Коллагенни кимлар ичиши керак ва нима учун? Коллаген — органи | Biologiya, masofaviy ta'lim

Коллагенни кимлар ичиши керак ва нима учун?

Коллаген — организм учун муҳим оқсил бўлиб, у бириктирувчи тўқималарнинг шаклланишида иштирок этади.

Тузилишидан пружинкага ўхшайди. Ёш ўтиши билан бу "пружиналар" қисқаради ёки парчаланади, бу эса ажинлар, бўғим касалликлари, сочлар, тирноқлар, пайлар ва ҳ.к. ҳолатини ёмонлашишига олиб келади.

Коллаген етишмовчилигида ёш омили ҳар доим ҳам муҳим роль ўйнамайди. Коллаген толалари кўп миқдордаги глюкоза таъсирида ҳамда С витамини етишмовчилигида ҳам парчаланади.

Глюкоза коллаген толалари билан бирлашади, торайтиради ва кейин уларни парчалайди. Бу жараён "гликация" деб аталади. Шунинг учун ёш тери учун шакарни истеъмол қилишни чеклаш мақсадга мувофиқдир. С витаминининг етишмаслиги ташқаридан келадиган ва организм томонидан ишлаб чиқарилган ушбу оқсилни оддийгина сўрилмаслигига, синтез қилинмаслигига олиб келади. Шунингдек доимий стресс, ёмон одатлар, гормонал бузилишлар ҳам сабаб бўлиши мумкин.

Коллаген БАДларини камида 30 ёшдан кейин ичиш кераклигини эслатиб ўтмоқчиман ва шу билан бирга коллагенни эрталаб, нонуштадан аввал, витамин С билан ичиш тавсия қилинади.