Аммажоним ... Аммажон! Бузрукворим жигари, Менга жуда меҳрибо | SHIFO.UZ
Аммажоним ... Аммажон!
Бузрукворим жигари,
Менга жуда меҳрибон.
Ёʻлимга зор, маҳталим,
Аммажоним... Аммажон!
Эркалатган ҳар доим,
Қўлимга тутқазиб нон.
Меҳри дарё, шўх сойим,
Аммажоним... Аммажон!
Сўзлари болдан ширин,
Юрагимга қадрдон.
Туғёнлари яширин,
Аммажоним... Аммажон!
Эркалар жияним деб,
Менга берган гўзал ном.
Берар ҳаётимга зеб,
Аммажоним... Аммажон!
Сизни яхши кўраман,
Токи тургунча жаҳон.
Тез-тез йўқлаб тураман,
Аммажоним... Аммажон!
Ҳаётимга бахт тўлар,
Сиз йўқлаган ўшал он.
Сизга ўхшагим келар,
Аммажоним... Аммажон!
Сўзлари дилга малҳам,
Дунёда энг ҳушзабон.
Менинг иккинчи онам,
Аммажоним... Аммажон!
@SHIFOUZ
ㅤㅤㅤㅤㅤㅤ
