“Жартепа' чегара божхона постида фуқаролар ва транспорт восита | Samarqand yoshlari
“Жартепа" чегара божхона постида фуқаролар ва транспорт воситалари ҳаракатланишига вақтинчалик чеклов ўрнатилди
Ўзбекистон Республикаси Президентининг 2022 йил 27 апрелдаги “Божхона маъмуриятчилигини янада такомиллаштиришга доир қўшимча чора-тадбирлар тўғрисида”ги ПФ-122-сон Фармонига мувофиқ, йўловчиларга янада қулайлик яратиш мақсадида “Жартепа" чегара божхона постида жойлашган биноларни капитал таъмирлаш ва ҳудудда ободонлаштириш ишлари олиб борилаётганлиги сабабли,
2022 йилнинг 5-16 сентябрь кунлари мазкур божхона пости орқали фуқаролар ва транспорт воситаларининг ҳаракатланишларига вақтинчалик чеклов жорий этилди.
Мазкур чеклов қуйидаги ҳолатларда тадбиқ этилмайди:
дипломатик ва халқаро ташкилотлар ходимларига; расмий (ҳукумат) делегациялар таркибига кирувчи шахсларга; республикамизда инвестиция лойиҳалари доирасида фаолият юритиб келаётган хорижий ташкилотлар ходимларига; халқаро юк ташиш билан шуғулланувчи ҳайдовчиларга; мамлакатимизда доимий яшовчи чет эл фуқаролари ва фуқаролиги бўлмаган шахсларга; Тожикистон давлатида доимий яшовчи Ўзбекистон фуқароларига; ўз юртига қайтаётган Ўзбекистон ва Тожикистон фуқароларига; Тожикистонга кетаётган учинчи давлат фуқароларига.
Bizni ijtimoiy tarmoqlarda kuzatib boring: @samarqandyoshlari_uz
Ushbu kanal "Samarqand yoshlari" gazetasining rasmiy sahifasi bo'lib, unda jamiyatimizda yuz berayotgan voqea-hodisalar, xususan yoshlar masalalariga oid barcha ma'lumot va yangiliklar berib boriladi....