2022-12-30 09:14:18
Sarhisob – 2022
Yil boshida o'zim uchun nisbatan kattaroq hisoblangan ishlarni reja qilib qo'ygandim. Shuni sarhisob qiladigan vaqt ham kelibdi)
1. Haydovchilik guvohnomasi olish
Yanvar-fevral oylarida haydovchilik uchun maxsus kursni o'qib tugatdim va haydovchilik guvohnomasini oldim
2. 10 ta kitobni o'qib, tugatish
Yil boshida ishtiyoq bilan belgilangan ushbu reja deyarli bajarilmadi. Atigi ikkita kitob o'qiy oldim. Buning sababi sifatida esa dangasaligim va yil oxiridagi vaqt muammosi bo'ldi. Lekin bu bahona bo'la olmaydi.
3. Sport bilan shug'ullanish
Umumiy hisobda aytsam, davomiy 1 oy sport bilan mustaqil shug'ullandim. Ko'ngildagidek bo'lmasa ham, tanamda yaxshigina o'zgarishlar yuz berdi.
4. Yangi telefon sotib olish
Sentabr oyida yangi smartfon sotib oldim.
Rejadan tashqari:
5. Kanal faoliyati
Telegramda kichkina auditoriyalik kanalga ega bo'ldim. Turli xil kichik bo'lsa ham postlar yozdim. Yil oxirida esa shaxsiy sabablar tufayli aktivlik yo'qoldi. O'xshasa, yangi yildan yangicha formatda qaytaman Inshaalloh.
6. Shaxsiy rivojlanish
Shu yil ruhiy va xarakter jihatdan ham ancha rivojlana (va yetarlicha stressga ham boy yil bo'ldi) oldim.
Yangi tanishlar va kommunikativ muomala madaniyatining aynan 2022-yilda o'sishi o'zim uchun sezilarli darajada shaxsiy rivojlanish bo'ldi deya olaman
Bu yil universitetda tajribali professor o'qituvchilar tomonidan o'tilgan fanlar sabab keng doirada fikrlash va qaror qabul qilishda o'z tamoyillariga tayanish kabi jihatlarni shaxsiy rivojlanishga yana bir sabab deb hisoblayman.
To'g'ri bajarilmagan rejalar ko'p, lekin bajarilganlari nisbatan qadrliroq
Xullas, bu yilgi sarhisobim shulardan iborat "sog' bo'lasizlar")
36 viewsZuhriddin Erkinov, edited 06:14