Sevdora_uz (Комила Носирова)

2022-06-26 10:19:15 Ochish/sharhlash

2022-06-26 10:19:15 #ташаккур
#ижод
Бу чиройли иш учун Мунира Баҳромовага ташаккур! Ёзган мисраларимни маъқул топганингиз учун ҳам алоҳида раҳмат. Хурсанд бўлдим. Ochish/sharhlash

2022-06-25 16:24:04 #иқтибос
Тажриба ўтказувчилар тўрт ёшли боланинг ақл-заковатини тадқиқ қилиш мақсадида конфетни шифт тагига осиб, уни олишга топшириқ беришди. Бола сакрайди, сакрайди, лекин ҳеч ололмайди. Ёнида чиқиши мумкин бўлган курсича, конфетни илиб олиши мумкин бўлган таёқ турибди. Тажриба ўтказувчи ёрдам беради: “Балки, бу конфетни осон олиш ҳақида ўйлаб кўрарсан?” Бола: “Нимасини ўйлайди, олиш керак!” деб жавоб беради. Биз ҳам баъзида шу болага ўхшаймиз: сакраймиз, бошқалар зиммамизга юклаган бир нимани олишга уринамиз, лекин бу бизга керакми-йўқми деб ўйлаб кўришга вақтимиз йўқ...
(с) "Бизнес - бу психология", Марина Мелия Ochish/sharhlash

2022-06-25 14:17:35 #таржима
Орада болаларга мўлжалланган асар таржимаси билан банд бўлиб қолганим боис Мелиянинг таржимаси чўзилди. Аммо битиб қолди. Охирги икки бетни таржима қилиб бўлсам, кейин устидан баъзи нотаниш сўзларга изоҳ бериб кетсам, бу иш ҳам якунланади. "Мунир" нашриётидан учта асар қолади шунда. Ҳажми кичкина эмас уларнинг ҳам. "Янги аср"дагилар ҳам буюртма бор, дейишяпти... Вақт ва қувватга қараб... бир гап бўлар... Ochish/sharhlash

2022-06-23 18:08:57 #иқтибос
Ҳақиқий муҳаббат ана шунда - бошқани англашда бўлса керак.
(с) "Бизнес - бу психология", Марина Мелия Ochish/sharhlash

2022-06-22 17:10:29 #тадбир
Эртага соат 11:00да Ноширлик-матбаа соҳасида мутахассисларни тайёрлаш коллежининг мажлислар залида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги қошида ташкил қилинаётган Таржимонлар клубининг очилиш маросими бўлиб ўтади. Тадбирга қизиққанлар - таржимонлар, ноширлар ва умуман таржимачиликка ҳавасмандлар таклиф қилинади. Ochish/sharhlash

2022-06-22 09:09:12 #иқтибос
Кунингизни яхши ибтидодан бошланг. Ўриндан туришдан аввал дуо ўқинг ёки ўз қасамингизни айтинг, бошланаётган кун учун ва кўрадиган ҳамда эришадиган нарсаларингиз учун шукрона келтиринг.
(с) Робин Шарма Ochish/sharhlash

2022-06-21 08:01:37 #иқтибос
Одамларга дўстлик, муҳаббат, тушуниш керак, улар эса пиво, конфет, сақич олишади, ўзларини алдаш билан шуғулланаётганларини хаёлларига ҳам келтиришмайди. Ochish/sharhlash

2022-06-20 18:08:16 #ўйлар
Бундан бир ойлар олдин "Ҳордиқ" газетасида бирга ишлаган ҳамкасб дугоналар (аёллар жамоаси) йиғиладиган бўлди. Бир ҳамкасб опамизнинг хонадонида. Мен боролмадим. Ўзига яраша сабабларим бор эди. Боролмаган бир мен эмасдим, албатта. Учрашиш ташаббуси билан чиққан ҳамкасбимиз негадир ранжиб, "Ҳамма меҳр-оқибат ижтимоий тармоқ учун, пул дийдордан муҳим экан-да", деган гапларни айтди. Бу гап айнан кимга қарата айтилганини билмадим, аммо менга оғир ботди ва буни очиқ айтдим. Ҳеч кимга ҳеч нимани исботлаш, мен учун пулдан дийдор муҳим, деб ўзимни оқлаш ниятим йўқ. Бунга мажбур эмасман. Ким қандай хаёлга борса, бораверсин. Аммо бир нарсани аниқ ишонч билан айтишим мумкин: ҳеч қачон ҳеч кимга ижтимоий тармоқда бошқа гап, ҳаётда бошқа гап айтмаганман. Кимнидир соғиндим десам, демак, уни чиндан ҳам соғинганман. Яхши кўраман десам, демак, у чиндан ҳам кўнглимга яқин инсон. Ҳурматимни изҳор қилдимми, демак, ростдан ҳурмат қиламан. Йўқ туйғуни гапириш менга хос эмас, буни эплай олмайман.
Дарвоқе, ижтимоий тармоқда меҳр-оқибат ҳақида баландпарвоз гаплар айтганим эсимда йўқ...
Балки, ростдан оқибатсиздирман?.. Ochish/sharhlash