Mamadaliyev Samandarbek she'rlari

2023-03-30 03:10:38

Ochish/sharhlash

2023-03-28 20:33:34 Ayt-chi bizlar nima qilyapmiz,
Tong sahardan xuftonga qadar.
Yoʻllar uzra umr oʻtyapti,
Umr oʻtar safarma-safar.

Yonmoq yoqar muzlagan jonga,
Zabonlarim bahs etar soʻzdan.
Yurak ranjir tuygʻularidan,
Aql tinmay arz etar oʻzdan.

Men befarqman... Har doimgiday,
Urush, janjal ruhiyatimda...
Sarson kezar yoʻl topolmasdan
Yurak qurgʻur tinmay ichimda. Ochish/sharhlash

2023-03-27 03:14:43 Ayrilish

Intiq kutdim yoʻllaringizni,
Har soniya jabrdir jonga.
Hoʻrsindingiz, qayrildingiz, soʻng,
Siz ketdingiz oʻzga tomonga.

Yillar aro intiq kutdim men,
Tokay shu kun kelarmi, deya.
Unga zor-u, intiqlanganim,
Bir kun kelib bilarmi deya.

Oʻtib ketdi oradan yillar,
Oʻtdi bari, hijronlari ham.
Oʻtib ketdi, oʻzga manzillar,
Oʻtdi oʻzga tomonlari ham.

Siz bilan men toʻqnash keldik soʻng,
Hayajonlar inmadi jonga.
Siz qoldingiz menga termulib,
Men-chi, ketdim oʻzga tomonga...

26.03.2023 Ochish/sharhlash

2023-03-20 22:40:21 Hislarimni oʻyin qildingiz...
Sizga atab qancha she'r bitdim.
Koʻnglimni chin sovutdingiz, soʻng...
Sizdan koʻngil uzdim-u KETDIM.

Makon etdim dala-dashtlarni,
Kunlar oʻtdi, oqshomlar oʻtdi.
Dardimga dard ulanaverdi,
Orzular-u armonlar oʻtdi.

Oʻtdi hijron eh, jon-jonimdan,
Netay, taqdir, peshonam shudir.
Parishonman... Tunlari bedor
Gʻaflat qaygʻu... Gʻaflat uyqudir.

Eslayverib dilim boʻldi gʻash,
To tonggacha siz deb she'r bitdim.
Ne sababdan tark etdim sizni...
Nega koʻngil uzdim-u ketdim?! Ochish/sharhlash

2023-03-20 21:22:19 Yoʻq qilib yubor!

Yozgʻiriqni his etdi qalbim,
His etdi-yu ezilib ketdi.
Seni oʻylab yuragim yondi...
Halovatim buzilib ketdi...!

Xotirimni boshqarolmadim,
Neni yoddan chiqardim bexos.
Meni hijron aro qiynama,
Kel, yaxshisi sochlaringga os.

Yuragingga qamab qoʻy mayli,
Aybim koʻpdir, gunohim koʻpdir.
Oʻrtanishim, yonmogʻim serob...
Faryodlarim... Oh-vohim koʻpdir.

Yonmoq istar bu ado yurak,
Qurit, qaqshat choʻl qilib yubor.
Sendan oʻzga sevilmasin hech,
Yuragimni kul qilib yubor!
Begonalar kirolmasin hech...
Yuragimni yoʻq qilib yubor!

Mamadaliyev Samandarbek

@dil_chizgilarim Ochish/sharhlash

2023-03-18 19:14:30 Jim qoldim

Koʻzing tushib qolsa kunchiqar tomon,
Senga qarab turgan koʻzlarni esla...
Mening tomonimdan she'rga aylanib,
Sha'ningga bitilgan soʻzlarni esla...

Esla, yuragingni yoqqan dardlarni,
Kutib yashaganing, visolga intiq.
Sendan kutmagandim... Aytmaysan deya,
Ammo sen soʻzlading: Yuragimdan chiq!

Boshim olib ketdim indamay,
Shundan buyon makonsiz qoldim.
Qolaman deb ayta olmadim...
Soʻzsiz qoldim, zabonsiz qoldim!

Men jim qoldim... Ochish/sharhlash

2023-03-18 19:05:22 "Talaba bahori" degan bellashuv boʻldi... Ochish/sharhlash

2023-03-15 15:07:08 Biz yutdik Ochish/sharhlash

2023-03-15 15:06:45 Biz yutdik Ochish/sharhlash

2023-03-10 06:07:42 Ochish/sharhlash