Ассалому алайкум шайх ҳазратлари! Қуръони Каримнинг «Оли Имрон» сурасидаги ушбу : «7. У сенга китобни туширган зотдир. Унда муҳкам оятлар ҳам бор ва улар китобнинг аслидир ва муташобиҳ (оят)лар ҳам бор. Қалбларида ҳидоятдан оғиш борлар фитна мақсадида ва уни таъвил қилиш мақсадида ундан муташобиҳ бўлганига эргашади. Унинг таъвилини Аллоҳдан бошқа ҳеч ким билмас. Илмда собит бўлганлар эса, унга иймон келтирдик, барчаси Раббимиз ҳузридандир, дерлар. Ва фақат ақл эгаларигина эслайдилар.» Оятни қандоқ тушунсак бўлади? Бундан «Муташобиҳ» оятларни шу пайтгача таъвийил қилинганлари ичида умуман тўғриси йўқ ва бундан кейин ҳам бўлмайди деб тушуниш керакми, ёки тўғриси бор фақат Аллоҳдан ўзга ҳеч ким билмайди дебми? Умуман бу саволни «Унинг таъвилини Аллоҳдан бошқа ҳеч ким билмас» деган жумлада иккиланганим учун беряпман.Жавобингиз учун олдиндан раҳмат. Аллоҳ сизни ушбу ишларингиздан рози бўлсин.
