theAhmadjonov (shaxsiy blog)

2023-01-07 13:59:31 “Pessimist shamoldan shikoyat qiladi. Optimist uning o'zgarishini kutmoqda. Rahbar yelkanlarni sozlaydi.“ Ochish/sharhlash

2023-01-07 08:08:14 Shunchaki haqiqat. Ochish/sharhlash

2023-01-07 07:53:10 Ota farzandlaridan soʻrabdi:
- Hoʻsh... kimni koʻproq yaxshi koʻrasizlar onangiznimi yoki meni..?

- Bolalar: Ikkovingizni ham yaxshi koʻramiz..!

- Ota: Yaxshi, aytinglarchi, agar men Madinaga, onangiz Makkaga ketsak, qaysi birimiz bilan ketar edingiz?

- Bolalar: Oyimiz bilan!

- Ota: Demak, onangizni koʻproq yaxshi koʻrar ekansizda?

- Bolalar: Yoʻq, Makkani koʻproq yaxshi koʻramiz!

- Ota: Hoʻp, men Makkaga, Onangiz Madinaga ketsak, men bilan ketasizlar-a..?

- Bolalar: Yoʻq, Madinaga ketamiz..!
- Ota: NIMA UCHUN?
- Bolalar: Chunki, Makkani ziyorat qilib boʻldik. Ochish/sharhlash

2023-01-06 08:04:37 Bir kamzulim bor edi,
Kiysa, odam uyalar,
Chunki olmadek joyin,
Yeb qo‘yishgan kuyalar.
Qishda uni ehson deb,
Berdim muhtoj qo‘shnimga,
O‘sha kuni shu kamzul,
Kirib qoldi tushimga,

O‘tganmishman olamdan,
Chorshanbaning tongida,
Turganmishman do‘zaxning,
Shundoqqina yonida.

Emishman shir yalong‘och,
Na molim bor va na pul,
Ko‘zlarimda dahshatu
Qo‘limda yirtiq kamzul

Oh, u olov, u azob!
Qovrilarmish odamlar,
Qayta-qayta yonishib,
Sovrilarmish odamlar.

O‘t mengayam urarmish,
Yoqay deb yuz, ko‘zimni,
Shu teshik kamzul bilan,
To‘sarmishman o‘zimni.

Faqat, yirtiq joyidan,
Har gal jonim kuyganda,
Der emishman: «Qaniydi,
Kamzul butun bo‘lganda».

Essizgina tiriklik,
Qursin kiyib, yeganim,
Shumi yorug‘ dunyodan,
O‘zimga obkelganim ?!

Oh, qo‘shnim-a, shungayam
Suyunib "Rahmat!" degan,
Olgani-chun rahmatni —
Men aytsam bo‘lar ekan.

Kiyimlarim javonga,
Sig‘ib turardi arang,
Sandiqda qancha lattam —
Qolib ketdi, eh, attang.

Qarindoshlar ichra ham
Qiynalganlar bor edi,
Chehrasidan bilardim,
Kim nimaga zor edi.

Gadoy so‘rasa yuz so‘m,
Javrardim ensam qotib,
Tabassum bilan emas,
Berdim yuziga otib.

Bilsam, muhtoj qo‘liga —
Tutqazganim bir tillo,
Oxirat sandig‘imga —
Tusharkan bo‘b ming tillo.

Yig‘ib merosxo‘rlarga —
Qolib ketar molimni,
O‘ylamabman o‘zim-la —
Olib ketar molimni.

Yoshligimda har neni —
Deyaversam "meniki ",
Bobom derdi: "Ey, bolam,
Bergan narsang — seniki.

Kiyintirgan kiyinar,
Yedirganlar yeydilar,
Birini kiysang, birin —
Ehson qilgin ", derdilar.

"Shosh, — derdilar, — yaqinda —
Muhtoj odam qolmaydi,
Sadaqa qilay desang,
Hech bir odam olmaydi.

Xoh yashirin, xoh oshkor,
Ehson qilgin ko‘pmi, oz,
Hatto, tabassuming ham —
Jannatga bir imtiyoz.

Qarashib qol, Shoislom,
Miskinning osh, noniga,
O‘lmay turib, kirib ol —
Jannatning ayvoniga ".

Yirtiq kamzulni ushlab,
Bir narsani o‘ylardim:
Bilganimda to‘nimni,
Ehson qilgan bo‘lardim.

Marhabo Karimova Ochish/sharhlash

2023-01-05 15:14:47 G'alati o'lim

- Bir kishi o'z joniga qasd qilmoqchi bo'lib dengiz yonidagi ko'prikka chiqib bo'yniga arqon tashladi va arqonni ko'prik ustuniga bog'ladi. Orqasidan zahar ichib, ustiga benzin quygan holda olov yoqib yuborib pastga o'zini tashlashdan oldin, boshiga qarab pistoletdan o'q uzdi. Ammo davomi g'alati.

Pistolet yaroqsiz chiqdi otilmay qoldi, ko'prik ustuni mo'rt bo'lgani sabab arqonni quyib yubordi va shu sabab suvga tushganda osilib qolmadi. Sovuq suv yonayotgan olovni o'chirdi. Sifatsiz zahar esa ko'ngilni aynitib, ichgan zaharni qayt qilib tashlashiga sababchi bo'ldi...

Suvdan bir baliqchi tomonidan chiqarib olinib, kasalxonaga yetqazilgan odam, noto'g'ri davolash natijasida hayotdan ko'z yumdi.

Qissadan hissa: Jamiyatdagi hamma narsa sifatsizlashib bormoqda, tirik qolishga imkon yo'q... Ochish/sharhlash

2023-01-05 08:58:12 Butun sayyorani zabt etgan bo‘lsangiz ham harakatlanishda davom eting. Zero, koinot ulkan... Ochish/sharhlash

2023-01-05 07:59:58 Franklin usuli

Yuz dollarlik banknotda Bendjamin Franklinni rasmi bor. Mashhur amerikalik iqtisodchi juda ustamonlik bilan odamlarni oʻzini tarafiga ogʻdirib olar va ular bilan tez doʻstlashar edi.
Usul mohiyati: Bir safar Franklin unga qarama qarshi fikrda turgan insonni negativ kayfiyatini sezadi. Va undan juda sodda, arzimas narsani iltimos qiladi. Bu oddiy ishni istagan odam qilish mumkin edi. Ammo Franklin mazkur oddiy ishga quyuq minnatdorchilik bildiradi. Minnatdorchilik shunchalik orinli boʻladiki boyagi inson yana yordam bergisi, unga hayrihox boʻladi. Tez orada ular doʻstlashib Franklin foydasiga ish hal boʻladi.
Yaqin atrofingizdagi odamlardan arzimas narsani sorang. Aytaylik iltimos xona derazasini ochib yuboring yoki soat nechchi boʻlganini soʻrang. Va javobiga juda samimiy va quyuq minnatdorchilik bildiring. Tashakkurni eshitgan odam yana sizga moil bolib qoladi. Ochish/sharhlash

2023-01-04 18:26:03 Bugundanmi yo,bugun dammi? Ochish/sharhlash

2023-01-04 08:12:36 ​​​​“Xotinga yolgʻon gapirish - ahloqsizlik. Hamkasblar, mijozlar, xaridorlarga yolgʻon gapirish - firibgarlik. Xalqqa yolgʻon gapirish esa - SIYOSAT” Ochish/sharhlash

2023-01-03 16:32:22 Negadir, odamlar o'z hayotlarini qanday o'tkazishlari haqida qayg'urmaydilar. Lekin ular Yangi yilni qanday o'tkazishlarini noyabrda hal qiladilar.

Lucky Boys Academy Ochish/sharhlash