2022-07-06 19:48:12
#Buyurtma_sher
#Xorazm_viloyati
#Ğiyosbek_Karimovga
Dadamsiz
Oʻzi yemay, bizga yedirgan,
Ohor kiymay, bizga kiydirgan.
Sevinchdan yasharib, bizni suydirgan,
Quvonchdan hapqirib, qoʻylar soʻydirgan.
Yomon kunda yonimda siz madadsiz,
Dunyolarga alishmagan dadamsiz.
Oliygohga kirishim orziqib kutgan,
Meni deb qancha dard alamni yutgan,
Chin doʻstni koʻrmadim otamdan boʻlak,
Boshqasi pul uchun, yor uchun sotgan.
Yomon kunda yonimda siz madadsiz,
Panohim, boshimda tojim dadamsiz.
Minnatli choydan qildingiz hazar,
Halol rizq terib, boqdingiz bizni.
Bugun bir oʻtmishga solingda nazar,
Nahot qutlamadik, ayyomla sizni.
Yomon kunda yonimda siz madadsiz,
Ollohim asragan inson dadamsiz.
Talabalik baxtidan sarmastman bugun,
Dehqon farzandiman, chin habibisiz.
Qalbizda zarracha yoʻq, hasad tugun,
Shirinsoʻz, qalbimiz chin tabibisiz.
Yomon kunda yonimda siz madadsiz,
Qiblagoh, Makkayu Kaʼbam dadamsiz.
Istagim onamla baxtiyor yuring,
Farzandiz davrida davronlar suring.
Duoga qoʻl ochib Hajlarga boring,
Farzandiz keltirilgan rahmatdan kuling.
Yomon kunda yonimda siz madadsiz,
Mehri ummon, qalbi daryo dadamsiz.
Ilhomjon Abdusalomov (Sayyad)
25.06.2022-yil.
Muallif sheʼrlari Intellektual mulk agentligi tomonidan himoyalangan.
26 viewsedited 16:48