Ишқ доғида Қулоқ ошиқ бўлар эмиш кўздан олдин, Ширин сўздан ў | SevgiM YuragiMda❤️(rasmiy✔️)

Ишқ доғида

Қулоқ ошиқ бўлар эмиш кўздан олдин,
Ширин сўздан ўтлар қалаб чиқса ёнғин
Куйдириб ҳам кулдан пайдо қилар тағин,
Келинг қайта учрашмайлик ишқ боғида.

Севги рақси сўнгин беҳос топганидай,
Жилмайишлар ёлғон сархушт ёпганидай
Ишқ сахнасин армон лаби ўпганидай,
Келинг қайта севишмайлик сўз чоғида.

Соғинмайлик, эсламайлик изламайлик,
Юз йил ёмғир кўзни тутса йиғламайлик
Хотирага ўраб чирмаб чин кўмайлик
Келинг қайта севишмайлик ишқ оҳида.

Сиз ўшасиз юрагимда йиллик армон,
Минг асрдан бутун чиққан кузги хазон,
Хайр дейиш бўлмаса ҳам майли осон,
Хайр энди севишмайлик гоҳ- гохида

Йиғлар бугун кулган ўша қувноқ кўзлар
Гўрга кириб орзу истак, ширин сўзлар,
Кет сўзига тополмайин изоҳ излар,
Майли энди севишмайлик ишқ доғида.

Шалола Жалолова


Kimga yuborishni bilasiz

Kanalga kiring
https://t.me/sevgim_yuragimda_kartinkalar