МЕҲНАТИ УЧУН ВАСИЯТ #қисқа_савол_жавоблар CАВОЛ: Агар бир на | Sammuslim.uz

МЕҲНАТИ УЧУН ВАСИЯТ
#қисқа_савол_жавоблар

CАВОЛ: Агар бир насроний киши мусулмон одамга қилган меҳнати учун унга молидан васият қилиб қолдирса, мусулмон учун ҳалолми?

ЖАВОБ: Бисмиллаҳир Роҳманир Роҳим.
Тўрт мазҳаб уламоларининг иттифоқига кўра, мусулмон киши ғайридин кишининг васият қилган молини қабул қилиб олиши жоиз. Бу худди ғайридиннинг совғасини қабул қилишга ўхшайди (“Ал-Муғний” китоби).

Лекин ғайридин яқин қариндош томонидан мерос қолган молни олиши жоизмас. Чунки пайғамбаримиз алайҳиссалом ўзларининг ҳадисларида:

لا يرث المسلم الكافر ولا الكافر المسلم

“Мусулмон кофирдан мерос олмайди, кофир мусулмондан”, деганлар (Муттафақун алайҳ). Валлоҳу аълам.

Ўзбекистон мусулмонлари идораси
Фатво маркази.

•┈┈•┈┈•⊰✿ ✿⊱•┈┈•┈┈•
Каналимизга обуна бўлишни унутманг!
https://t.me/+Q4uh0ibnBohVmxWL

Telegram l Instagram l Facebook l You Tube