Ўттиздан ошганда ўтин эмишмиз
(ҳазил шеър )
Ўттиздан ошганда ўтин деганлар,
Бу ёшда аёлин ,, хотин,, деганлар.
Бекорни бештасин айтган ўшалар,
Кўнглимиз оғритган хира пашшалар.
Сочи таралмаган пахмоқ эмасмиз,
Ҳар гапга ишонган ахмоқ эмасмиз.
Биз энди ғунчанинг очилган гули
Ёзнинг кутмай ёғиб элаган дўли.
Ўттиздан ошганлар оловдир асли,
Янгитдан ёшарган кўнгиллар фасли.
Кийиниш ўзгарар, юриш туриш ҳам,
Ҳар нега тўкмайди энди кўздан нам.
Шаддодлик ошади, шўҳлик ошади,
Қалбида мухаббат шошқин тошади.
Ақли бало бўлар хар ишга чопиб,
Сал қаттиқ сўзга ҳам кетади қопиб.
Кўнгли нозик бўлар хатто боладан
Узилар ипакнинг сўнгги толидан
Хабар олиб туринг холидан тез тез
Яна юрагида қолмасин бир из
Хуллас хушёр бўлинг ака, укалар
Ҳар не деяверманг, кўнгли яккалар
Билинг қаримайди аёл ноласи
Бежизга узилмас кўнгил толаси
Ҳали чақилмаган писта бодоммиз
Энди боли чиқар ҳар сўзга таъммиз
Ўттиздан ошганда ўтин деганлар
Ўзи қариб қолиб пандин еганлар.
Шалола Жалолова
Kimga yuborishni bilasiz
Kanalga kiring https://t.me/sevgim_yuragimda_kartinkalar
