Shohrux Erkinov [Official]

2023-03-05 14:40:08 #Elektron_kitoblar
#Yangiliklar

- https://t.me/Shohrux_Erkinov_adabiyot/342 ning yangilangan versiyasi

- Virtual kitob shaklidagi ilova

BIZNI KUZATISHDA DAVOM ETING!
YANGILIKLAR HALI OLDINDA!!!

Rasmiy kanal:
@Shohrux_Erkinov_adabiyot Ochish/sharhlash

2023-02-24 16:00:06 VAFO VA JAFO
(Hazil she'r)

O'zbekda bor bir maqol:
"It vafo, xotin jafo".
Eshitganlar der darhol:
"Bo'lmagan gap, mutlaqo!"

Ba'zilar der: "To'g'ri gap,
Xotin jafo rostdanam.
It vafosin hech izlab,
Topolmassan do'stdanam!"

Kim der: "Bu bir safsata,
Qadim zamondan qolgan".
Kim der: "Maqol aslida,
Sal noto'g'ri yozilgan.

Agar xotin kishidan
Tarqagan bo'lsa jafo.
Demak, itdan tarqagan
Ekan asli bu vafo".

"Xotin jafo" deganlar,
Balki, to'g'ri degandir.
Lek itdan tarqaganlar
Vafodormas negadir...

Shohrux Erkinov

2022-yil. Ochish/sharhlash

2023-02-10 13:15:55 ​Dard

Vazmin nigoh, g'amgin qiyofa,
Keng xonaga sig'mas tor vujud.
Qilishmoqda do'stlar ziyofat,
Sen-chi chetda saqlaysan sukut.

Qandaydir bir majlis vaqtida
So'z so'ralmas sendan bir bo'lak.
Insonlarning fikru-nazdida
Sen jim turib tinglashing kerak.

Tashlab ketar bir sevgan qizing,
Shunda ham sen zabonsiz butkul.
Unga hatto o'tmaydi so'zing,
Unga so'zing o'tmog'i mushkul.

Sendan ham so'z so'rashganida,
Balki darding aytgan bo'larding.
Bir kun kafan o'rashganida,
Qabrga ham sig'maydi darding...

Shohrux Erkinov

2023-yil Ochish/sharhlash

2023-02-01 12:14:05

Ochish/sharhlash

2023-01-30 11:30:09 ​Birinchi o'qituvchim

(Birinchi o'qituvchim Mamatova Nazokat
ustozga bag'ishlanadi...)

#Tabrik

Biz deb qancha soching oqargan,
To'rt yil umring yeganmiz ustoz.
Bilsam bizga mehring yoqarkan,
Shu payt bilmas ekanmiz ustoz.

Bugun qadring bilinar, bir-bir
Varaqlayman yaqin o'tmishni.
Og'ritganmiz ko'nglingni kechir,
Qoyillatmas edik o'qishni.

Yodingdami ustoz hali ham,
"Odobnoma", "Mehnat" fanlari?
Bir daqiqa ichida salkam
Yuztalab so'z o'qiganlarim...

Kundalikka besh qo'yganingda,
Yulduzcha ham qo'yarding qo'shib.
To'rt yilgacha sening yoningda
O'qiganmiz ulg'ayib, jo'shib.

Biz birinchi o'quvching edik,
Shu sabab bor mehringni berding.
To'rt yil o'tdi, so'ng xayr dedik,
Sen ham xayr deb qolaverding...

O'quvching bor xozir bir sinf,
Bir-biridan aqlli, dono.
Gohi aytgim kelar xo'rsinib:
"Ayt ne kerak shuncha muammo?"

Ular ham biz singari sening
Sochlaringga tushirishar oq.
O'tib ketar yana bir yiling,
Ular buni bilishmas biroq.

Xuddi shunday mana bugun ham,
Ulg'ayarsan yana bir yoshga.
Qancha tabrik aytsam shuncha kam,
Mehring qiyos etsam quyoshga.

Tavalluding muborak ustoz,
Baxt tilarman tugamaydigan.
"Sen"siradim kechir iltimos,
Shoirlarda shunaqa ekan.

Ushbu she'rim sen deb yozilgan,
Bunyod bo'lgan tun ilhomidan.
Taqdim etdim sen saboq bergan
Barcha o'g'il, qizing nomidan!..

Shohrux Erkinov

2023-yil. Ochish/sharhlash

2023-01-30 11:27:46 Ochish/sharhlash

2023-01-19 15:00:04 ​Urush

Saqlolmadik biz "Birlashish nuqtasin",
Xudo bizga bergan eng zo'r tuhfasin.
Nola qilib aytdik: "Urush to'xtasin!",-
Biz yig'ladik, endi urush yig'lasin!

So'nsin endi qalbda qahr-g'azablar,
Atrof to'la mayib-majruh, jasadlar.
Ko'zingizni oching hayvonsifatlar,
Biz uxladik, endi urush uxlasin!

G'arq bo'lmoqda dunyo g'azab domiga,
Singib borar urush inson qoniga.
Quzg'un bosgan bu hayot maydoniga
Biz yoqmadik, endi urush yoqmasin!

Yetar balki shuncha urush, shuncha jang,
Yetgan edik axir tinchlikka arang.
Qaddingizni tikroq tutib bir qarang,
Biz oqsadik, endi urush oqsasin!

Qonlar oqib aylanmoqda daryoga,
Hech bir kimsa olmas hatto parvoga.
Minglab urush sig'gan ushbu dunyoga
Biz sig'madik, endi urush sig'masin!

So'zlarimni olmang tag'in hazilga,
Shu urush deb qancha qabr qazilgan?
Yetib keldik balki so'nggi manzilga,
Biz to'xtadik, endi urush to'xtasin!

So'zlarimdan qiling endi xulosa,
Qalbingizga yetib borgan bo'lolsa.
Bu sadoni elga qiling ovoza,-
Biz xohladik - endi urush to'xtasin!

Shohrux Erkinov

2023-yil. Ochish/sharhlash

2022-12-31 17:33:30 Bir yil

Ayozli bo'ronlar tinchidi, tindi,
Uyg'ondi ko'rpaday og'ir bir g'aflat.
Qarg'alar so'nggi bor chuqur xo'rsindi,
Turnalar qaytmoqda to'kishib savlat.
Sukunat bag'ridan chiqmoqda bir xalq,
Har kimning boshida har xil o'y-xayol.
Tashvishlar boshini og'ritmas mutlaq,
Bu xalqqa tashvishlar yoqar ehtimol.
Bu asli shunchaki bir ertak emas,
Bu bahor nafasi, bog'bon nafasi.

G'azab-la ochilar oppoq eshiklar,
Maysalar bosh egib chiqishar shu on.
Egilgan daraxtlar qaddini tiklar,
Qushlar ham atrofga boqishar hayron.
Qizg'aldoq tebranar mayin, jonsarak,
Dimog'ni qitiqlar o'rik gullari.
Qaldirg'och bahordan bermoqda darak,
Duoga ochildi xalqim qo'llari.
Bu asli shunchaki bir ertak emas,
Bu bahor nafasi, rayhon nafasi.

Kundan-kun qizdirar quyoshning tafti,
Dala-yu, dashtlarda qizib ketar ish.
G'arq pishar olma-yu, gilos daraxti,
Insonlar yuzida sirli jilmayish.
Hansirab yugurar ulkan kombayn,
Oltinrang bug'doyzor aro entikib.
Yuritgich ovozi oshgani sayin,
Dahshatli sukutni kelar berkitib.
Bu asli shunchaki bir ertak emas,
Bu yozning nafasi, dehqon nafasi.

Ishlarin yakunlab kelishar xalqim,
Sokin tun ko'ngliga huzur baxsh etar.
Ehtimol shu sabab, shu sabab balkim,
Bolalar quyoshning botishin kutar.
Kattalar uxlashar, ammo bolalar...
Gaplashar qandaydir kosmonavt haqda.
O'sha payt dunyoga sochib zeb-u, zar,
Oy chiqar yulduzli ,,cho'mich"in maqtab.
Bu asli shunchaki bir ertak emas,
Bu yozning nafasi, osmon nafasi.

Harorat pasayib borar kun sayin,
Xalqim bor topganin qo'ymoqda g'amlab.
Chanqagan barglarning chanqog'idayin,
Bulutlar osmonni olishar qamrab.
Yashindek haybatin ko'rsatar chaqmoq,
Behosdan ko'ngilga tushar xiralik.
Oyoqlar ostida sarg'aygan yaproq-
Shu yildan qolgan eng so'nggi esdalik.
Bu asli shunchaki bir ertak emas,
Bu kuzning nafasi, xazon nafasi.

Safarin yakunlab ketmoqda qushlar,
Bolalar ayvondan kuzmoqda jim.
Boshlanar dalada paxta terishlar,
Ertadan kechgacha dalada xalqim.
Yuzlarda horg'inlik, qo'llarda qadoq,
Hamma kun botishin kutar orziqib.
Tong hali otishga ulgurmasdanoq,
Xalq yana paxtaga chiqar hovliqib.
Bu asli shunchaki bir ertak emas,
Bu kuzning nafasi, xirmon nafasi.

Kumushdek tovlanar oppoq archalar,
Mo'rilar og'zida barq urar tutun.
Raqs etar havoda qorli parchalar,
Hammani o'ziga etgancha maftun.
Kiyimlar o'zgarar endi butunlay,
Paltoga o'rnini bo'shatar ko'ylak.
Uyda-chi qaynaydi to'xtamay, tinmay,
Pechkaning ustiga qo'yilgan choynak.
Bu asli shunchaki bir ertak emas,
Bu qishning nafasi, qumg'on nafasi.

Hayqirar yo'llarda kuchli izg'irin,
Ko'priklar ustida muzlaydi qirov.
Darbadar shamollar quvlar bir-birin,
Yo'llarda kamayib qolar ot-ulov.
Saflanar simyog'och ustida yana,
Ayozning elchisi bo'lgan qarg'alar.
Bolalar qirlarda uchishar chana,
Quyosh ham sekin ufq tomon yo'rg'alar.
Bu asli shunchaki bir ertak emas,
Bu qishning nafasi, bo'ron nafasi...

2020/2022-yil

Shohrux Erkinov

@Shohrux_Erkinov_adabiyot Ochish/sharhlash

2022-12-26 17:14:27 #Premyera

Nihoyat uzoq vaqt kutilgan (shaxsan o'zim ham kutgan) she'r...
Deyarli ikki yil davomida yozilgan -
"BIR YIL" nomli she'r.
Premyera vaqti: 31.12.2022
Ochish/sharhlash

2022-08-29 14:52:24 #Yangilik

Elektron kitob
(Android telefonlar uchun)
Muallif: Shohrux Erkinov
Turi: She'rlar
Hajmi: 5.8 Mb
Format: APK
Rasmiy kanal:
https://t.me/Shohrux_Erkinov_adabiyot

29.08.2022 Ochish/sharhlash