Boshi sajda ko‘rmay o‘tgan odamlar Kun kelar bariga qiladi a | Rosululloh ﷺ Hayotlari🌙
Boshi sajda ko‘rmay o‘tgan odamlar
Kun kelar bariga qiladi afsus Olamga dunyosin qilganlar ko‘z ko‘z Allohim ulardan so‘rasa bir so‘z Vujudin qoplaydi dardu alamlar Boshi sajda ko‘rmay o‘tgan odamlar.
Ishq deya dunyoni qopladi zino Ishq emas faxsh uzra qurilgan bino Qiyomat kunidan kelar bir sado Eshiting qalblari qotgan odamlar Boshi sajda ko‘rmay o‘tgan odamlar.
Ixtiyor o‘zingda aql boshingda Boshing sajda ko‘rdimi ayni yoshingda Bir kun botar aniq chiqqan quyoshingda Qiyomat kun chekarsiz jabru alamlar Boshi sajda ko‘rmay o‘tgan odamlar.
Men ham oddiy quldirman Allohga asli Kimgadur iymon bersa bu uning fazli Gunohga qo‘l urmang bor aniq kasri Haq yo‘lda yuringiz bosib qadamlar Besh vaqt boshi sajdada turgan odamlar.