2022-09-17 14:55:55
«НИМА БЎПТИ»
Кўнгил экан, бир кўнгилни жондан суйса,
Кулманг, кўзим сирларимни ошкор қилса,
Хушим олиб юрагимдан урган гўзал,
Нима бўпти мендан ёши катта бўлса?
Севги, ахир ёш танламас дейдиларку,
Изн сўрмай қалбга кириб келдиларку,
Париймикан ё малакми? Билмадим у!
Нима бўпти мендан ёши катта бўлса?
Қўл чўзмадим ойга ёки, юлдузларга,
Кўзим ожиз, ундан ўзга ёт кўзларга,
Пайрвойим йўқ, хар хил майда гап сўзларга,
Нима бўпти мендан ёши катта бўлса?
Бошгинамга қўндимикан бахтим қуши,
Чиройидек, аъло экан ақл-у хуши,
Айбламанг, бу мен эмас, кўнглим иши,
Нима бўпти мендан ёши катта бўлса?
Бу дунёга келиб, бир бор севмаган ким?
Ишқ ўтида ёниб, олов бўлмаган ким?
Аллох! Дилга солган менинг мухаббатим!
Нима бўпти мендан ёши катта бўлса?
Насиб, пешонада борин кўрамизда,
Яхши ният билан дуо қиламизда,
Бирозгина фарқ бор асли орамизда,
Нима бўпти мендан ёши катта бўлса?
Абдумуталиб Эргашалиев
https://t.me/sherlartoplami_uz
68 viewsedited 11:55