ЯНА КЕЛ, ЭЙ РАМАЗОН! Билмам, кўнгиллардан кетдими ғубор, С | ШАЙХ МУХЛИСЛАРИ
ЯНА КЕЛ, ЭЙ РАМАЗОН!
Билмам, кўнгиллардан кетдими ғубор,
Сенинг поёнингда минг надомат бор.
Ойларнинг султони моҳи Рамазаон,
Яна кел, биз сени кутармиз ночор!
Кетдинг бу, даъволар чиқмади тетик,
Бизни ғолиб этди юз минглаб ҳадик.
Афсусда турибмиз ҳар доимгидек,
Яна кел, биз сени кутармиз ночор!
Рўзалар тилгамас, дилгадир таъсир,
Таровеҳ кўнгилга бўлганда оғир.
Шамолдан тез келиб кетдинг-ку ахир,
Яна кел, биз сени кутармиз ночор!
Қалбни тоат учун яна очмадик,
Ўн бир ой санқиган дардни енгмадик.
Онадан туғилган каби чиқмадик,
Яна кел, биз сени кутармиз ночор!
Қачон бу телба дил Ҳақни ҳам англар?!
Моғор босган ичдан кетарми чанглар?!
Ортингдан "Ал-фироқ" садоси янграр,
Яна кел, биз сени кутармиз ночор!
Фақат Робб таъолодон сўрабон нажот,
Бизни манзил сари йўллар чин қанот.
Ўн бир ой ичида топмасак вафот,
Яна кел, биз сени кутармиз ночор!
Мен ҳам саодатга етарман бир кун,
Қалбимда емирилар Илоҳий тугун,
Шайтонни занжирбанд этмаклик учун,
Яна кел, биз сени кутармиз ночор!
Мўминлар айёмин ҳисоблаб бўлгач,
Фарз дебон, Маккага қилгусилар ҳаж.
Шундан сўнг бошланар жами кулфат, ранж,
Яна кел, биз сени кутармиз ночор!
Рамазон, биз сени яхши кўрамиз,
Яна ўкинч билан хорғин юрамиз.
Аллоҳ насиб қилса, кутиб турамиз,
Яна кел, биз сени кутармиз ночор!
Ҳ.Ҳамидов.
АЛБАТТА ДЎСТЛАРИНГИЗГА ҲАМ УЛАШИНГ!!!
Shayx_Muxlislari
«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ»
КАНАЛИГА АЪЗО БЎЛИШНИ УНУТМАНГ!!!
═══════════════
АРАФАМИ? Зулхижжанинг 9-куни арафа куни эканлигини билардим. Лекин негадир Рамазон ойининг охирги куни Арафа деб хамма бир бировини табриклашяпти. Китобларни ўқиб тополмадим. Рамазоннинг охирги куни хам Арафами? ЖАВОБ:
https://t.me/ShayxMuhammadSodiq_Muxlislari/14405 ЖАВОБ
