Shamsuddin Sadruddin

2022-08-27 14:12:09 Shayx: «Egilma! Egilish faqat Allohga bo‘ladi!»

@Shamsuddin_Sadruddin Ochish/sharhlash

2022-08-17 00:51:14 Ya Robb! Umidim… Ochish/sharhlash

2022-08-17 00:49:35 Nabiy sollallohu alayhi vasallam aytadilar:
«Ikki kishi do‘zaxdan chiqadi. Ular Allohning huzuriga olib boriladilar. Keyin Alloh ularni do‘zaxga (qaytishga) buyuradi. Shunda ulardan biri o‘girilib: «Ey Robbim, bu mening umidim emasdi», deydi. Alloh: «Umiding nima edi?» deb so‘raydi. Haligi kishi: «Meni do‘zaxdan chiqarganingda unga qaytarmasligingni umid qilgandim», deydi. Shunda Alloh unga rahm qiladi va jannatga kiritadi».
(Sahihi Ibn Hibbon, 632)

@Shamsuddin_Sadruddin Ochish/sharhlash

2022-08-16 21:44:14 #Nukta

Abu Lahab - Nabiy sollallohu alayhi vasallamning ota bir, ona boshqa amakilari. U zotga ozorlar bergan va haq da’vatlariga qarshi chiqqan ashaddiy mushrik. Alloh u haqida bunday oyat nozil qilgan: «Abu Lahabning ikki qo‘li halok bo‘lsin, halok!». (Masad:1)

Alloh ushbu surani «Kafirun» surasi kabi قُلْ («Ayt») deb boshlamadi. Holbuki, ikkala sura ham mushriklarga qaratilgan.

Bunga uch xil javob berish mumkin:

1. Qarindoshlik, ayniqsa, amaki-jiyan rishtasi hurmat-ehtiromni taqozo qiladi. Shu sabab Alloh: «Mana shunday so‘zlarni ayt», deb, Rasulini o‘z amakisini - garchi u mushrik bo‘lsada - la’natlashga buyurmadi.

2. «Kafirun» surasi Alloh haqida noo‘rin gaplar aytgan kofirlar haqida, shu bois u yerda «aytish»ga buyurilgan. «Masad» surasi esa Nabiy sollallohu alayhi vasallamni haqoratlagan Abu Lahab va uning ayoli haqida, shu bois u yerda «aytish»ga buyurilmagan. Bunda: «Ey Muhammad, siz sukut qiling, unga O‘zim javob qaytaraman», degan ma’noga ishora bor.

3. Alloh O‘zining haqiqiy bandalarini sifatlab bunday deydi: «Qachon ularga johillar xitob qilishsa, ular: «Salom!» derlar» (Furqon:63). Bu yerda ham shunday: «Ey Muhammad, sizni haqorat qilganlarida shu oyatga muvofiq sukut qiling», degan ma’no tushuniladi!

Bilingki, kim ahmoqlar bilan gap talashishni bas qilsa, Allohning O‘zi uni daf qilib, bandasiga yordamchi bo‘lur!
(«At-tafsirul kabir» asosida)

@Shamsuddin_Sadruddin Ochish/sharhlash

2022-08-16 21:42:19 Ochish/sharhlash

2022-08-10 23:31:54 Tolibi ilmlarni olimning xordiq chiqarishi aldab qo‘ymasin! U dam olar darajaga chiqquncha qanchadan-qancha xordiq chiqarishlardan voz kechgan axir. Ochish/sharhlash

2022-08-10 23:12:19 Agar sen (ey tolibi ilm)
- badanim ham dam olib turishi kerak;
- sakkiz soat uxlashim lozim;
- yaxshi taomlanishim zarur;
- peshinda mizg‘ib olishim shart;
- kechasi do‘stlarim bilan suhbatlashib chiqishim kerak, deb hisoblasang, seni «tabriklayman»!
(Shayx Sa’id Kamaliy)

@Shamsuddin_Sadruddin Ochish/sharhlash

2022-08-08 00:49:59 «Shoyad Robbimiz uning o‘rniga undan yaxshirog‘ini bersa».
(Qalam:32)

- Yo‘qolgan har bir fursat tufayli;
- boy bergan har bir ishing tufayli;
- yo‘lning yarmida seni tashlab ketgan suyukliging tufayli;
- go‘zal yuzli deb o‘ylaganing aslida yaralangan bo‘rining niqobi bo‘lganini bilishing tufayli yongan hasrat olovini mana shu oyat bilan o‘chir!

Alloh sendan nimani olsa, hikmat bilan oladi. Senga nimaiki bersa, rahmat sababli beradi. Hikmatini bilsang, shukr qil! Agar bilmasang, sabr qil! Allohning barcha qadari, garchi seni og‘ritsada, yaxshiroqdir.
(Adham Sharqoviy, «Qur’ondan maktublar»)

@Shamsuddin_Sadruddin Ochish/sharhlash

2022-08-07 22:50:19 Kim Falastin mening muammoyim emas desa, rost aytibdi. Falastin sharaflilarning muammosidir. Ochish/sharhlash

2022-07-18 23:48:25 Dunyodagi barcha rizqimizga Alloh vosita qo‘ygan. Ya’ni hayoti dunyodagi hech bir rizq o‘zi kelmaydi. Tijoratchi xaridor orqali, ishchi ish beruvchi orqali, podshoh xalq orqali, xalq esa podshoh orqali rizqlanadi. Suv, quyosh, tuproq, daraxtlar ham rizq vositalaridir.

Ammo oxiratda shunday rizqlar borki, uni qabul qilishda Alloh bilan bandaning o‘rtasida hech kim va hech nima bo‘lmaydi. Na farishta, na payg‘ambar va na bir daraxt... Rizq Razzoqning O‘zidan bevosita olinadi!

Qur’on tilida mana shunday rizqqa «karim rizq» deyiladi!

Alloh karim rizq bilan siylasin!

@Shamsuddin_Sadruddin Ochish/sharhlash