Savod gullaganda

2021-06-26 19:42:14 Joy nomlari va ularning imlosi

1-qoida. Ma’lum bir geografik hududga atab qo‘yilgan nomlar joy nomlari hisoblanadi. Mamlakat, o‘lka, nomlari qo‘shma so‘z shaklida bo‘lganda, tarkibidagi har bir so‘z bosh harf bilan yoziladi.

Masalan: O‘zbekiston Respublikasi, Amerika Qo‘shma Shtatlari, Janubiy Koreya, Markaziy Osiyo kabilar.

2-qoida. Tarkibida bo‘yi, orti, oldi so‘zlari ishtirok etgan joy nomlari qo‘shib yoziladi.

Masalan: Kavkazorti, Orolbo‘yi, tog‘oldi kabilar.

Obuna bo‘ling:
@savodgullaganda Ochish/sharhlash

2021-06-20 09:51:22 Tashkilot, korxona, muassasa nomlari

1-qoida. Xalqaro tashkilot, oliy davlat tashkilotlari va mansablarining nomlari tarkibidagi har bir so'z bosh harf bilan yoziladi.

Masalan: Birlashgan Millatlar Tashkiloti, Osiyo Taraqqiyot Banki, Xalqaro Olimpiya Qo‘mitasi, Vazirlar Mahkamasi, Oliy Majlis kabilar.

2-qoida. Vazirliklar, idoralar, tashkilotlar va korxonalar nomi tarkibidagi birinchi so'z bosh harf bilan yoziladi.

Masalan: Sog‘liqni saqlash vazirligi, Xalq ta'limi vazirligi, Oliy xo‘jalik sudi, Yoshlar ittifoqi, Buxoro viloyati hokimligi, Samarqand chinni zavodi, Temuriylar tarixi davlat muzeyi, Guliston davlat universitet, Davlat test markazi kabilar.

3-qoida. Turli korxonalar, mahsulotlar, inshootlar, transport vositalari kabilarga berilgan shartli nomlar qo‘shtirnoq ichida bosh harf bilan (birikmali holatlarda faqat birinchi so‘z) yoziladi.

Masalan: «O‘qituvchi» nashriyoti, «Umid» firmasi, «Turkiston» saroyi, «Lazzat» oshxonasi kabilar.

Obuna bo‘ling:
@savodgullaganda Ochish/sharhlash