Уйланишни ваъда қилиб, тўрт аёлнининг номига жами 165 миллион | The Delusional
Уйланишни ваъда қилиб, тўрт аёлнининг номига жами 165 миллион сўм кредит олиб уларни чув туширган фирибгарга суд ҳукми ўқилди
Sovchilar.uz ва Oila номли Telegram-каналларни юритиб келган 26 яшар йигит турмушга чиқиш ниятида бўлган қизларни алдаб келган. Жумладан, 4 нафар қизга уйланмоқчи эканини айтиб, уларни бунга ишонтирган.
Ўзини Тошкент молия институти битирувчиси, айни пайтда шахсий бизнесини бошлаган тадбиркор сифатида таништирган йигит қизларнинг ишончига кириш орқали уларнинг номига банклардан жами 165 млн сўм миқдорида кредит олишга эришади.
Жиноят ишлари бўйича Бектемир туман судининг ҳукми билан ЖКнинг 168-моддаси (фирибгарлик) 3-қисми "б" банди, 165-моддаси (товламачилик) 1-қисмида назарда тутилган жиноятларни содир қилган шахс 6 йил муддатга озодликдан маҳрум қилинди.
