"SAID NASIMXON TO’RA"

2022-08-30 09:09:13 АҚИЙҚАДА СЎЙИЛАДИГАН ЖОНЛИҚНИНГ АДАДИ

@Savollar_kanal 11601-савол

Ассалому алайкум! Пайғамбаримиз соллаллоҳу алайҳи васалламнинг набиралари учун биттадан қўй сўйганликлари ва ўғил фарзандга икки қўй сўйилиши ҳақидаги хадисларни ўқидим. Саволим ўғил фарзандга имкониятига қараб бир ёки иккита қўй сўйиладими ёки бир қўчқор бўлмаса икки совлиқ қўй сўйиладими?

ЖАВОБ:

– Ва алайкум ассалом! Битта сўйиш ҳам иккита сўйиш ҳам келган. Қодир бўлсангиз 2та сўйинг. 
عَنِ ابْنِ عَبَّاسٍ رَضِي اللهُ عَنْهُ: أَنَّ النَّبِيَّ صَلَّى اللهُ عَلَيْهِ وَسَلَّمَ  عَقَّ عَنِ الْحَسَنِ وَالْحُسَيْنِ رَضِيَ اللهُ عَنْهُمَا كَبْشًا كَبْشًا. رَوَاهُ أَصْحَابُ السُّنَنِ. وَلَفْظُ التِّرْمِذِيِّ: عَقَّ النَّبِيُّ صَلَّى اللهُ عَلَيْهِ وَسَلَّمَ   عَنِ الْحَسَنِ بِشَاةٍ وَقَالَ: يَا فَاطِمَةُ، احْلِقِي رَأْسَهُ وَتَصَدَّقِي بِزِنَةِ شَعَرِهِ فِضَّةً، فَوَزَنَّاهُ فَكَانَ وَزْنُهُ دِرْهَمًا أَوْ بَعْضَ دِرْهَمٍ 
Ибн Аббос розияллоҳу анҳумодан ривоят қилинади:«Набий соллаллоҳу алайҳи васаллам Ҳасан ва Ҳусайн розияллоҳу анҳумоларга биттадан қўчқор сўйиб, ақийқа қилдилар».«Сунан» эгалари ривоят қилганлар. Термизийнинг лафзида:«Набий соллаллоҳу алайҳи васаллам Ҳасанга бир қўй сўйиб, ақийқа қилдилар ва:«Эй Фотима, унинг сочини олиб, сочи вазнида кумуш садақа қилгин», дедилар. Бас, тортсак, унинг вазни бир дирҳам ёки дирҳамнинг баъзисича чиқди», дейилган.Шарҳ: Ушбу ҳадиси шарифдан ўғил болага, албатта, иккита қўй сўйиб, ақийқа қилиш шарт эмаслиги, битта қўй сўйса ҳам бўлавериши келиб чиқмоқда. Чунки Расулуллоҳ соллаллоҳу алайҳи васалламнинг ўз набираларига биттадан қўчқор сўйганлари шуни кўрсатади.Пайғамбар соллаллоҳу алайҳи васалламнинг ўз қизларига хитоб қилиб:«Эй Фотима, унинг сочини олиб, сочи вазнида кумуш садақа қилгин» дейишларидан бунга ўхшаш ишларни оналар қилишлари афзаллиги англашилади.Боланинг сочи вазнида кумуш садақа қилиш мустаҳаб амал бўлиб, боланинг яхши ўсиши учун қилинган яхши ниятнинг белгисидир. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2022-08-30 08:09:06 Ochish/sharhlash

2022-08-30 08:08:37 Ochish/sharhlash

2022-08-30 08:08:19 Ochish/sharhlash

2022-08-30 08:08:00 Ochish/sharhlash

2022-08-30 08:06:26 Ҳижрий 18 (милодий 638) йилда Ҳижоз ерларида ёғингарчилик бўлмагани сабабли қаттиқ қурғоқчилик келиб чиқди. Шамол қаттиқ эсиб, ҳамма жойга қуюқ чанг учирарди. Шамол тупроқни худди кул каби учиргани сабабли бу йил “Рамода”, яъни “кул” йили деб номланди. Бу офат натижасида бир қанча инсонлар ҳалок бўлди, экинлар нобуд бўлиб, чорва моллари очликдан ўлиб кетди.

Шунда Умар розияллоҳу анҳу халифаликнинг бошқа минтақаларидан ёрдам сўрадилар. Улар карвонларда егулик ва ичимлик жўнатишар, Ҳазрати Умар уларни Макка ва Мадинадаги инсонларга тақсимлардилар. Ана шундай қийин дамларда мўминлар амирининг ҳақиқий фидойилиги ва зоҳидлиги намоён бўлди. Ҳазрати Умар: “Раиятга етган нарса менга ҳам етмас экан, қандай қилиб уларнинг ҳолати мени ташвишга солади?!”, дея бу бало кўтарилгунига қадар ўзига сариёғ, сут ва гўшт ейишни таъқиқлади…

Саид Насимхон тўра — тарихнинг олтин саҳифалари Ochish/sharhlash

2022-08-29 17:27:34 Ўзбекистон мусулмонлари идораси тасарруфидаги ўрта махсус ислом таълим муассасаларининг 2022-2023 ўқув йилининг тест синов натижалари эълон қилинди.
Абитуриентлар тест синов натижаларини ўзлари ҳужжат топширган таълим муассасалари ижтимоий тармоқлари ва интернет сайтларидан билишлари мумкин.
https://t.me/qabulmuslimuz Ochish/sharhlash

2022-08-29 17:16:46 ЭСНАШ НАМОЗНИ БУЗАДИМИ?
#қисқа_савол_жавоблар

CАВОЛ: Мен намоз ўқишни яқинда бошладим. Намоз ўқиётган вақтимда ва саловотлар айтаётганимда эснашни бошлайман. Бу эснаш намозга путур етказмайдими? Ёки эснаган вақтда намоз ўқимай туриш керакми?

ЖАВОБ: Бисмиллаҳир Роҳманир Роҳим.
Имкон қадар эснашни қайтаришга урининг. Аммо намоз эснаш сабабли мутлақо бузилмайди. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @diniysavollar Ochish/sharhlash

2022-08-29 13:03:20 #Ҳадис_354

ҚАРЗИ АДО ЭТИЛМАГУНЧА ЖАННАТГА КИРМАС

وَلِلنَّسَائِيِّ: وَالَّذِي نَفْسِي بِيَدِهِ لَوْ أَنَّ رَجُلًا قُتِلَ فِي سَبِيلِ اللهِ، ثُمَّ أُحْيِيَ ثُمَّ قُتِلَ، ثُمَّ أُحْيِيَ ثُمَّ قُتِلَ وَعَلَيْهِ دَيْنٌ مَا دَخَلَ الْجَنَّةَ حَتَّى يُقْضَى عَنْهُ دَيْنُهُ

Насаий қилган ривоятда:

Пайғамбаримиз ﷺ: «Менинг жоним қўлида бўлган Зот ила қасамки, агар бир киши Аллоҳнинг йўлида қатл қилинса, сўнг тирилтирилса, яна қатл қилинса ва тирилтирилса, сўнг яна қатл қилинса-ю, унинг зиммасида қарзи бўлса, қарзи адо этилмагунча жаннатга кирмас», дейилган.


Шарҳ: Пайғамбаримиз ﷺнинг қасам ичиб туриб айтишлари ҳам бу иш қанчалик аҳамиятли эканлигини кўрсатади.
Аллоҳ таолонинг йўлида шаҳид бўлиш қанчалик улуғ мақом. Шаҳид учун жаннат эшиклари доимо катта очиқ. Лекин қарз иши оғир. Агар инсон Аллоҳнинг йўлида бир эмас, уч марта шаҳид бўлса ҳам, қарзини адо қилмаган бўлса, жаннатга кира олмайди. Ундай одамнинг жаннатга кириши олган қарзининг узилишига боғлиқ бўлиб қолади. Қарзи узилса, жаннатга киради, бўлмаса йўқ.
Чунки қарз банданинг ҳаққи, бу ҳақни фақат ўз эгаси кечади, холос. Аллоҳ таоло кечмайди. Қарз олиб, уни узмай юрганлар бу ҳақиқатни яхшилаб англаб олмоқлари лозим.


“Ҳадис ва Ҳаёт” китобидан

•┈•┈•┈•┈•❁✿❁•┈•┈•┈•┈•
Илмни бошқаларга улашиш баракага сабабдир. Аллоҳ илмимга барака берсин десанг, уни бошқаларга улашишга рағбатли бўл !
•┈•┈•┈•┈•❁✿❁•┈•┈•┈•┈•

ДЎСТЛАРИНГИЗГА ҲАМ УЛАШИНГ!!!

@saidnasimxontora Ochish/sharhlash

2022-08-29 08:18:40 Дўстларингизга ҳам улашинг!!!
•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://telegram.me/joinchat/AAAAAEK1i9U4tQNraGg1wA Ochish/sharhlash