Самарқандда сохта «банк оператори» иккита аёл номига 54 млн сўмлик онлайн кредит расмийлаштирдиСохта ҳавола юбориш орқали шахсий маълумотларга эга бўлган «оператор» олиб борилган тезкор-қидирув тадбирлари натижасида, ушбу жиноятни Самарқанд вилоятининг Иштихон туманида яшовчи муқаддам судланган, 28 ёшли А.Ш. содир этгани аниқланган. У икки нафар аёл — У.О. ҳамда Б.Х.ларга қўнғироқ қилиб, ўзини банк оператори сифатида таништирган. СМС хабарнома (сохта ҳавола) юбориш орқали аёлларнинг шахсий маълумотларига эга бўлган A.Ш. уларнинг номига онлайн равишда 27 миллион сўмдан жами 54 миллион сўм миқдорида онлайн кредит расмийлаштириб, ўша вақтнинг ўзида пулларни ўзининг банк пластик картасига ўтказиб олган.
Ҳолат юзасидан Жиноят кодексининг 168-моддаси 3-қисми «б» банди билан жиноят иши қўзғатилиб, А.Ш.нинг содир этилиб, фош этилмай қолган бошқа шу турдаги жиноятларга алоқадорлигини текшириш юзасидан тезкор-суриштирув ишлари олиб борилмоқда.
#ТАРҚАТИНГ
САМАРҚАНДЛИКЛАРГА АЪЗО БЎЛИНГ!
➥https://t.me/+qsQUySt2I9A3YzIx