2023-01-01 17:44:01
Умра қилувчилар учун ҳеч қаерда ёзилмаган баъзи тавсиялар (1-қисм)
Ассалому алайкум! Азизлар, аввало ҳар бир мўмина-муслимага ҳаж ва умра зиёратларини адо этиш бахти насиб этишини Аллоҳ таолодан сўраб дуо қилган ҳолда бир нечта тавсиялар беришни жоиз деб топдим.
Сафар сумкасини тайёрлашда:
1. Ўзингизга керакли бўлган дориларингизни солишни унутманг. Айниқса шамоллашда ичиладиган дорилардан. Чунки Маккада ҳам, Мадинада ҳам бирорта дорихонага кўзим тушмади. Агар топилса ҳам, дори-дармон бу ерда жуда қиммат дейишди.
2. Соч кесиш учун олган қайчингизни йўл халтангизга эмас, чемоданга солинг. Сумкага солсангиз, аэропортда олиб қўйишаркан.
3. Йўлга ёнғоқ, майиз каби қуруқ мевалардан, шунингдек, суви қочганроқ нон олсангиз, яхши бўлади. Чунки кечки таом учун меҳмонхонага келмай, масжидда ибодат қилиб ўтирмоқчи бўлсангиз, улардан ёнингизга солиб олишингиз мумкин. Авваллари меҳмонхонадан баъзи егуликларни олволишга рухсат беришган экан. Ҳозир рухсат беришмаяпти. (Балки биз ётган меҳмонхонада тартиб шундайдир.)
4. Кийимлардан кўпроқ олинг. Чунки меҳмонхоналарда кондиционер ишлаб туради. Ювганингиз билан қуриши қийин.
5. Менга соябон олишни тавсия қилишганди. Лекин шарт эмас экан. Шундай оламон ичида биттагина соябон тутган одамни кўрдим. Балки ёзги мавсумда керак бўлар.
6. Жойнамоз олишни унутманг. Чунки ҳар доим ҳам масжидда намозларни гиламда ўқишга имкон бўлмас экан. Мармар эса жуда муздек.
7. Мусҳаф солишингиз шарт эмас. Иккала масжидда ҳам мусҳафларни тахлаб ташлашибди. Бемалол олиб ўқишингиз мукин.
8. Кирсовун олишни унутманг. Баъзи нарсаларингизни ювишга керак бўларкан.
9. Албатта тапочка, чешка, қалин пайпоқ, енгилроқ нимча солинг. Байтуллоҳда кондиционерлар жуда кучли музлатгани учун роса керак бўларкан.
10. Битта кичкина сочиқ олсангиз етарли. Йўлда таҳорат қилганда керак бўлади. Меҳмонхонада эса ўзлари беришади.
10. Телефон учун қувватлантирувчи симни олганда токка тиқиладиган томони учталигидан ҳам, оддийсидан ҳам олинг.
11. Оёғи оғрийдиганлар ёки қариялар кичкина кўрпача олишлари мумкин. Лекин менга керак бўлмади. Қалинроқ жойнамоз бўлса кифоя. Балки ҳаж қилиш учун келадиганларга кўрпача керак бўлиши мумкин.Чунки ҳаж ибодати арконлари ичида Арофат ва Муздалифада туриш ҳам бор.
12. Баъзи дўконларда ўзбек сўми ўтади, дейишганди. Ундай эмас экан. Асосий муомаладаги пуллари доллар ва риал экан.
13. Тиш пастаси, чёткаси олишни унутманг. Яна нина-ип ҳам солиб қўйинг. Ҳар хил ҳолат бўлиши мумкин.
14. Эҳром учун оқ кўйлак олишингиз шарт эмас. Бошқа рангдагиси ҳам бўлаверади. Оқ кўйлакдан ички кийими шундай кўриниб турган аёлларнинг асосий қисми, афсуски, узбекистондан минг бор узр агар огир гап езган булсак роя килинг азизлар!!!
илтимос барча якинларга улашинг
Bizning manzil @Maruzalauz
Ustoz domlalarni maruzalari
https://telegram.me/joinchat/vuYqms_rvmhmZWQy
1.9K viewsedited 14:44
S
