Sabirov kundaligi

2023-02-27 09:18:02 Noodatiy motivatsiya

Kecha dam olish kuni ko‘chaga umuman chiqmadim, shu sababmi negadir kayfiyatim yo‘q bo‘ldi. Kechga yaqin kayfiyatni ko‘tarish uchun kino izladim, odatda hind filmlari insonga o‘zgacha kayfiyat va nooadatiy motivatsiya beradi.

Dinamik syujetlar, voqeadagi keskin burilishlar, har xil toifalar o‘rtasidagi munosabatlar, siyosiy harakterlarning ochiqcha ko‘rsatilgani tomoshabinni butun film davomida zeriktirmaydi.

Hind filmlaridagi meni lol qoldiradigan jihatlardan biri har xil toifadagi insonlar orasidagi munosabatlarni ochib berishi. Adolatparvar politsiya xodimi va mahalliy gangsterning yugurdagiga aylangan politsiya rahbari, og‘ir va bosiq aka va qoni qaynoq, aqlli uka, mahalliy kallakesar va u uchun har ishga tayyor malaylari, har doim yoningda turadigan do‘stlar, qahramonni buyuk ishlardan chalg‘ituvchi go‘zal sohibjamol va shu o‘rinda u uchun butun boshli qaroqchilar to‘dasini yakson qiluvchi ko‘rkam yigit, men uchun yshu paytgacha uchratmagan munosabatlar uka va kelinoyi munosabatlaridir.

P.s.: ma‘lumot uchun kinoning nomi "Nikamma".

@sherzodiy Ochish/sharhlash

2022-10-05 20:39:24 Maqsad, oliy maqsad va hokazo maqsadlar.

Maqsad haqida koʻp gapiriladi, "har kimning oʻz oldiga qoʻygan maqsadi boʻlishi kerak", "maqsadsiz inson tirik murda", "maqsad boʻlmasa hech nimaga erishib boʻlmaydi" va yana shunga oʻxshash havoyi tavsiflar.

Unisini bilmadimu, nafas ololmay, oʻpkang boʻgʻilib yotganingda, sening eng oliy va yagona maqsading nafas olishdan iborat boʻladi. Yaʼni, hozir sizga nima yetishmayotgan boʻlsa ana shu sizning maqsadingiz.

@sherzodiy Ochish/sharhlash

2022-10-03 13:18:49 Bugun ertalabdan havo yoqimli boshlandi, bulutli, lekin yomgʻir yogʻishi manzarani va reja qilingan sayrni buzadi.

@sherzodiy Ochish/sharhlash

2022-09-24 12:10:38 Maktabda berilgan bilimlar hayotda asqatadi, ayniqsa gerbariy tayyorlash.

@sherzodiy Ochish/sharhlash

2022-09-21 20:51:01 Falsafa yo‘qlikdan yo‘qlikgacha bo‘lgan har bir narsaning mohiyatini anglashni o‘rgatishga qaratilgan fan. Faylasuf bo‘lishning birinchi sharti esa hamma narsaga shubha bilan boqish.

Biz qandaydir g‘ayritabiiy yoki noodatiy hodisaga dich kelganimizda uni mo‘jiza deb ataymiz. Bu hodisaga mas'ullikni ilohiy kuchlarning gardaniga yuklaymiz va bu hodisalarning sababini materialistik jihatdan tekshirib ko‘rmaymiz, bunga urinmaymiz ham. Bu hodisalarni izohlashga ilmiy bilimlarimiz yetarli emasligi uchun "mo‘jiza" deb qo‘ya qolamiz. Natijada tafakkurimizga chegara qo‘yamiz. Bu holat bizni fikrlashdan, tafakkur qilishdan, haqiqatni izlashdan to‘xtatib qo‘ymaydimi?

Nima uchun shubhalanmaymiz?
Nima uchun haqiqatlarga, faktlarga shubha bilan boqmaymiz?
Axir shaxmat o‘yinida faqat ot bilan yurish qilmaymizku, faqat ot bilan g‘alaba qilib bo‘lmaydiku.

Din falsafasi shunday, yerda hayot qanday paydo bo‘lishi haqida o‘ylashdan ko‘ra, din buyurgan ishlarni bajarib jannatga borishdir.

Bu gaplardan keyin meni materializmga chalingan deb tahmin qilayotgan bo‘lishingiz mumkin. Tahminlaringizdan shubhalaning.

Odamlar optimist, pessimist va realistlarga toifalanadigan bo‘lsa siz supermen bo‘ling, odamlar idealist va materialistlarga ajratiladigan bo‘lsa siz supermen bo‘ling, odamlar ateist va dindorga bo‘linadigan bo‘lsa siz supermen bo‘ling.

@sherzodiy Ochish/sharhlash

2022-09-16 23:48:18 Istaklar oʻz-oʻzidan paydo boʻlmaydi, ularni amalga oshirishga imkoniyating borligini his qilsang, shu narsaga oʻzingni loyiq deb bilsang istak uygʻonadi, sen esa shunchaki harakat qil!

@sherzodiy Ochish/sharhlash

2022-08-04 23:21:54 Odamlar pulim koʻp boʻlsa yaxshi yashayman deb koʻp gapirishadi, lekin, puling yoʻq boʻlsa hotirjam oʻlishning ham iloji yoʻq ekanligi haqida hech gapirishmaydi.

@sherzodiy Ochish/sharhlash

2022-08-03 02:01:46 Olamda senga teng yoʻq, oʻxshashi ham topilmas!

Ideal, ha, idealning boshqa nusxasi va unga teng boʻladigan varianti boʻlmaydi, boʻlishi mumkin, baʼzi nuqsonlari bilan, siz bu nuqsonlarga koʻz yumgan holda uni qabul qilishingiz mumkin.

Ideallar toʻqnashuvi. Bu kamdan-kam uchraydigan moʻjiza, agar hayotingizda aynan sizdagi idealga hos kriteriyalarga javob bera oladigan insonni uchratsangiz, uni hech qachon qoʻldan boy bermang, soxta ideallaringizdan voz keching! Keyin afsuslangandan naf yoʻq.

@sherzodiy Ochish/sharhlash

2022-08-01 23:49:00 Yaralangan sherning nafas olishi, uning oʻkirishidan ham xavfliroq!

Shoshilib tarixni qaytadan yoza olmaymiz, shuningdek, tarixni rejalashtirib unga ssenariy ham tuzolmaymiz. Faqat birgina uchqun boʻlsa bas!

@sherzodiy Ochish/sharhlash

2022-08-01 15:44:06 Sani gulganlaring gul adi, yorim,
Gulingni oponglo yulib qo‘yipti.
Ichonloro qomob, qulplop ustingnan
Qaysi qo‘li cho‘mmiq ilib qo‘yipti.

Gunlarim o‘tayotir sannan mosuvo,
Osmonloni hamma buluti manda.
Ustingnan ilganni na poydosi vo,
Yuraking qulpini kiliti manda.

Matnazar Abdulhakim

@sherzodiy Ochish/sharhlash