ТЕГМАЙ ТУР
Эй ҳурлиқо, лаблари ғунча,
Гўзаллигинг юлдузча, кунча,
Кутиб тургин мени ой малак
Тегмай тургин мен боргунимча.
Тунлардан ҳам қародир кўзинг,
Қизғонмагин бир ширин сўзинг,
Танлаганим танҳо сен ўзинг,
Тегмай тургин мен боргунимча.
Ўргиламан қош-у, ёйингдан,
Райҳон иси келар бўйингдан,
Совчиларни ҳайда уйингдан,
Тегмай тургин мен боргунимча.
Оҳларимиз Аллоҳга етсин,
Тақдир бизни бахтиёр этсин,
Онангга айт, дадангга айтсин,
Тегмай тургин мен боргунимча.
Куйдирмагин ҳонимонимни,
Ҳижронларга сочма қонимни,
Сарпойингга берай жонимни,
Тегмай тургин мен боргунимча.
Дард бўлмасин,аламли,чўғли,
Бошқасига кетсинда кўнгли,
Ўз акангдек ҳолангни ўғли,
Тегмай тургин мен боргунимча.
Россиянинг қишлари ёмон,
Соғнчлардан рангларим сомон,
Тезда учгум гулим сен томон,
Тегмай тургин мен боргунимча.
Хуршид Карим
𝐓𝐞𝐥𝐞𝐠𝐫𝐚𝐦 | MUHABBAT BEKATI
