РАМАЗОН ҲАЙИТИ МУБОРАК!
Аллоҳ деб бўзлаган қалблар таянчи,
Имондан ёришган кўзлар ишончи,
Рўзадан покланган диллар қувончи,
Рамазон ҳайити муборак бўлсин.
Қуръоннинг илоҳий нурила қониб,
Ғийбатдан, гуноҳдан, лаъиндан тониб,
Шу кунга етганлар юзлари ёниб,
Рамазон ҳайити муборак бўлсин.
Аллоҳ деб саждага бошин қўйганлар,
Тилида, дилида Ҳақни суйганлар,
Қалбида эзгулик ҳиссин туйганлар,
Рамазон ҳайити муборак бўлсин.
Сиз борсиз улуғдир инсон деган ном,
Зулматга чекингай шумлигу ғирром,
Сиз билан гўзалдир дунё ҳам мудом,
Рамазон ҳайити муборак бўлсин.
ХУРШИД КАРИМ.
Kanalimizga obuna bo'ling!
https://t.me/joinchat/AAAAAEms7ALOZpVxIIBGig
