2022-10-23 08:01:08
КУМУШХОННИНГ КИНОЯСИ...
Узуримиз қабул қилинг, энди бегим ,
Бир озгина захримизни санчиб қўйдик.
Сизни қумсаб, дунёларга сиғмаган чоғ
Беозор бу қалбингизни, янчиб қўйдик.
Айб қилмангиз, сўзлаб қўйдик аччиқ сўзни,
Бир оз сизга, эркаликлар қилиб қўйдик.
Ўзимиздан кўра, яқин олиб сизни
Киноялар ила бағриз, тилиб қўйдик.
Сукут сақлаб, жим турмангиз қийнаб бизни,
Аччиқ сўзлаб, ғазабингиз тўкиб олинг
Кумушдан ўч олиб, майли Зайнабхоннинг
Қўлин тутиб, юзларидан ўпиб олинг.
Киноялар ортида бор соғинчимиз,
Етим севгим меҳрингизга ўраб қўйинг.
Ҳар замонда тил учида бўлса ҳамки,
“Яхшимисиз” деб ҳолимиз сўраб қўйинг.
Ёнингизда қололмадик узр ёрим,
Зайнабга йўл бўшатдигу, чекка бўлдик
Айрилиқнинг куйин чалар юрак торим,
Лек қалбингиз ичра ёлғиз, эрка бўлдик.
ДИЛДОРА АБДИНАЗАРОВА
Каналга аьзо бўлиш
@sherlar_olami_n1
1.2K views𝓐𝓵𝓶𝓪𝓼𝓫𝓮𝓴, 05:01