Саломат бўлинг! | Расмий канал

2022-08-03 18:42:31 Зиранинг фойдаси


Доривор сифатида асосан июлда териб олинган зира уруғи фойдаланилади.

Уруғи ичакда ел-газ ҳайдовчи, сут кўпайтирувчи, микробларга қарши курашувчи, гижжа ҳайдовчи хухусиятларга эга. Зиравор ичакда овқат чиришида иштирок этиб, овқат ҳазм қилишни яхшилайди,.

Бронхит дардида зира, укроп, арпабадён, кашнич уруғлари тенг миқдорда олиниб, майдаланали. Икки стакан қайноқ сувга ундан бир ош қошиқ солиб,оловда 2 дақиқа дамланади. Қайнатмадан кунига бир маҳал 2 ош қошиқдан ичилади.

Ич қотганда икки ош қошиқ зирага бир стакан қайноқ сув қуйиб, 15 дақиқа қайнаб турган сувли идишда дамланиб, сўнгра олов ўчирилиб, яна 45 дақиқа ушланади. Дамламадан ярим сткандан 2 маҳал овқатдан кейин ичилади.

Қоринда газ йиғилганда зира уруғидан бир ош қошиқ олиниб, бир стакан қайноқ сувга солниб, паст оловда 30 дақиқа ушланади.Сўнгра докада сузиб олинади. Дамламани катталар бир ош кошиқдан 2-3 маҳал, болалар бир чой қошиқдан 2-3 марта ичишади.

@salomatlik_official Ochish/sharhlash

2022-08-03 06:23:17 Зайтун ёғининг тери ва тирноқларга таъсири

Зайтун мойи барча аъзо ва тизимларга фойдали таъсир кўрсатади, бу ҳақида биз аввал мукаммал хабар бергандик.

Бугунги маслаҳатимиз эса соч, тери ва тирноқларга дахлдор бўлиб, уларни гўзаллаштириш, майинлаштириш ҳақида маслаҳат берамиз.

Cоч, тирноқ ўсишига ижобий таъсир кўрсатади, сочларни мустаҳкам, эгилувчан қилади. Бунинг учун зайтун ёғини истеъмол қилиш билан бирга сочларга суртиш керак. Унинг ёғини исътемол қилиш ўта қуруқ терини мулойимлаштиради, овозни майинлаштиради, тишни, милкни мустаҳкамлайди.

Зайтун мойини ичиш тартиби: 1-2 чой қошиқни ичиш энг самарали ҳисобланади. Овқатдан 30 дақиқа олдин бир стакан илиқ сув билан оч қоринга ичилади. Бир ой ичида сиз жуда ёқимли ўзгаришларни ҳис қиласиз.

@salomatlik_official Ochish/sharhlash

2022-08-02 18:50:24 Мия учун энг яхши озуқа

Америкалик диетологлар 27 йил давомида 13 минг киши устида кузатув олиб боришди. Тадқиқотдан мақсад парҳез ва ақлий фаолиятнинг бир-бирига боғлиқлигини ўрганиш эди.

Кишилардаги диққат-эътибор, фаҳм-фаросат тезкорлиги ва эслаб қолиш салоҳиятлари кўзда тутилган ҳолда тест ўтказилган эди. Аниқланишича, мия учун энг яхши “озуқа” бу – кўкатлар ва карам экан. Айнан ушбу неъматлар таркибида витаминлар, антиоксидантлар ва фолий кислота кўп бўлиб, бу хотиранинг пасайиши ва Альцгеймер (паришонхотирлик) хасталиги ривожланишининг олдини олишда беназир воситалардан ҳисобланади. Зеро, аллома Абу Али ибн Сино дастурхонда кўкатлар бўлишининг серҳикмат эканлигини мозийдаёқ уқтирганлиги бежиз эмас.

@salomatlik_official Ochish/sharhlash

2022-08-02 06:24:17 Қазғоқ — кишилар дунё бўйлаб энг кўп дуч келадиган инсон вужудидаги кемтикликдир. Бунинг сабаби танамиздаги бирон ички фаолиятнинг бузилишидандир. Шундай экан, аввал унинг келиб чиқиш сабабини аниқлаб, даволаган маъқул. Қуйида ҳар бир уйда топиладиган маҳсулотлар ёрдамида тайёрланадиган қазғоққа қарши халқона муолажаларни тавсия қиламиз.

Табиий олма ёки узум сиркаси. Сирка замбуруғ ва зарарли бактерияларни ўлдиради. Бундан ташқари у қичишишни ҳам йўқотади. Бунинг учун уқаловчи ҳаракатлар билан сув қўшилган сиркани бош терисига суртасиз ва 30-40 дақиқадан сўнг шампун билан ювиб ташлайсиз.

Лимон шарбати. Қазғоқнинг пайдо бўлишига яна бир сабаб — бош терисида кислоталик даражасининг бузилишидир. Лимон шарбати эса ушбу муҳитни тиклайди. Малҳам тайёрлаш: Бир ош қошиқ лимон шарбатига 5 ош қошиқ исталган шифобахш ёғ (бодом, зайтун, писта) қўшиб, бош терисига суртилади. Ўттиз дақиқадан сўнг ювиб ташланади.

@salomatlik_official Ochish/sharhlash

2022-08-01 17:27:27 АҚШнинг Шимолий Каролина университетида фаолият олиб борувчи тадқиқотчилар изланишлари натижасида тетиклаштирувчи хусусиятга эга бўлган энг кучли мевани аниқладилар.

Тадқиқот давомида кўнгилли велопойгачилар икки гуруҳга ажратилди ва бирига махсус спорт ичимликлари, иккинчисига эса оддий бананлар берилди. Натижада банан ҳар қандай қувватбахш ичимликлардан кучлироқ таъсирга эга эканлигини аниқлашди.

Мева ўз таркибида юқори миқдордаги клетчатка, калий, В 6 гуруҳидаги витаминлар ва антиоксидантларни сақлайди.

Бундан ташқари бананлар таркибида фойдали шакарлар (сахароза, фруктоза, глюкоза) ҳам мавжуд бўлиб, улар ҳеч қандай зиёнсиз организм тонусини оширади.

@salomatlik_official Ochish/sharhlash

2022-08-01 07:40:20 Анор

Абу Али ибн Сино анор пўстини қон тупирганда, милк қонаганда, меъда касалликлари (ич кетиш, қон аралаш ич кетиш)да, сийдик ҳайдаш, тиш-милкни мустаҳкамлашда, яраларни ва бошқа касалликларни даволашда ишлатган.

Халқ табобатида анор пўстлоғи, меваси, мева пўсти, гули истисқо (водянка), қўтир, йўтал, ич кетиши, дизентерия, сариқ касалликларида ва қон тўхтатувчи, сийдик, гижжа ҳайдовчи дори сифатида ишлатилади.

Мева пўстлоғидан қайнатма тайёрлаш учун қопқоқли идишга бир стакан сувга бир чой қошиқ пўстлоғидан солиб қайнатилади ва овқатдан олдин бир ош қошиқдан ичилади. Мева пўстлоғининг кукунига сарёғ ёки мол ёғи билан аралаштириб суртилса, теридаги йирингли яраларни тузатишга ёрдам беради. Мева пўстлоғидан тайёрланган қайнатма эса оғиз бўшлиғи яллиғланишига ҳам даво бўлади.

Анор, олма, беҳи, лимон, ошқовоқ, нилуфар ва кашничга тенг миқдорда аралаштирилиб қайнатилади, унинг қуюқ шарбатига асал қўшиб истеъмол қилинса, сафро қусиш, кўнгил айниши ва тинка қуришига шифодир.

@salomatlik_official Ochish/sharhlash

2022-07-31 18:38:43 Эрта ажин тушиш сабаблари

Иякни тик тутмаслик. Иякни тик тутиш бўйин атрофига эрта ажин тушишини олдини олади.


Уйкусизлик. Кам ухлаш ҳам гўзалликка, соғликка зарарлидир. Тунги уйқи танадаги коллаген микдорини тикланишига ёрдам беради.

Хафаконлик. Хаётда учрайдиган кўнгилсизликларга камрок эътибор бериш лозим, чунки кўп нолийдиган, ҳамма нарсадан хафа бўлаверадиган инсон хеч качон гўзал куринмайди.

Узоқ вақт ҳаракатсиз ўтириш. Компьютер ва телевизор каршисида кўп вакт ҳаракатсиз ўтириш кўплаб касалликларга сабаб бўлади ва эрта қаришга олиб келади. Буни олдини олиш учун махсус жисмоний машқлар бажаришни одат қилиш лозим.

Юздаги крем ва ниқобларни ювмасдан ухлаш. Юздаги ювилмаган кремлар юз терисига салбий таъсир кўрсатиб, унинг нафас олишига ва кайта тикланишига тусиқлик қилади.

Фазилат САЪДУЛЛАЕВА
@salomatlik_official Ochish/sharhlash

2022-07-31 10:54:58 Узумнинг шифобахш хоссалари қадимдан маълум.

Унинг таркибида 15 фойиз глюкоза, фруктоза мавжуд. Узумнинг тўқ тутиши сабаби ҳам ана шунда. Бир кг узум 700 калориягача иссиқлик беради.

Узум сил касаллигининг дастлабки даврида, меъда, жигар ва буйракнинг баъзи касалликларида, сурункали ич қотишда, камқонликда муваффақият билан ишлатилади.

Узумдаги органик кислоталар тишни емириши мумкин. Шунинг учун узум егандан кейин тишни тозалашни ёки оғизни чайишни унутмаслик керак. Узумни яхшилаб ювиб ейиш, уруғини ажратиб ташлаш тавсия этилади.Бироқ, француз олимларининг аниқлашишича, узум уруғида холестирини йўқотадиган моддалар мавжуд экан.

Шунингдек, қандли диабетга дучор бўлганлар ва семиз одамлар узум ёйишлари мумкин эмас. Узум уларнинг ҳолатларини ёмонлашишига сабаб бўлади.

Узум майизи жуда ҳам фойдали. Ҳатто, биринчи жаҳон уруши йилларида майиз аскарларга дори воситаси сифатида берилганлигини тарих тасдиқлайди. Майизнинг юз грамми 200 калориягача иссиқлик беради.
@salomatlik_official Ochish/sharhlash

2022-07-30 07:56:50 Гўдакнинг ичи қотганда ва қорни дам бўлганда педиатр билан маслаҳатлашган ҳолда унга гиёҳли чойлар ичириш ҳам мумкин. Бунда боланинг ёшига боғлиқ кўрсатмаларга амал қилиш лозим.

Гиёҳли чойларни ичиришни оз-оздан бошлаб, миқдори секин-аста кўпайтирилади. Умуман, болаларга дуч келган гиёҳли чой ичиришдан аввал шифокор билан маслаҳатлашган маъқул.

Боланинг ичи қотганда ва қорни дам бўлганда мойчечакли чой ичириш ёрдам беради. Бунинг учун мойчечак гулларининг бир ошқошиғи устидан бир стакан қайноқ сув қуйилади ва устига қопқоқ ёпиб 1,5 соатга қолдирилади. Сўнг докадан сузиб ўтказилиб, болага кунига 3-4 маҳал овқатлантиришдан олдин бир ошқошиқдан ичирилади.

@salomatlik_official Ochish/sharhlash

2022-07-29 19:01:06 Инсон организми фаолиятда магнийнинг аҳамияти катта. Унинг кўп қисми суяк тўқималари таркибида бўлади.
Агар ҳайвонлар магний тузлари бўлмаган озуқа билан боқилса, уларнинг юрак фаолияти издан чиқади, яъни тиришиш касаллигига учраб нобуд бўлади. Мабода, қонга кўп миқдорда магний тузлари юборилса, кишининг боши айланади, бу ҳолат магнезиал наркоз деб аталади.

Киши организмининг магнийга бўлган эхтиёжи асосан озиқ-овқат маҳсулотлари ҳисобига қондирилади. Айниқса, ҳомиладорлар ва эмизикли аёллар организмининг магнийга бўлган эҳтиёжи кучли. Катта ёшдаги кишилар бир кунда 500 мг, ҳомиладорлар 925 мг, эмизикли аёллар 1250 мг, 3 яшаргача болалар 140 мг, 14-17 яшаргача болалар 530 мг магний истеъмол қилишлари лозим.

Озиқ – овқат маҳсулотларидан ловия, сули, гречка ёрмасида, нўхатда ва бошқа дуккакли маҳсулотларда магний кўп бўлади. Гўшт ва сут маҳсулотларида эса магний кам.

@salomatlik_official Ochish/sharhlash