•🍀 𝒁𝒖𝒏-𝑵𝒖𝒓𝒂𝒚𝒏 🍀 • | Blog

2020-11-03 13:02:32 @salihim_at_taqva Ochish/sharhlash

2020-11-03 07:38:21 УЧРАШУВ

Тақдир-насиб бўлиб, тўйдан олдин келин-куёвни учраштиришмоқчи бўлишди. Икки ёш гаплашиб, кўришиб, келишиб олишсин, дейишди. Куёв кичик холаси билан келиннинг уйига ташриф буюрди. Келин тараф эса катта амма билан меҳмонларни хуш келибсизлар, дея кутиб олишди. Келин-куёвни дарвоза яқинидаги кичик меҳмонхонада бемалол гаплашиб олинглар деб, ёлғиз қолдиришмоқчи бўлдилар. Бунга олима келин ҳам, олим куёв ҳам бир овоздан қарши чиқдилар. Никоҳдан олдин, яъни номаҳрамлар хилватда ёлғиз қолиши мумкин эмас эмиш.
Кичик холага юзланишди:
– Ёшлар билан сиз бирга ўтиринг бўлмаса.
– Тўғрисини айтсам, менда хижолатпазлик жуда кучли. Ёшларни ҳам уялтириб қўймай, - деб узр айтгандай бўлди.
Ахийри катта амма ёшларга шерик бўлишга рози бўлди. Куёв қисқа ва лўнда қилиб дилдаги гапларини айта бошлади. Келин эса ҳар бир гапга диққат билан қулоқ солиб турарди.
– Энг муҳим гапларим шулар эди. Қолганларини айтмасам ҳам сиздек ўқиган қизнинг ўзи билади, деб ўйлайман, - деди куёв.
– Қизим, бирор гапинг бўлса хижолат бўлмай сен ҳам айтавер, - деди амма суҳбатга аралашиб.
– Ҳа, албатта, кўнгилингиздаги гапларни тўйдан олдин билишни хоҳлардим, - деди куёв ҳам.
Бироз сукутдан кейин келин гап бошлади:
– Дунё савдосида ҳам, умр савдосида ҳам ёлғон ишлатиш мутлақ ҳаромлигини ва ҳийла ишлатиш макруҳлигини эслатиб бир нарса сўрасам майлими?..
– Албатта, хурсанд бўламан ва илтимос қиламан.
– Сизни утружжа деб гумон қиламан, адашмаяпманми?..
– Муболаға қилмайман, ўзимни мақтамайман ҳам. Авваллари утружжа эдим, ишим кўпайиб кетгани ва бошқа сабаблар билан хурмо бўлиб қолдим-да. Аллоҳ ислоҳ қилсин.
– Райҳон бўлмаганингизга шукр. Лекин мен бир умр утружжани орзу қилгандим...
– Яна утружжа бўлишга ҳаракат қиламан, иншааллоҳ.
– Ҳаракат эмас, ваъда берсангиз... розиман. Зеро, эр йигитлар ваъдасига ҳам, ёрига ҳам вафо қиладилар.
– Хўп, Аллоҳ номи ила ваъда бераман. Солиҳа аёл диннинг ярмидир, деганлари шу бўлса керак. Сизга ва сизни тарбия қилганларга катта раҳмат. Барчамиздан Аллоҳ рози бўлсин. Энди менга рухсат. Қолган гапларни никоҳдан кейин гаплашармиз. Унгача зарур гап чиқиб қолса холам орқали етказаман, иншааллоҳ - дея куёв катта аммага юзланди.
Амма эса айтилган гапларнинг ҳаммасига ҳам тушунмай ҳайрон бўлиб ўтирарди. "Утружжаси нима энди? Куёв хурмоман, дейдими? Анави қўшиқчи Райҳон ҳақида ҳам гаплашишдими?" - дер эди ичида.
Куёв кетганидан кейин амма жияни олдига ошиқди.
– Вой қизим, нималар ҳақида гаплашдиларинг? Мен айрим гапларинга умуман тушунмадим?
– Сиз хавотир олманг, аммажон. Биз ўзимиз келишиб олдик, - деди олима қиз нимтабассум билан.
– Жон қизим, тезроқ айта қолгин нималар ҳақида гаплашдиларинг?!
– … … …, - деди қиз бироз хижолат бўлиб.
– Вой омилигим қурсин-ей, вой олима жиянимдан ўргилай, - дерди амма ўзини кулгидан тўхтатолмай.

Оми амма тушунмаганини сиз зийрак ўқувчи тушундингиз, деган яхши гумондаман. Шунинг учун ҳам ҳикояни охиригача ёзмадим. Дарвоқе, ҳаммамизга утружжага ўхшаш насиб қилсин .

Жаноб Камина

#ҳикоя га изоҳ...

Абу Мусо Ашъарий розияллоҳу анҳу ривоят қилади:
«Расулуллоҳ соллаллоҳу алайҳи ва саллам:
«Қуръон қироат қилувчи мўмин худди утружжага (ширин апельсиннинг бир нави) ўхшайди. Унинг ҳиди ёқимли, мазаси ширин...
Қуръон ўқимайдиган мўмин эса хурмо кабидир. Унинг ҳиди йўқ, аммо мазаси ширин...
Қуръон ўқийдиган мунофиқ эса райҳон каби хушбўй, аммо мазаси аччиқ...
Қуръон ўқимайдиган мунофиқ худди ҳанзала янглиғ ҳидсиз ва таъми аччиқдир», деганлар.
#ҳадис
Бухорий, Муслим, Аҳмад, Доримий, Байҳақий, Ибн Ҳиббон, Тобароний ривояти.


✿°•┈┈┈••ৡ❀ৡ•┈┈┈•°✿

@salihim_at_taqva Ochish/sharhlash

2020-11-02 16:22:15 ЧОЙ ШАМАСИ, ПИЁЗ ПУСТИ ҳақида

САВОЛ:

Халқ орасида «чой шамасини ҳар жойга ташлаб бўлмайди, у дунёда савол жавоби қийин бўлади», «пиёз пустида аллоҳнинг исми бор, уни ахлатга ташлаш ёки ёқиш мумкин эмас», «Анжир дарахтининг шохларини ёқиш мумкин эмас»деган гаплар бор. Бу нарсалар ҳақида манбаларда нима дейилган? Жавобингиз учун олдиндан раҳмат!

ЖАВОБ:

— Бу ҳақида манбаларда ҳеч нарса дейилмаган. Бу ва бунга ўхшаш гапларни диндан, илмдан, маърифатда, ҳаётдаги аҳамиятли нарсалардан бехабар одамлар тўқиб чиқарганлар. Шу билан мўминларни овора қилишга ҳисса қўшганлар.
Ҳаёт учун, бу дунё ва охиратнинг саодати учун мўминларнинг ҳаракат қилишларига тўсиқ бўлганлар. Бошқа миллатлар етиштирган нарсаларни еб, ичиб, фойда олиб ўзлари ҳеч нарса қилишни ўйламай юришларига ундаш учун тўқиб чиқарганлар.
Бошқалар ҳамма тарафдан илғор бўлиб, ихтиролар қилиб дунё бошқариб боришаётган
бир вақтда биз чойнинг шамаси, пиёзнинг пўстлоғи ва анжирнинг шохини нима қилиш кераклигини сўраб, вақт, имкон, зеҳн, компьтер, интернет ва жавоб берувчининг асабини исроф қилиб юраверсак ҳозиргидан ҳам баттар ҳолга тушиб қолишимиз турган гап. Наҳотки, ҳаётда бу каби нарсалардан бошқаси бўлмаса?! Дин ва диёнат, ҳаёт ва саодат, илм маърифат, инсон ҳаётини гўзал қилиш учун, икки дунё
саодатини тақдим қилиш учун юборилган Ислом динига мансуб кишиларда бу каби саволларнинг бўлиши айбдир, уятдир, ор-номусдир!

Шайх Муҳаммад Содиқ Муҳаммад Юсуф роҳимаҳуллоҳ

АЛБАТТА ЎЗ ЯҚИНЛАРИНГИЗГА ҲАМ ТАРҚАТИНГ!!! Ochish/sharhlash

2020-10-31 08:21:57 Inson zotiga bir qadam tashla u sendan ön qadam uzoqlashadi... Ammo Allahga bir qadam tashla u senga ön qadam yaqinlashadi...

@salihim_at_taqva Ochish/sharhlash

2020-10-31 08:21:48 Agar solih(a) farzand istasangiz,eng avvalo solih qiz izlang. Agar soliha qiz istasangiz unda avvalo ozingiz solih boling..

@salihim_at_taqva Ochish/sharhlash

2020-10-30 18:57:35 Aytganiga amal qilmagan olim ignaga o'xshaydi, igna hammani kiyintirib, o'zi yalang'och qoladi.

@salihim_at_taqva Ochish/sharhlash

2020-10-29 11:28:33 Эркакнинг кўркамлиги кўзини тийишда намоён бўлади. Аёлнинг латофати нигоҳларни ўзига жалб қилмасликда намоён бўлади.

@salihim_at_taqva Ochish/sharhlash

2020-10-29 11:28:16 Bugun 12-robial avval oyi Payg'ambarimiz Muhammad; sollollohu alayhi vassalamning tavallud kunlari

@salihim_at_taqva Ochish/sharhlash