2022-08-27 05:17:57
ЭКОЛОГИЯ ВА ЭКОЛОГИК ОНГ...
Экология Ватан, уй-жой ҳақидаги таълимот бўлиб, тирик организмларнинг ўзаро ва теварак-атрофдаги муҳит билан боғлиқ муносабатини ифодалайдиган тушунча. Тирик организм таркибида инсон асосий ўринга эга, чунки ақл ва тафаккур қиладиган жонзот, айнан шу.
* * *
Экологияни соддароқ талқин қиладиган бўлсак,
инсоннинг табиат, атроф-муҳит билан ўзаро муносабатларини ифода этадиган ва ушбу муносабатларни ўрганадиган фан, таълимот, деб баҳолаш мумкин.
* * *
Инсонлар билан табиат ўртасидаги муносабатларнинг бузилиши
экологик ҳалокатга олиб келади. Инсон кўп нарсага қодир, аммо глобал экологик ҳалоқатнинг олдини олиши қийин. Шу туфайли экологик ҳалокат – бу даҳшат эканлигини англаш қийин эмас.
* * *
Экологик вазиятни асраш кераклигини тушуниш бу –
экологик саводхонлик дейилади. Агар шу онг билан экологияни асрашга амал қилсак – бу
экологик маданиятга киради.
* * *
Экологик маданиятни амалга ошириш учун инсонда
экологик онг шаклланган бўлиши лозим. Бу онг
экологик вазиятни бошқаришга қаратилади. Бироқ, одамлар экологик вазиятни сақлашга, айрим ҳолатларни ўнглашга нечоғлиқ масъулият билан ёндошмоқда. Бунга катта масъулият шаклланган бўлиши лозим. Аммо ушбу масалалар бўйича аҳолимиз нечоғлиқ тайёр.
* * *
Инсон билан табиат ўртасидаги муносабатларни йўлга қўйиш учун одамларда катта масъулият шаклланган ва унга амал қиладиган бўлиши лозим. Инсон ҳам табиатнинг бир бўлаги, табиатни асрайдиганлар, ўзларини асраганга қиёс қилиш мумкин. Шундай руҳият шаклланган ҳолатда табиатни асрайдиган бўлса, бундайлардан
комил инсонлар шаклланади.
* * *
Комил инсонлар
азиз ва мукаррам бўлади. Булар
икки дунё саодатига муяссар бўлган инсонлардир. Мана шундай ишларни амалга ошириш инсоният учун нафақат бугуннинг иши, балки
боқий, абадиятга дахлдор ишлардандир.
* * *
Мамаюнус Пардаев ҳикматларидан
┈•┈•❁✿❁•┈•┈
1.6K viewsBotir Erkinov, 02:17
S
