2023-01-07 11:04:03
Юзимни ювмоқда дурдай томчилар,
Юракка соғинчнинг тиғи санчилар.
Қутлуғ сафар олдида турган ҳожилар,
Мендан салом етказинг Расулуллоҳга.
Саодат шаҳрига етса қадамлар,
Макканинг ҳидлари уфурган дамлар,
Набийнинг юртига борган одамлар,
Мендан салом етказинг Расулуллоҳга.
Мийқотда покланиб эҳром кийсангиз,
Кўкдаги фаришта мисол юрсангиз,
Омонат гапимни эслаб қўйсангиз,
Мендан салом етказинг Расулуллоҳга.
Мино водийсида бедор кечада,
Дуолар, тавбалар қабул кечада,
Ҳар битта гўшада, ҳар бир кўчада,
Мендан салом етказинг Расулуллоҳга......
Мадина, шубҳасиз, Нурафшон шаҳар,
Ҳатто тушларимда ўзига тортар,
У ерда Набийнинг ўзлари ётар,
Мендан салом етказинг Расулуллоҳга.
Набийнинг излари тушган кўчалар,
минг бор зиёратга арзир қанчалар,
Ўша кўчаларда юрган,ҳожилар,
Мендан салом етказинг Расулуллоҳга.
Қисматда не бўлса барига кўндим,
Ҳажнинг орзусила яшайди кўнглим,
Мен шу орзу билан топсамда ўлим,
Мендан салом етказинг Расулуллоҳга.
Умму Амина
3.2K viewsSaminam Butik, 08:04