Sherlarim.Uz

2022-07-04 15:53:46 Ватан учун!
Тарих гувоҳ не ёвларга, метин бўлган қалқон учун,
Қанча қонлар дарё бўлиб қад кўтарган бўстон учун,
Не-не буюк аждодларим ҳоки ётган маскан учун,
Шукур қилмоқ керак дўстим, бу бебаҳо
Ватан учун!

Қанча кимса мусофирлик азобидан дили ғариб,
Ҳаловат йўқ кунларида, яшаб юрар минг бор ҳориб.
Ватан нима, Ватан недур сўранг ундан бир бориб,
Шукур қилмоқ керак дўстим, бу бебаҳо Ватан учун!

Боболаринг яшаб келган, ҳовли жойинг бор уйинг,
Бу манзилда ўтди ёшлик, гувоҳ бўлиб кўп тўйинг,
Қайда бўлма ўз бағрига чорлар Ватан, йўқ ўйинг,
Шукур қилмоқ керак дўстим, бу бебаҳо Ватан учун!

Ватан менга не берди деб, шайтон сўзга учма дўст,
Ватан сени болам деди, хом-хаёллар қучма дўст.
Асли ўзинг нелар қилдинг, обдон ўйла, ўйла дўст,
Шукур қилмоқ керак дўстим бу бебаҳо Ватан учун!

Ғузор_5.07.2022 й
Рафаэл Сайдуллаев Ochish/sharhlash

2022-07-02 22:03:14 Кенг кўчалар зеб бериб,
Кўрк очмоқда чиройи.
Ярашаркан унга ҳам,
Қават уйлар бинойи.
Кўз тегмасин худойим,
Яшнар, Ғузор чиройи!

Юртбошимдан эътибор,
Йиллаб кутди бу Ғузор.
Ислоҳотлар амалда,
Қўллар уни ҳоким бор.
Тадбири хуп анойи,
Яшнатар юрт чиройи!

Янги боғлар барқ уриб,
Турар юртга зеб бериб.
Қадоқ қўллар меҳнати,
Таҳсин дерлар бир кўриб.
Бу сўз эмас ҳавойи,
Яшнар, Ғузор чиройи!

Азал бу эл ҳамжиҳат,
Боболардан бу сифат.
Кўриб хушнуд халқини,
Дил туяди минг роҳат.
Мустажоб эл дуойи,
Яшнар Ғузор чиройи!

Обод бўлсин ҳар уйинг,
Бўлсин юртда обрўйинг.
Тарихингдир минг аср,
Нишонлайлик биз тўйинг.
Гулла, яшна Ғузорим
Битдим-да бир, изҳорим!

Рафаэл Сайдуллаев
Ғузор _2.07.2022 й Ochish/sharhlash

2022-07-01 21:40:40 Шаҳарларда ўқиб, ишлаб қишлоғимизни соғиниб юрган қишлоқдошларимиз омон бўлишсин!

Интилсада фарзандларинг шаҳар домига,
Илм олиб ярай дея юртнинг корига,
Ўтмасин дер ахир бежиз, умр номига.
Учмоқ учун ҳар дақиқа шайдир қаноти,
Сен барибир бошқачасан қишлоқ ҳаёти!

Яйратсада дилу танни шаҳар чиройи,
Осмонўпар миноралар гавжум диёри,
Вақти келиб шовқин кўча етар меъёри.
Охир бир кун кўнгил айтар соғинч баёти,
Сен барибир бошқачасан қишлоқ ҳаёти!


Рафаэл Сайдуллаев
Каприн _1.07.2022
@sherlar_rafael Ochish/sharhlash

2022-07-01 20:14:54 Иши олға кетиб доим,
Мошин олди Мамарайим.
Аввал миниб дала куйга,
Шофёр бўлди бир мулойим.

Қишлоғида асл деҳқон,
Хирмонида арпаю дон,
Қўл қабариб урар кетмон-
Шофёр бўлди Мамарайим.

От завқидан ҳузур олиб,
Бош қашлади шаҳар бориб.
Такси сурай ундан кўра,
Юраманми кетмон чопиб?

Таксида мўл жарақ, жарақ
Шу баҳона ташлай ароқ,
Отди кетмон, ҳатто ўроқ,
Таксист бўлди Мамарайим!

Пул илинжи ёмон экан,
Йўл қатнади кеча кундуз.
Аммо энди номер один,
Шов~шув бўлиб бўлди юлдуз!

Ўзгарди тез юриш,туриш
Билиб билмай кўкрак кериш,
Ҳар кимгамас йўлда юриш,
Кимсан Таксист Мамарайим!

Қорин қўйиб секин аста,
Деди салон қилар хаста,
Танировка урмоқ керак,
Клент тўлар бир нафасда.

Қаранг бахтми ёки омад,
Кулиб боқди яна бу чоқ.
Танировка бепул бўлиб,
Мамарайим бўлди хушчоғ...

Энди қора ойналари,
Ушалди ўй орзулари.
Шаҳар қатнар, ҳатто обед-
Жавлон уриб туйғулари...

Хуллас бизни Мамарайим,
Яшамоқни билар доим.
Омад сени тарк этмасин,
Оқ йўл сенга Мамарайим!

Рафаэл Сайдуллаев
Ғузор _30.06.2022 й Ochish/sharhlash

2022-07-01 18:37:34 Айни йигитлик чоғида, дунёга тўймай оламни тарк этган Дилшод тоғам, Сайдулла ва Обид бўламлар тилидан.
(Оллоҳим уларнинг руҳларини шод этиб, жойларини жаннатдан қилсин. Ота оналарига Оллоҳим сабру бардош берсин. Омийн.)

Мен дунёга келганимда суюнган отам,
Ўз меҳрила фариштадек туюлган онам.
Бугун сизга қувонч эмас, бериб қўйдим ғам,
Дуо қилинг дуоингиз, мен учун малҳам...

Нетай энди армон дунё кўзим тўймади,
Мен севсамда бу ҳаётни, ҳаёт севмади,
Қолай дедим, зор талпиниб ажал қўймади,
Дуо қилинг дуоингиз мен учун малҳам...

Йигит бўлиб бирор қизнинг қўлин тутмадим,
Орзу эди чимилдиққа қадам қўймадим,
Бу дунёда ишқ учратиб обдон суймадим,
Дуо қилинг дуоингиз мен учун малҳам...

Билмас эдим умр деган, экан поёнли,
Ёшми, кекса барчага тенг қисмат аёнли,
Билсам қани яшар эдим бўлиб туғёнли,
Дуо қилинг дуоингиз мен учун малҳам...

Бугун сизга йироқлардан боқарман маҳзун,
Зор йиғламанг болам дея, эслашиб ҳар тун.
Ундан кўра қабрим узра келиб бирор кун,
Дуо қилинг дуоингиз мен учун малҳам...

Рафаэл Сайдуллаев
Каприн_20.03.2022 й Ochish/sharhlash

2022-07-01 18:37:13 Ochish/sharhlash

2022-07-01 18:34:29 Момо, Сизни жуда яхши кўрардим
Той-той бўлиб, изингиздан юрардим.
Бугун йўқсиз, соғинарман изингиз
Билсам мангу, бола бўлиб қолардим!

Энг аввало танитдингиз Оллоҳни
Муқаддас бил, дея Каъбатиллоҳни.
Айтардингиз болам шуни унутма
Бандасимиз бизлар дея Оллоҳни!

Гўдак демай, ўргатдингиз дуолар,
Ўқиб юргин даф бўлар деб балолар.
Яратганнинг марҳамати кенг бўтам,
Омийн десанг тарк этар деб хатолар.

Узун тунлар эртак, достон эшитиб,
Ботир бўлиб тушда девлар йиқитиб.
Ухлар эдим, пинжингизда мириқиб,
Ўтган кунлар соғинарман орзиқиб.

Набиралар қатор эдик жам эдик,
Момо сизнинг меҳрингиздан шод эдик.
Болалик ҳам олисларда сиз каби,
Соғингандан қалам тутдим ёд этиб.

Ҳаққингизга дуо қилгум моможон,
Жаннатидан жойлар берсин художон.
Меҳрингизни икки олам унутмам,
Фариштадек яшаб ўтган моможон!

Каприн_5.09.2022 й
Рафаэл Сайдуллаев Ochish/sharhlash

2022-07-01 18:33:52 Ҳақни таниб ибодатга юзинг бурсанг,
Ихлос ила ҳар намозда қоим турсанг,
Чин мўминлик ҳаётидан мамнун эрсанг,
Бу тақвоинг кибр дея сўзлайдилар,
Турли фитна фасодларин қўзғайдилар.

Рўза тутсанг айтадилар бу ор учун,
Юрибдида ҳар оқшомда ифтор учун,
Ўзларича намозхондир сафдор учун.
Ҳар қадамда каму кўстинг излайдилар,
Турли фитна фасодларин қўзғайдилар.

Парво қилма гап сўзларга иғво учун,
Юзинг ёруғ чин ихлосли тақво учун,
Шул сабабдин дунё-синов ғавғо учун.
Шайтонга дўст ўз аҳдларин бузмайдилар,
Билиб-билмай дўзах ўтин қўзғайдилар...

Ғузор тумани_6.06.2022 й
Рафаэл Сайдулла ўғли Ochish/sharhlash

2022-07-01 18:32:38 Татимас оламнинг шодлиги зинҳор,
Таманно этсада, қаршингда такрор.
Саф бўлсин инжулар, ҳаммаси бекор,
Гарчи тан-жонингда сиҳат бўлмаса.

Азобинг ҳис этмас ўзингдан ўзга,
Табиблар минг боқсин юзингу кўзга.
Эй воҳдан бошқаси келмайди сўзга
Гарчи тан-жонингда сиҳат бўлмаса.

Эй дўстим, тан жонинг сиҳатда бўлсин,
Ҳаётинг нурафшон гулларга тўлсин.
Ранжима, бу синов хаёлни чоғ эт-
Мақсадинг тўқсону, юзларда бўлсин!

Ғузор_29.05.2022 й
Рафаэл Сайдуллаев Ochish/sharhlash

2022-07-01 18:30:42 Гоҳ ҳаёт машаққат инсон зотига,
Ҳол бўлмас чуҳ демоқ минар отига.
Тавалло этмоқдан яна не бу чоғ,
Не таскин , ҳаловат инсон зотига?

Қадардан башарга қадар унга йўл,
Бу йўлда минг шайтон чўзар унга қўл.
Мақсади олийдир бўлмоқ асли қул,
Бу роҳат таскиндир, инсон зотига!

Ўзлигин англаган ҳар банда шодон,
Умрнинг ҳар онин безайди пинҳон.
Иймон дер аввало, ғарибу~султон,
Бу қадам таскиндир, инсон зотига!

Ҳар неки ўзига қилган хизмати,
Оллоҳ деб яшар ким буюк иззати.
Вақт келиб топилгай бунинг лаззати,
Бу ишонч таскиндир, инсон зотига!

Рафаэл Сайдулла ўғли.
Ғузор тумани _25.06.2022 йил Ochish/sharhlash