2021-07-16 18:14:30
Iqtidorli, tirishqoq, yosh va kamtar dizaynerimiz Shohrux Shavqiyevdan gap olish oson emas, lekin marketing jamoasi uchun ilojsiz narsaning oʻzi yoʻq. Bugun dizaynerimiz bilan suhbatlashib eng aktual savollarga javob oldik.
— Dizayn sohasiga qanday kirib kelgansiz?
— Bu sohaga yoshligimdan qiziqaman. Oldindan photoshop'da ishlashni yaxshi ko‘rar edim. Keyin freelanсeʼda buyurtmalar olib ishladim.
— Yoshligingiz bu nechchi yoshdan? Axir endi 16 ga kirdingiz-ku.
— 12 yoshimdan)
— Freelanсeʼda qanday buyurtmalar bilan ishlagansiz?
— Asosan grafik dizayn bo‘yicha.
— UIC Groupʼga qanday kelib qolgansiz?
— 2019 yil “Digital Generation” loyihasida qatnashib hozirda UIC Group jamoasi direktori Murodxo‘ja aka bilan tanishdim. Ko‘p o‘tmay ularni blogida “Bizga iqtidorli dizaynerlar kerak” degan postini ko‘rib qoldim va ularga portfolioyimni yubordim.
Murodxo‘ja aka: "Iqtidorli ekansan faqat o‘zingni ustingda ishlashing kerak. Agar biz bilan ishlamoqchi bo‘lsang senga ustoz topib beraman kompaniyamizda amaliyot o‘taysan" - dedilar.
— Amaliyotingiz qancha davom etdi? Va nimalarni o‘rgandingiz?
— 3 oy davom etdi. Photoshopʼdan tashqari brending, Illustrator'da ishlash, UX/UI larni o‘rgandim. Hozirda grafik dizayndan UX/UI ga o‘tdim.
— UX/UIʼni hamma dizaynerlar har xil tasvirlaydi. Siz uni obunachilarimiz uchun sodda tilda misol tariqasida tushuntirib bera olasizmi?
— UX/UI bu dizaynni kreslo misolida ko‘rsak
UX — bu kresloning bajaradigan vazifasi, uning foydalanishga qulayligidir.
UI esa uning ko‘rinishi, chiroyi, stilidir.
— Rahmat. O‘zingizni kursingizni ham o‘tgan ekansiz? Shu haqida gapirib bera olasizmi?
— Ha, amaliyot davrida Co-Learning Center'da grafik dizayn, Photoshop va Illustrator'da ishlash bo‘yicha dars berdim.
— Siz haqingizda kitob yozilayotgan ekan. Shu haqida gapirib bersangiz.
— Bir kuni telegramdan Dilmurod Dilmurodov sen haqingda ko‘p eshitdim. Agar qarshi bo‘lmasang seni kitobimga qo‘shmoqchiman, kitob “Mustaqillikning 30 yilligi” deb nomlanadi va unda yurtimizning eng yosh va iqtidorli yoshlari haqida maʼlumotlar keltiriladi — deb yozdilar. Men rozi bo‘ldim.
— Zo‘r. Kelajakdagi maqsadlaringiz qanday?
— Dizayn sohasida yuqori cho‘qqilarni zabt etmoqchiman.
— Ilohim niyatingizga yeting. UIC Group haqida so‘ramoqchiman. Kompaniyada ishlashning 3 ta afzalliklari:
1) tez rivojlanayotgan IT kompaniya. Bunda jamoa aʼzolari ham o‘sishadi;
2) jamoa xuddi oiladek birdam — hamma bir biriga yordam beradi;
3) har xil sohadan loyihalar bo‘lgani uchun ko‘p «research» qilinadi va ko‘p narsa o‘rgansa bo‘ladi.
— Dizayn sohasiga endi kirib kelayotgan yoshlarga maslahatingiz
— Boshida tekinga yoki arzonga ishlashga to‘g‘ri kelsa ham ishlayveringlar. Bu sizga portfolio yig‘ishga va shu ishga qo‘lingiz kelishib qolishiga yordam beradi.
Keyingi suhbatlarimiz qaysi mavzuda bo‘lishini xohlaysiz? Takliflaringizni izohlarda qoldiring.
「 UIC Group ]
210 viewsShohrux Shavqiyev, 15:14