Sayidov's lesson

2022-07-20 21:10:44 • Ҳазрат Али розияллоҳу анҳу айтадилар:

Мен илм ўргатган кишининг қулидирман, истаса мени сотсин, истаса менга хизмат қилдирсин, истаса мени озод этсин.

• Ҳозирги кунда:

Пулини берганимдан кейин ўтади-да дарсни!
Нега саволга жавоб бермайсиз?
Сиз дарсингизни ўтинг, бўлди!

Устоз сенинг "каттахоланг" эмаслигини тушуниб етмагунингча, Аллоҳ сени илмнинг бир заррасидан ҳам насибадор қилмайди.

@mq_mulohaza Ochish/sharhlash

2022-07-08 13:32:38 #sarcasm

IELTS dan baland bal olsang, demak 16 yosh ekansan, nomli kitob yozilmoqda ...

@sayidovs_lesson Ochish/sharhlash

2022-06-08 08:27:25 Buni ko'rib dumalab qoldim. Bechora Keith o'ziyam bu ismni zo'rg'a talaffuz qildi

Paa-lovn

Ajoyib!

P/S: Videoda Keithning Speaking bo'yicha topic-related darslari ketmoqda

Siz ham eshitib ko'ring https://youtube.com/clip/UgkxZCPXqHFYul5rQhsLDMtyGhzjB6FSqTbP

@sayidovs_lesson Ochish/sharhlash

2022-06-05 18:08:28 ​​Qanday qilib audioning script'ini sifatli yozish mumkin?

Listening'ni rivojlantirish haqida gap ketganda, har doim avvalo eshitganingizni daftarga yozing, mana shu yo'l eng samarali va intensividir, deb takrorlayman. Lekin qizig'i uni qanday yozish haqida gapirmagan ekanman.

Ho'sh, unda boshladik. Jarayon 3 qadamda olib boriladi:

1- qadam - biror bir podcast yoki videoning 30 sekundlik qismini tanlab oling

2 - qadam - mana shu qismni shunchaki 2 marta qayta eshitib chiqing. Hech qanday yozishlarsiz, shunchaki o'zingizni gap nima haqida ketayotgani, mavzu bilan tanishtirish uchun eshiting.

3 - qadam - yozishni boshlang. Menimcha endi sizda oldin bo'lgan mayda muammolar bo'lmaydi. Ha aytgancha, albatta tekshirishni unutmang!

@sayidovs_lesson Ochish/sharhlash

2022-06-02 08:45:57 ​​ Ingliz tilini o'rganish jarayonida qanday qilib motivatsiyani ushlab turish mumkin? (2-usul)

2. Hech qachon o'zingizni boshqalar bilan taqqoslamang!

O'rganuvchilarning har birida vaziyat har xil bo'ladi. Kimdir tabiatan tez o'rganadi, kimdir esa tabiatan sekin o'rganuvchilar sirasiga kiradi. Ba'zilar ko'proq vaqtini o'rganish uchun sarflashadi, ba'zilar esa shundoq ham boshqa narsalarni ham o'qishi kerak yoki ishlashadi. Ba'zi o'rganuvchilar o'zlariga mos yaxshi ustoz topa olishadi, ba'zilarda esa bunday ustoz topish masalasi hamisha muammo bo'lib kelgan.

O'zingizni boshqalarga taqqoslashni bas qiling. Shunchaki individual progress (shaxsiy rivojlanish) ga e'tibor qarating.

@sayidovs_lesson Ochish/sharhlash

2022-06-02 03:55:56 ​​ Ingliz tilini o'rganishda sizga "kattaxolangiz" ham yordam berolmayaptimi?

Xo'sh, menimcha sizda jiddiy muammo bor. O'quvchilar turli xil bo'ladi. Kimdir mustaqil o'qiy oladi, kimdir uchun esa ortidan "tirab" turadigan ustoz kerak. Agar siz o'zingizdan yoki ustozingizdan qoniqmayotgan bo'lsangiz, o'qish usulingizni almashtirishni maslahat beraman. Demak, bugun biz sizlar bilan SELF-STUDY ning afzal va yomon tomonlari haqida gaplashamiz!

Afzalliklari:

- Hamma narsa o'zingizga bog'liq, xohlagan tezligingizda, xohlagan metodingiz orqali, xohlagan materialingizdan o'rgana olasiz

- O'qituvchi uchun haq to'lamaysiz

- Tayinlangan vaqt va joy bo'lmaydi, ya'ni siz vaqt sarflab biror joyga borishingiz shart emas, hammasi online tayyor

- O'qish sizga arzonga yoki umuman tekinga tushadi

Yomon taraflari:

- Intizom bo'lmaydi

- Yuzma-yuz muloqot bo'lmaydi

- Moslashuvchanlik kam bo'ladi

- Ustozdan maslahatlar olish imkoniyati kam bo'ladi

- Rivojlanish sekin kechadi (nisbatan)

Lekin bu yerda ko'p narsa o'zingizga bog'liq. Yuqoridagi qoidalar hammaga ham to'g'ri kelavermaydi. Kimdir o'zini yaxshi boshqara oladi va intizomga egaligi sababli self-study dan samarali tarzda foydalana oladi. Kimdir esa hamisha yordamga muhtoj, to'g'ri yo'l va zarur paytda to'g'ri maslahatga muhtoj.

Siz intizomlimisiz?

@sayidovs_lesson Ochish/sharhlash

2022-06-01 11:41:59 ​​ Ingliz tilini o'rganishda motivatsiyani yo'qotmaslikning 10 ta usuli (1-usul)

1. O'zingizni rag'batlantiring - sizning ingliz tili darajangiz o'ylaganingizdan ko'ra yaxshiroq! Afsuski juda ko'p o'rganuvchilarda o'zlarining darajalari, imkoniyatlari xususida salbiy qarashlar bor. Masalan:

- Men ingliz tilida juda ko'p xatolar qilaman
- Gapirishga qo'rqaman, chunki boshqalar meni tushunmasligi mumkin
- Ko'p yillardan buyon o'qiyapman, lekin hali ham rivojlanmadim

Sizga vijdonan aytishim mumkinki, sizning darajangiz siz o'ylagandan ko'ra yaxshiroq. Ustoz bo'lib ishlayotganimdan beri ko'p o'quvchilar bilan suhbatlashdim. Ba'zi Elementary guruhdagi o'quvchilarim Pre-IELTS dagi o'quvchilarim bilan bemalol tenglasha olishardi. To'g'ri, hali rivojlanishingiz kerak, lekin o'zingizni cho'ktirmang.

Agar siz o'zingizga nisbatan past baho berishga o'rganib qolgan bo'lsangiz, bu negativ o'ylarni nima qila olmasligingizga emas, nima qila olishingizga e'tibor qaratib bartaraf qiling!

@sayidovs_lesson Ochish/sharhlash

2022-06-01 06:39:15 Qanday qilib lug'atni samarali va zerikmasdan yodlash mumkin?

- Ko'p o'quvchilar lug'atni qanday yodlash haqida hamisha savol berib kelishadi. Oddiygina daftarga yozib takrorlashadi, mnemonikadan foydalanishadi va hokazolar. Lekin bir narsa aniqki, IELTS ga tayyorlanayotgan o'quvchilarning 80 % dan oshig'ining muammosi bu qanday qilib so'z yodlashni bilmasligidir!

Quyida men sizga o'z shaxsiy tajribamni bo'lishmoqchiman. Avval hech narsa qilmasdan valdirash niyatim yo'q, shuning uchun ishlatib ko'rgan usullarim haqida gapiraman. 1 yil avval Pre-IELTS ga tayyorlanayotgan paytimda 2 soat ichida 200 ta so'zni aktiv tarzda eslab qolgan edim (1 soatda 300 ta so'z yodlaydigan "megamiya" emasman). Lekin qizig'i keyin dars qilgim kelmay qolgan. Sababi - bir vaqtda kuchli bosim bo'lganidir. Shuning uchun sizga ham bir kunda o'rtacha 20-30 ta so'z yodlashni maslahat beraman va eng muhim jihati davomiy (consistent) bo'lsin.

Xo'sh, men endi sizga qanday yodlashni o'rgataman. Play Marketda FlashCards nomli ajoyib va foydali ilova bor. Unda avvalo SET (to'plam) yaratib olasiz va keyin so'zlarni kiritishni boshlaysiz. Iloji boricha, so'z va uning definition (izohi) ni yozishni tavsiya qilaman, chunki inglizcha - o'zbekcha tarzda yodlash siz o'ylaganchalik samarali emas. E'tiborli jihati, agar siz dasturga akkaunt ochib qo'ysangiz, xohlagan payt SET larni share (ulasha) olasiz. Shaxsan o'zim so'zlarni yozib chiqardim va akkauntimni o'quvchilarimga berardim. Ular ham mening akkauntim orqali ro'yxatdan o'tib, mazza qilib so'z yodlashardi!

Dasturni yuklab olish

@sayidovs_lesson Ochish/sharhlash

2022-05-18 16:07:19 Listening dan 8,5 olish uchun nima qilish kerak?

Bugungi videoda mana shu savolga javob berib o'tdim.

* ha aytgancha menda rostan ham Listening 8,5 bor

@registan_academy jamoasiga alohida tashakkur

Ko'rib foyda oling va do'stlaringizga ulashing!

@sayidovs_lesson Ochish/sharhlash

2022-05-17 07:08:32 Gʻoyibona akam Muhammad Aliga

Assalom alaykum hozirda juda koʻp ta'na va toshlar ichida qolayotgan Muhammad Ali aka Eshonqulov!

Oʻzbek YouTube, Facebook, Telegram segmentlarida boʻlayotgan muhokamali vaziyatlardan xabarim bor va ularga hech qanday munosabat bildirishni xohlamayman, chunki ilmim juda oz.

Men shunchaki sizga katta rahmat aytmoqchiman. Menga birinchi boʻlib inson hayotida dunyoviy ilmning ham ahamiyati katta ekanligini, dunyoga shunchaki katta uy qurib, qimmat mashina olib choʻchqadek yashash uchun emas, ummatga tariqdek boʻlsa ham foyda keltirish uchun kelganimizni, ota-onamizni hali koʻp xizmatlarini qilishimiz kerakligini va yana juda koʻp masalalarni aytganingiz uchun!

Bilmadim, sizning nimangiz ularga yoqmadi?! Lekin shuni bilamanki, siz koʻplab ijtimoiy tarmoqda umrini sassib oʻtkazayotgan yoshlar uchun goʻzal oʻrnak boʻldingiz!

Agar siz bilan koʻrishib qolsam, qattiq quchib rahmat aytib qoʻygim bor. Inshaalloh men siz uchun Qiyomatda Mahshar maydonida foydangiz uchun guvohlik beraman! Alloh oʻzi rozi boʻlsin sizdan.

Gʻoyibona ukangiz, Muhammadqodir Sayidov

@mq_mulohaza Ochish/sharhlash