TATU Samarqand filiali | RASMIY

2022-09-01 03:28:47 Ochish/sharhlash

2022-09-01 03:14:01 Qadrli yurtdoshlar, filialimiz jamoasi va aziz talabalar!

Sizlarni va yaqinlaringizni eng buyuk, eng aziz bayramimiz – O‘zbekiston Respublikasi Mustaqilligining 31 yilligi ayyomi bilan samimiy muborakbod etaman! Barchangizga sihat-salomatlik, xonadonlaringizga fayzu baraka va farovonlik tilayman. Mustaqil Vatanimizning tinchligi, gullab-yashnashi va ravnaqi yo‘lida olib borayotgan ishlaringizda zafarlar yor bo‘lsin!
Mustaqillik qadri boqiy, bayram shukuhi fayzli, istiqlolimiz abadiy bo‘lsin!

Hurmat va ehtirom bilan!
TATU Samarqand filiali direktori Z.Karshiyev

Facebook|Telegram|Instagram|YouTube| Ochish/sharhlash

2022-08-31 13:47:51 #Qabul2022
Xorijdan o‘qishni ko‘chirish bo‘yicha ijodiy imtihon natijalari e’lon qilindi

Talabalar o‘qishini xorijiy davlatlardagi OTMlardan, shuningdek O‘zbekistondagi xorijiy va nodavlat OTMlardan davlat OTMlariga ko‘chirish bo‘yicha o‘tkazilgan kasbiy (ijodiy) imtihon natijalari Davlat test markaziga taqdim etildi.

OTMlar tomonidan taqdim etilgan kasbiy (ijodiy) imtihon natijalari test sinovi natijalari bilan birga hisoblanib, my.dtm.uz va mandat.dtm.uz saytlariga joylashtirildi.

Oliy ta’lim muassasalari tomonidan o‘tkazilgan kasbiy (ijodiy) imtihonlarda ishtirok etgan talabgorlar o‘z natijalarini 4 xil usulda bilishlari mumkin:

my.dtm.uz saytining “O‘qishni ko‘chirish (xorijdan) Natijani olish“ bo‘limidan pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz saytining “O‘qishni ko‘chirish-2022” bo‘limi orqali talabgorning ID raqamini kiritgan holda.

Davlat test markazining quyidagi telegram botlariga talabgorning ID raqamini yuborgan holda (“O‘qishni ko‘chirish 2022” bo‘limidan):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

Talabgor ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-08-31 09:08:40 1991-yil 31-avgust kuni Oʻzbekiston Respublikasining Mustaqilligi eʼlon qilindi.

1991-yilning 1-sentabri esa har yili yurtimizda - Mustaqillik kuni sifatida nishonlanib kelinmoqda.

#Tarix #Mustaqillik Ochish/sharhlash

2022-08-30 18:52:52 Samarqandda Rudakiy haykali ochildi

Vatanimiz mustaqilligining 31 yilligi keng nishonlanayotgan shu kunlarda Samarqand shahrida fors-tojik adabiyotining asoschisi Abu Abdulloh Rudakiy haykalining tantanali ochilish marosimi o‘tkazildi.

Ushbu marosimda TATU Samarqand filiali direktori Z.A.Karshiyev rahbarligida filialning professor o‘qituvchilari ham faol ishtirok etishdi.

Samarqand shahrida turli yillarda bu ulug‘ adibning kichik haykal va byustlari bo‘lgan, ammo ular har xil sabablar bilan boshqa joyga ko‘chirilgan yoki o‘z munosib o‘rnini topmagan. Vaholanki, shaharda Rudakiy nomi bilan ataladigan katta ko‘cha bor, shuningdek, yana boshqa bir qator ob’yektlarga shoir nomi berilgan.

Mazkur majmuaning yaratilishi azaldan yaqin qo‘shni, qardosh bo‘lgan o‘zbek va tojik xalqlari o‘rtasidagi do‘stlik aloqalarini mustahkamlash, ikki xalq ijodkorlarining hamkorligini yanada kuchaytirishga xizmat qilishiga aminmiz.

TАTU Samarqand filiali
Аxborot xizmati Ochish/sharhlash

2022-08-30 13:36:17 #tanlov

Yoshlar ishlari agentligi tomonidan 18-30 yoshdagi o'z biznes g'oyasiga ega yoshlar uchun "Biznesga birinchi qadam" startap g'oyalari tanlovi

Talablar
— Tanlovda 18 yoshga to'lgan va 30 yoshdan oshmagan (shu yosh ham) yoshlar yakka tartibda yoki 5 kishidan ortiq bo'lmagan guruh shaklida ishtirok etishlari mumkin;
— Bitta ishtirokchi faqat bitta biznes g'oya bilan ishtirok eta oladi.

Foydali tomonlari
— Tanlov yakunlariga ko'ra, har bir tuman (shahar) kesimida eng yuqori ball to'plagan3 nafar ishtirokchi tanlov g'olibideb e'lon qilinadi va ularning har biriga BHMning (300 ming so'm)200 baravarigacha (60 mln so'm) grant mablag'lari ajratiladi.

Oxirgi muddat
05.09.2022

Batafsil
https://yoshlarportali.uz/uz/contests/74 Ochish/sharhlash

2022-08-30 13:05:09 #Qabul2022 #MatbuotAnjumani #Live
13 mingdan ziyod abituriyent qo‘shimcha qabul parametrlari doirasida talabalikka tavsiya etildi

Talabalikka tavsiya etilgan abituriyentlarning:

176 mingdan ziyodi — umumiy qabul parametrlari doirasida;
13 mingdan ziyodi — imtiyozga ega abituriyentlar uchun ajratilgan qo‘shimcha qabul parametrlari doirasida tavsiya etilgan.

Jumladan:

nogironligi bo‘lgan shaxslar — 3,2 ming nafar;
“Mehribonlik” uyi, Bolalar shaharchasi bitiruvchilari bo‘lgan hamda vasiylikka, homiylikka yoki oilaga tarbiyaga olingan (patronat) yetim bolalar — 272 nafar;
muddatli harbiy xizmatni o‘tab, harbiy qism qo‘mondonligining tavsiyanomasiga ega bo‘lganlar — 4,7 ming nafar;
harbiy xizmatchilarning farzandlari — 1,9 ming nafar;
Ichki ishlar organlarining amaldagi xodimlari farzandlari — 739 nafar;
ehtiyojmand oilalardagi xotin-qizlar — 1,9 ming nafar;
kamida 5 yil ish stajiga ega xotin-qizlar — 379 nafar.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-08-30 13:05:09 #Qabul2022 #MatbuotAnjumani #Live
2022-2023-o‘quv yili uchun 190 mingdan ziyod abituriyent talabalikka tavsiya etildi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari natijalariga ko‘ra 190 375 nafar abituriyent talabalikka tavsiya etildi. Shundan

39 962 nafari — davlat granti;
150 413 nafari — to‘lov-kontrakt asosida talabalikka tavsiya etilgan.

Talabalikka tavsiya etilgan abituriyentlarning ta’lim shakllari bo‘yicha taqsimoti:

Kunduzgi ta’lim shakli — 118 352 nafar;
Sirtqi ta’lim shakli — 45 407 nafar;
Kechki ta’lim shakli — 9 139 nafar;
Masofaviy ta’lim shakli — 3 416 nafar.

Tanlov natijalariga ko‘ra:

davlat granti asosida o‘rtacha ball — 121,2 ballni;
to‘lov-kontrakt asosida o‘rtacha ball — 95,9 ballni tashkil etdi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-08-30 10:46:13 #Биласизми

Тўлов-контракт асосида ўқиш учун таълим кредитларини ажратиш тартиби

Таълим кредитлари таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон фуқароси бўлган талабаларга берилади.

Бунда, кредит олувчининг доимий даромад манбаига эга оила аъзолари (ота-онаси, ака-укаси, опа-синглиси, эри ёки хотини) ёки васийлари биргаликда кредит олувчи сифатида қатнашиши мумкин.

Таълим кредитининг асосий қарзи талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.

Таълим кредитини олиш учун Молия вазирлигининг расмий веб-сайтида эълон қилинган тижорат банкларига қуйидаги ҳужжатлар тақдим этилади:

ариза;
тўлов-контракт шартномаси ва унга илова қилинадиган ҳисоб варақаси/фактураси (мавжуд бўлганда). Шартномада ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;
таълим кредити қайтарилишининг таъминоти бўйича ҳужжат. Бунда “Ижтимоий ҳимоя ягона реестри”га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;
“Ижтимоий ҳимоя ягона реестри”га киритилганлигини тасдиқловчи маълумотнома (“Ижтимоий ҳимоя ягона реестри”га киритилган оилалар фарзандлари учун);
биргаликда кредит олувчига тегишли маълумот.

Ҳужжатлар 5 иш кунида кўриб чиқилади.

Таълим кредити шартномаси тўлов-контракт шартномасида кўрсатилган бир йиллик тўлов суммасига тенг миқдордаги суммага тузилади.

Таълим кредити кредит олувчига Марказий банкнинг асосий ставкаси миқдорида ажратилади.

Бунда, Марказий банкнинг асосий ставкаси пасайтирилган тақдирда, таълим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таълим кредити бўйича фоиз ставкаси ўзгаришсиз қолади.

Мазкур тартиб:

чет эл фуқаролари ва фуқаролиги бўлмаган шахсларга;
тижорат банклари томонидан Жамғарма маблағларидан ташқари бошқа манбалар ҳисобидан бериладиган таълим кредитларига нисбатан татбиқ этилмайди.

Табақалаштирилган тўлов-контрактни ва унинг минимал миқдорига тенг бир марталик бошқа тўловларни амалга ошириш учун таълим кредити ажратилмайди.

Telegram sahifamiz @yiasamyosh Ochish/sharhlash

2022-08-30 08:59:35 Samarqand. 2022 yil. Yangi shahar, yangi tarix

«Qadimiy va navqiron Samarqand bag‘rida qad rostlagan mana shunday zamonaviy, ulug‘vor me’moriy majmua barchamizga, butun xalqimizga muborak bo‘lsin, buyursin!»

Bizni kuzatishni davom eting eng qiziq yangiliklar hali oldinda...

TАTU Samarqand filiali
Аxborot xizmati Ochish/sharhlash