#Очиқ_адлия #ҳудудларда #Тошкент_вилояти #тур
Еттинчи манзил...Бу сафар Тошкент вилоятидаги журналистлар билан учрашдик.
Тошкент вилояти пойтахтнинг биқинидаги ҳудуд.Бу ердаги мулоқотимизда вилоятдаги идоралар матбуот хизмати вакиллари ва яна кўплаб маҳаллий журналистлар ,блогерлар қатнашишди. Учрашувимиз росмана очиқ мулоқот ,диалог бўлди десам адашмайман.
Учрашувда фақат биз гапирмадик
Бошқарма бошлиғи А.Дадажонов қўрқмай уларни саволларига жавоб берди . Ҳуқуқий хизмат кўрсатиш, ДХМ, юридик хизмат кўрсатиш соҳаси ва улар фаолияти, ҳуқуқни қўллаш, тизимга кадрларни ишга қабул қилиш жараёнлари, ФҲДЁ, e-qaror, кадастр каби масалалар бўйича батафсил маълумотлар тақдим этилди. Бундан ташқари, оғриқли мавзу ''снос'' бўйича ҳудудлардаги ҳолатлар бўйича кўтарилган саволларга ҳам жавоб берилди.Ҳар бир савол шунчаки ўртага ташланмади.
Муаммоли масалалар назоратга олинди.Боиси қўшимча ўрганиш талаб қилганди. Мулоқот ҳар икки томон учун самарали бўлди десак адашмаймиз.
Янги лойиҳалар ҳақида ҳам келишиб олдик. Мулоқот доирасида ташкил этилган пресс турда Нурафшон шаҳар, Ўрта чирчиқ, Қибрай туманлари адлия бўлимлари ,ДХМ,юридик хизмат кўрсатиш марказлари, ФҲДЁ бўлимлари фаолиятлари билан яқиндан танишдик. Кўрдикки, ҳар бир ''адлия уй''лари ўзига хос.
Фуқаролар учун қулайликлар яратилган. Қонунчилик бузилишлари бўйича эслатмалар, алоҳида ''1148 -Ишонч қутилари'' ҳам бор. Бу ердаги тизим ходимлари ҳам, хизматдан фойдаланувчилар ҳам яратилган шароитлардан,кўрсатилаётган хизматлардан мамнунлиги қувонарли. Ўрта чирчиқлик онахон ҳам 15 минутга қолмай кадастр ҳужжатини олиб кетаётганини айтиб марказ ходимларидан розилигини айтиб, узоқ дуо қилди. Шундай пайтларда қилаётган хизматинг бесамар кетмаётгани,одамларнинг бир оғиз розиман деган сўзи у ёқ бу ёқда чиқиб дилни хира қилган мингта негативни босиб кетаркан
Мотивация бераркан кейинги фаолиятга
Бизнинг ҳудуд бўйлаб сафаримиз шу ерга етганда адо бўлмади.Энди насиб бўлса шимол ва жануб томон йўл оламиз ...
Янги манзиллар,янги таассуротлар ...
