Жуфти ҳалолим! Майли, мендан жонимни сўра, Жоним тутай, келм | 🌱 Shifo uz
Жуфти ҳалолим!
Майли, мендан жонимни сўра,
Жоним тутай, келмас малолим.
Йўлим кутган қизлардан кўра,
Ўзинг афзал жуфти ҳалолим.!
Жоним бериб суйганим ўзинг,
Менга жони куйганим ўзинг.
Ширин бахтни туйганим ўзинг,
Шукур борсан жуфти ҳалолим.!
Уйга келсам кутиб олган сен,
Юрагимга меҳр солган сен.
Бир умрга, сени дейман мен,
Вада берай жуфти ҳалолим.!
Бир умрлик севикли ёрим!
Ширин бахтим ширин озорим!
Борим берай сенга дилдорим!
Шукур борсан жуфти ҳалолим.!
Ўзингдирсан, уйим бекаси,
Умр йўлим ўзинг эртаси.
Дилшодбекнинг, ёлғиз эркаси,
Ўзингдирсан жуфти ҳалолим.!
Шахло кўзинг, кўрмасин ҳеч нам,
Йиғлатмайман, сени ўзим хам.
Муҳаббатим, фариштам эркам,
Шукур борсан жуфти ҳалолим.!
Бунча хушрўй бўлмаса юзинг,
Жоним олар, ҳар айтган сўзинг.
Фарзандларим онаси ўзинг,
Фариштамсан жуфти ҳалолим .!
Парвонасан, ҳар кун қошимда,
Маъза бордир, еган ошимда.
Қизғонаман ҳатто тушимда,
Сени дейман жуфти ҳалолим.!
Жуфтим ўзинг, йўлдошим ўзинг,
Бир умрлик сирдошим ўзинг.
Бегим дегин, ёқар шу сўзинг,
Бегойимсан жуфти ҳалолим.!
Дилшод Саматов
@Shifouztv каналига обуна бўлинг !
