2022-10-05 15:13:01
Toyloq “Xalq banki” boshqaruvchisi ishni xodimlarni “qirish”dan boshladiOʻn kuncha avval filial boshqaruvchisi etib tayinlangan Hasan Rahimov ishning ilk kunidan xodimlardan yoppasiga ishdan boʻshash toʻgʻrisida ariza talab qilgan.
Bank xodimlari avvaliga rahbarning bu xatti-harakati noqonuniy ekanligini aytib, e’tiroz bildirishgan. Rahimov mobodo xodimlar biror joyga arz qilishsa, ishdan boʻshatilish bilan qoʻrqitilgan. Bank boshqaruvchisi yuqori lavozimlarda ishlab kelganini pesh qilib, Prezident administratsiyasiga ham ta’sir oʻtkaza olishini aytgan. Bankirlar yil va sanalarsiz ariza yozishdan tashqari, korrupsiyaga yoʻl qoʻymaslik boʻyicha shundoq ham kafolat xati berishgan.
Darvoqe, bankning oʻndan ortiq xodimlari Кун.уз ofisiga kelgan paytda soat 16.00 edi. Ular vaziyatni ishdan koʻngillari sovigani va allaqachon arizalari olingan boʻlib, ishga borishdan mantiq yoʻqligi bilan izohlashdi.
Filial boshqaruvchisi Hasan Rahimov bilan telefon orqali bogʻlandik. U xodimlarning arizasini olish bu shunchaki ularni qoʻrqitib qoʻyish uchun qilingan “amaliyot” ekanini ma’lum qildi. Maqsad ishni tartibga olish ekan. “Ular yozib bergan arizalarni tashlab ham yubordim”, - dedi Rahimov.
Rahimov allaqachon ikki xodimni ishdan boʻshatgani aytilmoqda.
“Xalq banki” Toyloq filiali boshqaruvchisining xatti-harakatiga yuqori turuvchi tashkilotlardan munosabat kutib qolamiz.
Kanalga ulaning
@Samarqand_Urgut_kanali
454 views12:13
U
