda kelib o'zimga mos ish qidirar, kunduzi esa odatdagi ishimga ravona bo'lardim.

Shu zaylda kunlarim o'tdi. O'zimga mos ish topolmadim. Talaba, qolaversa sentyabrdan o'qishga chiqib ketadigan qizni kim ham ishga olardi. Masofa ham ancha to'siqlar qo'ydi ayrimlarida. Lekin men baribir ham o'zimni rivojlantiradigan ish topishim kerak!

So'ng titkilovlarim natijasida kompyuter bilan bog'liq ishlar chiqib kelaverdi. Men esa IT sohasiga qiziqib qoldim. Lekin menda kompyuter yo'q. Keyingi maqsad kompyuter sotib olish. Kompyuter olish uchun mablag' yiga boshladim. 1 yarim oyda 300$ yig'a oldim, xolos. Atrofimdagilarning kreditga olaqol, zarilmi yemay ichmay pul yig'ishing, degan "maslahatlar"ini eshitmaslikka harakat qilsam ham, bunaqa "maslahatlar" hech tinay demasdi.

So'nggi oyligimni olarkanman, 300$ ga kompyuterli bo'lishim va shu bilan hayotim o'zgarib ketishini tasavvur qilayotgan men osmonda uchardim.

Tun. Ertalab bo'lsa amakivachcham bilan kompyuter olishga boramiz. Miyamda rejalar tuza boshladim. ITni o'rganish bo'yicha o'quv markaz qidira boshladim. Shu payt soat kech 22 larda amakivachchamdan qo'ng'iroq bo'ldi. ..
—Yangi kompyuter olish uchun yig'gan pulim juda ham kamlik qilar ekan. Yaxshi kompyuterlar esa 500$ ekanligi va menda hech qanaqasiga yana 200$ topishga imkon yo'qligini o'ylab, kompyuter va kelajak haqidagi xayollar zumda ko'z oldimdan o'chdi. Negaligini bilmayman, balki juda ham xohlaganim uchunmi, yig'lab yubordim. Hech kimga bildirmay, hech kimga eshittirmay)

Tong. Menda maqsad yo'q. Qay tomonga borishni bilmayman. Ikki haftadan keyin universitetda darslar boshlanadi. Men esa 3 oy ishlab tayinli biror narsali bo'lolmadim, o'zimga mos ish topolmadim, degan o'y yer edi. Bo'sh qopga o'xshab qolganday edim. Bu hol kimdadir oddiy vaziyatdek tuyular. Ammo bu garchi universitet talabasi bo'lsam ham oldimda tayinli biror maqsadim va o'zim yoqtirgan kasbim bo'lmaganidan, o'zimni dunyodagi eng baxtsiz inson deb o'ylab yurgan paytlarimdagi emotsiya edi.

Kunduzi uyda yolg'iz u yoq-bu yoqni yig'ishtirib o'tirar ekanman, orada telegramni ham bir-bir titkilayman. @Sarvarovna kanalini o'qiy boshladim. Ish bilan bo'lib yig'ilib qolgan xabarlarini o'qiy boshladim. Oldimdan Kopitayterlik haqida postlari chiqib qoldi. Qiziq, bu qanday soha? Botlariga yozdim va kopirayterlik haqida ma'lumotga ega bo'ldim.

Ichimda o'sha yuqotib qo'ygan nurim yana paydo bo'la boshlagandek edi. Hech qancha o'ylab o'tirmay kurslariga yozilmoqchiligimni aytdim va men endi u kishining shogirdlariga aylandim.

Davomi kechki soatlarda)) Ochish/sharhlash