Ўтмиш даҳолари ҳам келиб Месси учун шу баҳсни томоша қилиб ўти | Your life
Ўтмиш даҳолари ҳам келиб Месси учун шу баҳсни томоша қилиб ўтиришибди, кўрдингизми?!
Улар бир армияга айланиб олган фанатлар сектасидан фарқли равишда футбол дурдонасининг недир катта соврин олишини кўришмоқчи. Оддий ҳол.
Шахсан менда ҳам шу вазият: Мессининг ажойиб натижаси Роналду даражасига бўлган ҳурматимни тушириб қўймайди. Тескариси бўлганда ҳам шу хулоса. Келажакда бу даврни иккисининг номи билан эслайвераман. Фақат ўта бир инсонга ёпишиб олган тоифагина қийналади. Гўзалликдан баҳра ололмайди. Мен икки тарафни айтяпман. Иккисида ҳам самимиятга ёт бир тушунча бор. Шу билан ўтадилар, начора.
Футболни шу икки “секта”дан фарқли кузатадиганларга маза: иккисидан ҳам баҳра ола билишади. Ҳозир ҳам улар зўр мундиал кўришяпти.
